တောင်တရုတ်ပင်လယ်အရေး အငြင်းပွားမှု ငြိမ်းချမ်းစွာဖြေရှင်းရန် အင်ဒိုနှင့် ဗီယက်နမ် သဘောတူ

ဓာတ်ပုံ - baoquocte.vn
အင်ဒိုနီးရှားနဲ့ ဗီယက်နမ်သမ္မတတွေဟာ တောင်တရုတ်ပင်လယ်အရေး အငြင်းပွားမှုကို ငြိမ်းငြိမ်းချမ်းချမ်း ဖြေရှင်းဖို့နဲ့ နှစ်နိုင်ငံကြား စီးပွားရေးဆိုင်ရာ ဆက်ဆံရေး အားဖြည့်ဖို့ စက်တင်ဘာ ၁၁ ရက်နေ့က သဘောတူလိုက်ကြပါတယ်။ ဗီယက်နမ်မြို့တော် ဟနွိုင်းကို အလည်ရောက်နေတဲ့ အင်ဒိုနီးရှားသမ္မတ ဂျိုကို ဝီဒိုဒိုကို ဗီယက်နမ်သမ္မတ ထရန်ဒိုင်ကွမ်းက သမ္မတနန်းတော်မှာ ကြိုဆိုနှုတ်ဆက်ပါတယ်။ အဲဒီနောက် တရားမဝင်ငါးဖမ်းမှု တိုက်ဖျက်ရေး ပူးတွဲကြေညာချက်ကို ထုတ်ပြန်ပါတယ်။ တောင်တရုတ်ပင်လယ်အတွင်း အငြင်းပွားမှုတွေကို နိုင်ငံတကာဥပဒေနဲ့အညီ ငြိမ်းငြိမ်းချမ်းချမ်း ဖြေရှင်းဖို့နဲ့ အရှေ့ပင်လယ်ထဲမှာ ကျင့်သုံးမယ့် ကျင့်ဝတ်စည်းမျဉ်းအတွက် ညှိနှိုင်းဖို့ ထောက်ခံကြောင်း ပြခဲ့ကြပါတယ်။ ဒါ့အပြင် နှစ်နိုင်ငံ ကုန်သွယ်ရေးကို အမေရိကန်ဒေါ်လာ ၁၀ ဘီလျံထိ တိုးမြှင့်ဖို့ ရည်ရွယ်ပြီး စွမ်းအင်၊ စိုက်ပျိုးရေး၊ ယဉ်ကျေးမှု၊ ခရီးသွားလုပ်ငန်း၊ သဘာဝပတ်ဝန်းကျင်နဲ့ အဏ္ဏဝါသိပ္ပံ နယ်ပယ်တွေမှာ ပူးပေါင်းဆောင်ရွက်ဖို့ ဆွေးနွေးခဲ့ကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up