ကြက်သွန်နီဈေးနှုန်းများ မြင့်တက်
DVB
·
September 10, 2018
မန္တလေးတိုင်းဒေသကြီး၊ မြင်းခြံမြို့နယ်ရှိ ဒေသထွက်ကုန်ဖြစ်တဲ့ ကြက်သွန်နီဈေးနှုန်းဟာ တပတ်အတွင်းမှာ တပိဿာကို ကျပ် ၆၀၀ ဝန်းကျင်ခန့် မြင့်တက်လာနေပါတယ်။
ရွှေဒင်္ဂါး ကြက်သွန်နီပွဲရုံမှ ဦးကျော်ဇင်ဝင်းက "တက်လာရတဲ့ အကြောင်းရင်းက စားသုံးသူတွေ အဝယ်လိုက်လာတာရယ်၊ ပြီးတော့ လက်ရှိဈေးကို လှောင်လက်သမားတွေက ကြိုက်ပြီး ဝယ်လှောင်နေကြတာကြောင့် ဈေးတက်လာတာပါ။ ဒါပေမယ့် မြင်းခြံမြို့ပေါ်မှာတော့ ကြက်သွန်က အဝင်နည်းသွားတယ်။ တောင်သူတွေလက်ထဲမှာလည်း ကြက်သွန်က အနည်းအကျဉ်းလောက်ပဲ ရှိကြတာပါ။ မြင်းခြံမှာ ကြက်သွန်ဈေး မြင့်လာတာနဲ့ တရုတ်ဘက်က ကြက်သွန်တွေ ရက်ပိုင်းအတွင်းမှာ ဝင်လာဖို့ရှိနေတယ်” လို့ ဒီဗွီဘီကို ပြောပါတယ်။
ပြီးခဲ့တဲ့ သြဂုတ်လအတွင်းကလည်း မိုးအဆက်မပြတ် ရွာသွန်းမှုကြောင့် လမ်းတွေ ပိတ်ဆို့မှုဖြစ်ခဲ့ပြီး ကြက်သွန်ဈေးဟာလည်း အနည်းငယ် မြင့်တက်ခဲ့ပါတယ်။
မြင်းခြံက ကြက်သွန်နီတွေကို ရန်ကုန်၊ မော်လမြိုင်၊ ဘားအံ စတဲ့ မြို့ကြီးတွေကုို အများဆုံး တင်ပို့ရောင်းချရပြီး ပြီးခဲ့တဲ့တပတ်အတွင်းက ကြက်သွန်နီ တပိဿာကို အနိမ့်ဆုံးဈေး ၄၅၀ ကျပ်မှ အမြင့်ဆုံးဈေး ၆၂၅ ကျပ်နဲ့ အရောင်းအဝယ် ပြုလုပ်ခဲ့ကြပါတယ်။
ဒီနေ့ ကြက်သွန်နီဈေးကွက်က အနိမ့်ဆုံး တပိဿာကို ကျပ် ၁၀၀၀ မှ အမြင့်ဆုံး ၁၂၀၀ ကျပ်ထိ အရောင်းအဝယ် ဖြစ်ခဲ့ပြီး မြင်းခြံကုန်စည်ဒိုင်မှာတော့ ကြက်သွန်နီကုန်ချိန် ပိဿာ တသောင်းကျော်ခန့်သာ ဝင်ရောက်မှုရှိနေတယ်လို့ သိရပါတယ်။
မြင်းခြံမြို့နယ်ရှိ တောင်သူအများစုက ကြက်သွန်နီနဲ့အတူ ပဲအမျိုးမျိုး၊ နှမ်း၊ ပြောင်း၊ ဆေးရွက်ကြီး၊ ငရုတ် စတာတွေ အဓိကစိုက်ပျိုးကြပြီး ရာသီဥတု ဖောက်ပြန်တာနဲ့ ဈေးကွက်တည်ငြိမ်မှုမရှိလို့ တောင်သူအများစုဟာ နှစ်စဉ် အရှုံးတွေနဲ့ ရင်ဆိုင်နေကြရပါတယ်။
သတင်း - ရီရီထွန်း ( မြင်းခြံ)