Home
အထှထှေေ
မြန်မာပြည် ပထမဆုံး ရုပ်ရှင်ရုံနဲ့ မခွေးလေးထွင်ခဲ့တဲ့ လမ်းစ (သုတကဖေး)
DVB
·
August 24, 2018
ဖြစ်ရပ်တွေက ဒီကစတာ။ ၁၈၇၂ ခုနှစ်အစ။ နေ့တနေ့ပေါ့။ အမေရိကန် အထက်လွှတ်တော်အမတ် စတင်းဖို့ဒ်နဲ့ သူ့မိတ်ဆွေတို့ အသည်းအသန် ငြင်းခုန်ကြတယ်။ နှစ်ယောက်စလုံးက ကယ်လီဖိုးနီးယားရဲ့ နာမည်ကြီးတွေကိုး။ သူတို့ငြင်းခုန်ရာကို ကြားနာရသူတွေအဖို့ ပွဲကြီးပွဲကောင်းဆိုတော့ လူက တဖြည်းဖြည်း များလာတယ်။ ပရိသတ်ကပါ သူ့ဘက်ကိုယ့်ဘက် အပြိုင်ငြင်းလာတယ်။ ဒီတော့ အငြင်းအခုန်အတွက် သက်သေပြဖို့ လိုလာပြီ။ အဲဒီမှာ သူဋ္ဌေးကြီး စတင်းဖို့ဒ်ဟာ အဲ့ဒီခေတ်က ဒေါ်လာလေးသောင်း အကုန်ခံပြီး သက်သေပြဖို့ လုပ်ဆောင်လိုက်တယ်။ သူတို့ ဒီဘိတ်ခေါင်းစဉ်က… [caption id="attachment_286883" align="alignleft" width="363"] ဓာတ်ပုံ - Wikipedia[/caption] “..မြင်းတကောင် ကဆုန်ချပြေးရင် တချန်ချိန်မှာ ခြေလေးချောင်းစလုံး မြေပြင်နဲ့ လွတ်သလား မလွတ်ဘူးလား” တဲ့။ ကဲ… သည်ဒီဘိတ်မှာ..ကိုယ့်ဆရာတို့ ဘယ်ဘက်နေမလဲ ဆိုတာ အရင်စဉ်းစားကြည့်ပါအုံး…။ ခင်ဗျားတို့ စဉ်းစားပြီးပြီဆိုရင် လက်တွေ့လုပ်ဆောင် စမ်းသပ်ပုံကို ဆက်ပြောမယ်။ စတင်းဖို့ဒ်က စောစောပြောခဲ့သလိုပဲ ဒေါ်လာလေးသောင်း အကုန်ခံပြီး မြင်းပြေးနေတာကို ဓာတ်ပုံရိုက် သက်သေပြဖို့ ပြင်ဆင်ခဲ့တယ်။ ဓာတ်ပုံဆရာကလည်း နာမည်ကျော် “အက်ဒဝပ်မိုင်းဘရစ်ခ်ျ”။ သူက ဓာတ်ပုံရိုက်ဖို့ စီစဉ်တယ်။ ဒါက တပုံတည်းနဲ့ မဆုံးဖြတ်နိုင်ဘူး။ ဓာတ်ပုံပေါင်းများစွာ ရိုက်ရမှာ။ ဒီတော့ မိုင်းဘရစ်အတွက် ကင်မရာပေါင်းများစွာ လိုတယ်။ အဲ့ဒီခေတ်အခါက ဓာတ်ပုံကို တပုံချင်းပဲ အလှရိုက်နိုင်သေးတာကိုး။ ဒီတော့ သူ့အဖို့ အချိန်ယူ အကြံထုတ်ရသေးတယ်။ အဆုံးမှာတော့ သူက ကင်မရာ ၂၄ လုံးနဲ့ရိုက်မယ်။ ကင်မရာတလုံးနဲ့တလုံးကို