ငါးပိုလတ်တယ်ထင်ရစေရန် ပလတ်စတစ်မျက်လုံး သုံးခဲ့သည့် ငါးဒိုင် အရေးယူခံရ

ငါးတွေကို ပိုလတ်တယ်လို့ထင်ရဖို့ ပလတ်စတစ်မျက်လုံးအတုတွေ တပ်ခဲ့တဲ့ ငါးဒိုင်တခုကို ကူဝိတ်အာဏာပိုင်တွေက လုပ်ငန်းပိတ်သိမ်း အရေးယူခဲ့တယ်လို့ OC သတင်းမှာဖော်ပြပါတယ်။ ငါးဆိုင်ပိုင်ရှင်က ပလတ်စတစ်နဲ့လုပ်ထားတဲ့ ငါးမျက်လုံးပုံစံ မျက်ကပ်မှန်တွေကို ငါးတွေမှာ ကပ်ပြီး စားသုံးသူတွေကို လှည့်စားခဲ့တာဖြစ်ပါတယ်။ ဒီအရေးယူမှုဟာ ပြီးခဲ့တဲ့ သီတင်းပတ်ကဖြစ်ပွားခဲ့တာပါ။ ဒီကိစ္စကို ကူဝိတ်နိုင်ငံက အမျိုးသမီးတဦးက စတင်တွေ့ရှိခဲ့တာပဲဖြစ်ပါတယ်။ အေမန်မက်လို့ ခေါ်တဲ့ အမျိုးသမီးဟာ သူမကိုလှည့်စားခဲ့တဲ့ ငါးဒိုင်ရဲ့လုပ်ရပ်ကို ဗွီဒီယိုရိုက်ကူးပြီး လူမှုကွန်ယက်ပေါ် မျှဝေခဲ့တာပဲဖြစ်ပါတယ်။ ထွက်ပေါ်လာတဲ့ ဗွီဒီယိုဖိုင်မှာ ငါးတကောင်ရဲ့ မျက်နှာပိုင်းကို ရေနဲ့ထပ်ကာထပ်ကာ ဆေးကြောလိုက်တဲ့အခါမှာ အပေါ်မှာကပ်ထားတဲ့ ပလတ်စတစ် မျက်လုံးပုံစံက ကျွတ်ထွက်သွားပြီး ဖြူနေတဲ့ ပလတ်စတစ် မျက်လုံးနေရာမှာ အဝါရောင်သန်းနေတဲ့ မျက်လုံး ပေါ်ပေါက်လာတာကို တွေ့ခဲ့ရပါတယ်။ ဒီဗွီဒီယိုဖိုင်ဟာ ကူဝိတ်နိုင်ငံက အင်တာနက် အသုံးပြုသူတွေကြားမှာ အချိန်တိုကာလအတွင်း ပျံ့နှံ့သွားခဲ့ပြီး လူထောင်ပေါင်းများစွာက ပြန်လည်မျှဝေခဲ့ကြပါတယ်။ ပြန်လည်မျှဝေမှုတွေနဲ့အတူ စားသုံးသူအများစုက ဒီလုပ်ရပ်ကိုဒေါသတကြီး ရှုတ်ချခဲ့ကြပါတယ်။ ဒီလိုဝေဖန်ရှုတ်ချမှုတွေရှိပေမယ့်လည်း အချို့ကတော့ ငါးဒိုင်ရဲ့ စိတ်ကူးနဲ့ အတုကို အစစ်ဖြစ်အောင် ဖန်တီးထားတဲ့ စွမ်းရည်ကို ထုတ်ဖော်ချီးကျူးခဲ့ကြပါတယ်။ ဒီကိစ္စဟာ ကူဝိတ်အစိုးရ အရာရှိတွေအထိ ပျံ့နှံ့သွားခဲ့ပြီး ကူဝိတ်ကုန်သွယ်ရေးဌာနက ငါးဒိုင်ကို ပိတ်သိမ်းဖို့ ပြစ်ဒဏ်ချမှတ်ခဲ့တာပဲ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up