A d v e r t i s e m e n t With Us

ဖမ်းဆီးခံသတင်းထောက်များလွတ်မြောက်ရေး မုံရွာတွင် ဆုတောင်းပွဲပြုလုပ်

စစ်ကိုင်းတိုင်းဒေသကြီး၊ မုံရွာမြို့၊ ရွှေစည်းခုံဘုရားမှာ မုံရွာမြို့ခံသတင်းထောက်တွေ၊ အရပ်ဘက်အဖွဲ့အစည်းတွေ ပူးပေါင်းကာ သတင်းလွတ်လပ်ခွင့်နှင့် ဖမ်းဆီးခံ သတင်းထောက်တွေ အမြန်ဆုံးလွတ်မြောက်ရေးအတွက် ဆုတောင်းပွဲတခုကို စက်တင်ဘာ ၉ ရက်နေ့က ပြုလုပ်ခဲ့ပါတယ်။ “အဓိကကတော့ သတင်းလွတ်လပ်ခွင့်အတွက်ပါ။ ရိုက်တာကို ထောက်ခံတာ မဟုတ်ဘူး။ ဒါပေမယ့် သတင်းလွတ်လပ်ခွင့်တွေ လျော့နည်းလာလို့မို့ လုပ်တာဖြစ်တယ်။ သတင်းလွတ်လပ်ခွင့်ကို ခြိမ်းခြောက်တဲ့ ပုဒ်မတွေလည်း တိုးလာတယ်။ ပြောရရင် သတင်းလွတ်လပ်ခွင့် လျော့နည်းလာတဲ့ အနေအထားတွေ ကြုံလာလို့ အခုလို စုပေါင်းပြီး ဆုတောင်းပွဲလုပ်တာပါ” လို့ အလဲဗင်းသတင်းထောက် ကိုကောင်းခန့်လင်းက ပြောပါတယ်။ မုံရွာမြို့မှာ လွန်ခဲ့တဲ့ ၁ နှစ်ကျော်ကလည်း အလဲဗင်းသတင်းထောက် ကိုစိုးမိုးထွန်း လုပ်ကြံခံခဲ့ရပြီး ဒီနေ့အချိန်ထိ တရားခံ ဖမ်းဆီးရမိခြင်း မရှိသေးသလို အသတ်ခံရတဲ့ အကြောင်းရင်းလည်း မသိရသေးပါဘူး။ လတ်တလောမှာတော့ ရိုက်တာ သတင်းထောက် ၂ ယောက် နှစ်ရှည်ထောင်ဒဏ် ချမှတ်ခံရတာအပြင် ဒီဗွီဘီစီဂျေသတင်းထောက် ကိုအောင်စိုးမိုးလည်း အာမခံမရဘဲ အချုပ်ခဲကနေ တရားရင်ဆိုင်နေရပါတယ်။ နိုင်ငံတကာရဲ့အညွန်းကိန်းတွေအရလည်း မြန်မာနိုင်ငံရဲ့ သတင်းလွတ်လပ်ခွင့်က ကျဆင်းနေပါတယ်။

A d v e r t i s e m e n t With Us

More News
Up