တကျောင်းလုံး ဆရာမတဦးတည်းသာရှိသည့် စာသင်ကျောင်းကလေး

နေသာတာပဲဖြစ်ဖြစ်၊ မိုးလာတာပဲဖြစ်ဖြစ် ထိုင်းနိုင်ငံက ဆရာမ ဆွန်မိုင် ဝီချိုင်ကတော့ အမြဲတမ်း အလုပ်ရှုပ်နေတာပါပဲ။ သူတာဝန်ကျတဲ့ ဝက်တ်ဟောင်ဒေသက စာသင်ကျောင်းဟာ မူလတန်းအဆင့် ကျောင်းတကျောင်းဖြစ်ပြီး သင်ကြားသူကတော့ တကျောင်းလုံးမှာ သူတဦးတည်း ရှိနေတာမို့ပါ။ ဒါပေမယ့် အသက် ၅၆ နှစ်အရွယ် ဆရာမ ဆွန်မိုင်ကတော့ စာသင်ကြားရင်း၊ ပုံမှန်တက်ရောက်ရမယ့် အစည်းအဝေးတွေ တက်ရောက်ရင်း၊ ကျောင်းအတွက် လိုအပ်တာတွေ လုပ်နေရင်းနဲ့ နေ့စဉ်ဖြတ်သန်းနေပါတယ်။ ကျောင်းရဲ့ ဒါရိုက်တာတဦးလည်းဖြစ်တဲ့ သူက “ကျမ တကြိမ်တော့ အလုပ်က ထွက်လိုက်တော့မယ်လို့ ခံစားရတဲ့အထိ ဖြစ်ဖူးပါတယ်။ ဒါပေမယ့် နှစ်ကြိမ်တိုင်တိုင် ပြန်စဉ်းစားပြီး ကျောင်းမှာ ဆက်နေဖို့ ဆုံးဖြတ်ခဲ့ပါတယ်” လို့ သူ့ရဲ့ခံစားချက်ကို ပြောပြပါတယ်။ “တကယ်လို့ ကျမသာ ထွက်စာတင်ပြီး ကျောင်းသားကလေးတွေကို ပစ်ထားခဲ့ရင် သူတို့ရဲ့အနာဂတ်ကို သတ်လိုက်တာနဲ့ မထူးဘူးပေါ့။ ကျမကျောင်းသားတွေကို မတွေ့ဘဲ မနေနိုင်ပါဘူး။ ဒီအရာက ကျမကို ဒီကျောင်းမှာ ဆက်ရှိနေစေဖို့ ဆိုတာပါပဲ။” ကျောင်းမှာ စာသင်ကြားနေကြတဲ့ ကျောင်းသားဦးရေ ၂၈ ဦးရှိနေပြီး သူ့အနေနဲ့ ပညာရေးဆိုင်ရာ အာဏာပိုင်တွေကို ကျောင်းအတွက် လိုအပ်နေတဲ့ ဆရာ၊ ဆရာမတွေ ခန့်ထားပေးနိုင်ဖို့ တောင်းဆိုထားတယ်လို့ ဆိုပါတယ်။ ကျောင်းကော်မတီအဖွဲ့ဝင် တဦးလည်းဖြစ်၊ ဒေသခံလည်းဖြစ်တဲ့ ဒုတိယရဲမှူးကြီး ကစ်တီ ဆီရိဆိုဖွန်ကတော့ အရင်တုန်းက ကျောင်းမှာ ဆရာ၊ ဆရာမဦးရေ ၁၀ ဦးထက်မနည်း ရှိခဲ့ပေမယ့် လက်ရှိမှာတော့ ဆရာမတဦးနဲ့ အစောင့်တဦးသာ ကျန်တော့တယ်လို့ ပြောပါတယ်။ ဒီအခြေအနေဟာ ကျောင်းသားကလေးငယ်တွေရဲ့ အနာဂတ်အတွက် စိုးရိမ်ရတဲ့ အခြေအနေ ဖြစ်နေတယ်လို့ ဆိုပါတယ်။     အဲဒီဒေသတွင်းက ကလေးငယ်တွေဟာ လယ်သမားတွေ၊ လက်လုပ်လက်စား မိသားစုတွေက မွေးဖွားလာတဲ့ ဆင်းရဲတဲ့ ကလေးငယ်တွေမို့ မြို့တွင်းပိုင်းက ကျောင်း တွေဆီ ရွှေ့ပြောင်းသင်ယူဖို့ မတတ်နိုင်ကြဘူးလို့ သူက ပြောပါတယ်။     ထိုင်းအစိုးရရဲ့ ပေါ်လစီအရ ကျောင်းသားကလေးငယ်တွေကို သက်ဆိုင်ရာအိမ် နဲ့ နီးတဲ့ စာသင်ကျောင်းတွေမှာ ပညာသင်ကြားကြဖို့ တိုက်တွန်းထားပေမယ့် ကျေး လက်ဒေသက စာသင်ကျောင်းငယ်အများစုမှာတော့ ဆရာ၊ ဆရာမဦးရေ မလုံလောက်မှု နဲ့ ရင်ဆိုင်နေကြရတာပါ။     ဒီကျောင်းကလေးမှာ ၃၁ နှစ်လောက် စာသင်ကြားပေးခဲ့တဲ့ ဆရာမ ဂျန်ရာ ဖက် ဖောင်ကတော့ လက်ရှိမှာ အသက် ၆၁ နှစ်အရွယ် ရှိနေပြီဖြစ်ကာ အငြိမ်းစားဆရာမအ ဖြစ် လစဉ်ပင်စင်လစာဘတ် ၄ သောင်း ၈ ထောင်ရရှိနေတာပါ။     သူရော ခင်ပွန်းဖြစ်သူ ဂျန်ဆက်ခ် ဖက်ဖောင်တို့ဟာ စာသင်ကြားတဲ့ ဆရာ၊ ဆရာ မ ဘ၀မှ အနားယူလိုက်ကြပေမယ့် ၀က်တ်ဟောင်စာသင်ကျောင်းကလေးအတွက် စိတ် ပူပန်နေကြပါတယ်။     လက်ရှိမှာတော့ သူတို့ ၂ ယောက်စလုံးဟာ ကျောင်းကလေးမှာ သွားရောက်ပြီး လစာမရပဲ အခမဲ့စာသင်ကြားပေးနေကြတာပါ။     “ကျမတို့ ဒီကျောင်းကလေးမှာ စာသင်ကြားပေးနေကြပါတယ်။ ကျမတို့ သင်နိုင် တဲ့ အရွယ်အထိပေါ့။ တကယ်လို့ ဒီကျောင်းမှာ ကျောင်းသားတယောက်ပဲ ရှိနေရင် တောင် ကျမတို့ ထားသွားမှာ မဟုတ်ပါဘူး”     လွန်ခဲ့တဲ့ ၁၉၉၇ ခုနှစ်ကာလတုန်းက ကျောင်းမှာ ကျောင်းသားဦးရေ ၁၂၀ လောက်ရှိပြီး ဆရာ၊ ဆရာမဦးရေ ၁၀ ဦးထက်မနည်းရှိခဲ့တယ်လို့ ပြန်ပြောင်းပြောပြပါ တယ်။     တချို့ဆရာ၊ ဆရာမတွေက တခြားကျောင်းတွေကို ပြောင်းရွှေ့သွားကြတာများ တယ်လို့လည်း ဆိုပါတယ်။     အသက် ၃၁ နှစ်အရွယ် ပူရစ်တ်ရာ ရန်မီးမ်နဲ့ ၂၅ နှစ်အရွယ် ဖီချစ်တ်ထရာ ဆီရိချိုး တို့ ၂ ယောက်ကတော့ ဒီကျောင်းကလေးရဲ့ ကျောင်းသူဟောင်းတွေဖြစ်ကြပြီး ဇီဝနည်း ပညာနဲ့ သဘာဝပတ်ဝန်းကျင်ဆိုင်ရာ ကျန်းမာရေးဘွဲ့တွေ အသီးသီးရရှိထားကြသူတွေ ပါ။     အဲဒီနောက် သူတို့ ၂ ဦးစလုံးဟာ ဒေသတွင်းဖွံ့ဖြိုးတိုးတက်ရေးလုပ်ငန်းတွေမှာ သူတို့ သင်ယူခဲ့တဲ့ ပညာရပ်တွေနဲ့ ပံ့ပိုးကူညီဖို့ ပြန်လာခဲ့ကြပါတယ်။     လက်ရှိမှာတော့ ၀က်တ်ဟောင်စာသင်ကျောင်းကလေးမှာ တလကို လစာဘတ် ငွေ ၆ ထောင်နဲ့ ပရဟိတဆရာမလေးတွေအဖြစ် လုပ်အားပေးနေခဲ့ကြပါတယ်။     ဒီလစာငွေတွေကိုတော့ ဒေသခံတွေ၊ ပညာရေးကော်မတီဝင်တွေရဲ့ စုစည်းလှူ ဒါန်းငွေတွေကတဆင့် ပေးချေနေရတာပါ။     သူတို့ရတဲ့ လစာငွေ ပမာဏဟာ နည်းပါးလွန်းပေမယ့် ဆရာမလေးတွေကတော့ ကလေးတွေရဲ့ ပညာရေးမှာ ပါဝင်ကူညီနေရတာကို ပျော်ရွှင်နေတာပါပဲ။     ကလေးတွေကို ပိုကောင်းတဲ့ အနာဂတ်ကို ရရှိပိုင်ဆိုင်စေချင်ပြီး သက်ဆိုင်ရာ အာ ဏာပိုင်တွေကိုလည်း ကျောင်းအတွက် ကူညီပေးဖို့ နှိုးဆော်နေကြတာပါ။     ၀က်တ်ဟောင်ကျောင်းကလေးရဲ့ တဦးတည်းသော ဆရာမ ဆွန်မိုင်ကတော့ ဒေ သခံတွေ၊ လုပ်အားပေးဆရာမလေးတွေရဲ့ ကူညီထောက်ပံ့ပေးတဲ့ စိတ်ဓာတ်အတွက် ကျေးဇူးတင်နေတာပါ။     လက်ရှိအချိန်မှာ သူအဖြစ်စေချင်ဆုံး ဆန္ဒကတော့ ကျောင်းအတွက် လိုအပ်နေ တဲ့ ဆရာ၊ ဆရာမတွေ ခန့်အပ်နိုင်ဖို့ပါပဲ။ ၀က်တ်ဟောင်စာသင်ကျောင်းကလေးကတော့ နေ့လည်စာအလှူရှင်၊ ဒါမှမဟုတ် ကျောင်းသားကလေးငယ်တွေအတွက် ပညာသင်ထူးချွန်ဆုတွေ ပေးအပ်ချင်သူတွေကို ကြိုဆိုနေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up