အထောင်တိုက်စစ်မှူးအဖြစ် ကစားလိုပါက မန်ယူမှ ထွက်ခွာရန် ရက်ရ်ှဖို့ကို တိုက်တွန်း

ရက်ရ်ှဖို့ဒ်အနေနဲ့ အထောင်တိုက်စစ်မှူးနေရာမှာ ကစားချင်တယ်ဆိုရင် မန်ယူအသင်းက ထွက်ခွာဖို့လိုတယ်လို့ လီဗာပူး ကစားသမားဟောင်း ကာရေဂါက တိုက်တွန်းလိုက်ပါတယ်။ ရက်ရ်ှဖို့ဒ်ဟာ မန်ယူအသင်းမှာ လူကာကူရဲ့နောက်မှာပဲ တောင်ပံကစားသမားအဖြစ် ကစားနေရတာပါ။ အင်္ဂလန်အသင်းနဲ့ ဆွစ်ဇာလန်အသင်းတို့ရဲ့ ခြေစမ်းပွဲမှာ ရက်ရ်ှဖို့ဒ်က အထောင်တိုက်စစ်မှူး နေရာမှာ ကစားခဲ့ပြီး အနိုင်ဂိုးတဂိုးသွင်းကာ ခြေစွမ်းပြခဲ့ပါတယ်။ ရက်ရ်ှဖို့ဒ်ကိုယ်တိုင်က အထောင်တိုက်စစ်မှူးနေရာမှာ ကစားဖို့ ဆန္ဒရှိနေတယ်လို့ ကာရေဂါက ဆိုပါတယ်။ မန်ယူအသင်းမှာတော့ လူကာကူရှိနေတဲ့အတွက် အထောင်တိုက်စစ်မှူးနေရာမှာ ကစားရဖို့ မရှိဘူးလို့ ကာရေဂါက ပြီးခဲ့တဲ့အပတ်မှာ ပြောကြားခဲ့ပါတယ်။ ဒီကိစ္စနဲ့ပတ်သက်ပြီး နည်းပြမော်ရင်ဟိုက ကာရေဂါကို ဝေဖန်ခဲ့ပြီး ရက်ရ်ှဖို့ဒ်ကို ပွဲထွက်ခွင့်တွေ ပေးတဲ့အကြောင်း၊ ပွဲအရေအတွက်တွေနဲ့တကွ ပြန်လည် တုံ့ပြန်ခဲ့ပါတယ်။ ဒါနဲ့ပတ်သက်ပြီး မော်ရင်ဟိုကို မိမိနားလည်ကြောင်းနဲ့ မိမိပြောခဲ့တာဟာ ပွဲထွက်ခွင့်အကြောင်း မဟုတ်ဘဲ ရက်ရ်ှဖို့ဒ်ကို အထောင်တိုက်စစ်မှူး နေရာမှာ ကစားဖို့ဖြစ်တယ်လို့ ကာရေဂါက ဆိုပါတယ်။ ရက်ရ်ှဖို့ဒ်ဟာ အထောင်တိုက်စစ်မှူးအဖြစ် မန်ယူအသင်းမှာ ၁၂ ပွဲကစားဖူးပြီး တောင်ပံတိုက်စစ်နေရာမှာပဲ ကစားခဲ့ရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up