တပေအကွာမှာ ထားမယ်။ ရိုက်ကူးရာမှာလည်း တချိန်တည်း တပြိုင်တည်း ရိုက်ကူးရမှာပဲဖြစ်တယ်။ ပြီးတာနဲ့ ဓာတ်ပုံလေးပုံကို ဆက်ပြီး ကြည့်ရမှာပါ။ ချိန်းဆိုတဲ့နေ့ရောက်တော့ အားလုံးရှေ့မှောက်မှာ မိုင်းဘရစ်ခ်ျ စီစဉ်ထားတဲ့အတိုင်း ကင်မရာ ၂၄ လုံးနဲ့ တပြိုင်တည်း ရိုက်ကူးလိုက်တယ်။ ချက်ချင်းပဲ ဓာတ်ပုံဖလင်ဆေးပြီး ၂၄ ပုံကို ဆက်စပ်ကြည့်လိုက်တဲ့ အခါမှာတော့… စတင်းဖို့ဒ် အနိုင်ရလိုက်ပါတယ်။ ပုံတပုံက အချိန်တခုအတွင်းမှာ ခြေလေးချောင်းလုံး မြေပြင်နဲ့လွတ်နေတာကို တွေ့ရတယ်။ စတင်းဖို့ဒ် အနိုင်ရသွားပါပြီ။ အဲဒီ ၂၄ ပုံကို သူ့အစီစဉ်အတိုင်း အပေါက်လေးတပေါက်ကနေ အမြန်ဆွဲကြည့်လိုက်ရင် မြင်းပြေးနေတဲ့ပုံ ဖြစ်နေတာကို တွေ့ရတယ်။ အဲဒါကို နမူနာယူပြီး “မီဇိုနီးယား” ဆိုသူက ရုပ်ပုံလေးတွေကို မှန်ပေါ်မှာ ကူးယူပြီး မှန်ဘီလူးနဲ့ ပိတ်ကားပေါ်ထိုးပြရာက ရုပ်ရှင်ပေါ်လာတယ်လို့ ဆိုကြတယ်။ အဲဒီ ၁၈၇၂ ခုနှစ်ထဲမှာပဲ သောမတ်အယ်ဒီဆင်ကလည်း ဓာတ်ပုံတွေကို ရစ်လုံးနဲ့ရစ်ပြီး လက်နဲ့လှည့်ပြရတဲ့ မှန်အိမ်ငယ်တခု တည်ထွင်ခဲ့တယ်လို့ ဆိုပါတယ်။ စတင်းဖို့ဒ်တို့ဖြစ်ရပ်နဲ့ မီဇိုနီးယားတို့ လုပ်ဆောင်မှုပြီးမှ ဖြစ်လာတာလို့လည်း ဆိုတယ်။ ဒါပေမယ့် လူထုရှေ့မှောက် အရောက်တင်ပြနိုင်ခဲ့တာက ၁၈၈၉ အောက်တိုဘာ ၆ ရက်နေ့မှ ပြသနိုင်ခဲ့တာပါ။ အဲဒီနေ့မှာပဲ အယ်ဒီဆင်က ပရိသတ်ကို ဖိတ်ခေါ်ပြီး ရုပ်သေကနေ ရုပ်ရှင်ဖြစ်လာပုံကို ပြသခဲ့သလို  ဒီလိုဖြစ်လာအောင် ဘယ်လိုရိုက်ကူးရမယ် ဆိုတာကိုပါ ရှင်းပြခဲ့တယ်။ ဒါပေမယ့် စီးပွားရေးအရ ရုံဝင်ခယူပြီး ပြသနိုင်ခဲ့တာက ၁၈၉၅ မေ ၂၀ ရက်နေ့ နယူးယောက်မှာ စတင်ပြခဲ့တာ။ ကမ္ဘာမှာ ရုပ်ရှင်အစကို အဲဒီနေ့ကိုပဲ သတ်မှတ်ခဲ့ဟန်ပါပဲ။ ကမ္ဘာမှာ ၁၈၉၅ ရုပ်ရှင်ပြပြီးတဲ့နောက် ၁၅ နှစ်အကြာ ၁၉၁၀ ထဲမှာ မြန်မာလူထုဟာ ပိတ်ကားပေါ်က အရုပ်တွေရဲ့ လှုပ်ရှားမှုကို စတင်မြင်တွေ့ကြရတာလို့ ဆိုပါတယ်။ ရုပ်ရှင်ရုံကတော့ ရန်ကုန်မြို့ လမ်းမတော်လမ်းနဲ့ ကျုံးကြီးလမ်းထောင့် ကျုံးဖို့ထားတဲ့ မြေကွက်လပ်ပေါ်မှာ ရွက်ဖျင်တဲကြီးထိုးပြီး ပြခဲ့တာ။ ရုံအမည်က “အယ်ဒီဆင်” လို့ ခေါ်ခဲ့တယ်လို့ ဒဂုဏ်ပ ဦးဘတင်ရဲ့ မြန်မာရုပ်ရှင်အကြောင်း ပြုစုခဲ့တဲ့ စာအုပ်မှာ တွေ့ရတယ်။ ကျောက်မီးသွေးသုံး ဓာတ်အားပေးစက်နဲ့ ပြသခဲ့တာ။ စတင်ပြခဲ့တာက အနောက်နိုင်ငံက သတင်းကားတွေပဲ ဖြစ်တယ်။ ၁၉၁၁ ထဲမှာ အမေရိကန် ဗွီတာဂရပ်ကုမ္ပဏီက မြန်မာပြည်လာပြီး သတင်းကားရိုက်တယ်။ သူရိုက်တာတွေကို အယ်ဒီဆင်ရုံမှာ ပြတယ်။ မြန်မာမိန်းမကြီးတယောက် ကွမ်းသီးဖက်၊ ပြောင်းဖူးဖက်နဲ့ လိပ်တဲ့ ဆေးလိပ်အကြီးကြီးကို မီးခိုးငွေ့တလူလူနဲ့ သောက်နေပုံ။ မိန်းမ လေးငါးယောက် ရှေ့နောက် စီတန်းထိုင်လို့ ဆံပင်ဖားလျားချပြီး တယောက်ခေါင်းတယောက် သန်းရှာနေပုံတွေ ပါသပေါ့။ ဒါ.. ဗမာတွေကို ရိုက်ကူးခဲ့တဲ့ မှတ်တမ်းရုပ်ရှင် အစပေါ့။ အဲလို နာမည်ကြီးတဲ့ အယ်ဒီဆင်ဘိုင်စကုပ်ရုံနဲ့အတူ ပေါ်လာတာက မခွေးလေး ဘူးသီးကြော်ပါ။ ကျနော်ကတော့ စွန့်ဦးတီထွင် လုပ်ငန်းရှင်လို့ ခပ်မြူးမြူးလေး မှတ်တမ်းတင်ချင်မိတယ်။ မခွေးလေးရုပ်ရည်က အတန်အသင့်ရှိတယ်။ ကိုယ်လုံးလှလှပေါ့။ အရွယ်ကလည်း နှစ်ဆယ်ဝန်းကျင်လောက် ရှိနေပါပြီ။ သူ့ခေတ်သူ့အခါက မခွေးလေး အကြောင်း သီချင်းတောင် စပ်ဆိုခဲ့ရတယ်လို့ သိမီသူတွေဆီက တဆင့်ခံ ကြားနာခဲ့ဖူးတယ်။ ဟိုအရင်က မြန်မာ့ဓလေ့မှာ အကြော်တဲ၊ အကြော်ဖိုဆိုတာ လူနေအိမ်ခြေနဲ့ ခပ်လှမ်းလှမ်းမှာပဲ ရှိခဲ့တာကလား။ မနက်လင်းလို့ သရေစာ စားချင်ရင် အကြော်ဖို သွားဝယ်ရတာပေါ့။ နေမြင့်လို့ အကြော်မကုန်မှ အရပ်ထဲ လှည့်ရောင်းရတာ။ ဘူးသီးကြော်ကို အဲ့ဒီကာလတွေက “ဘူးသီးငါးပေါင်းကြော်” လို့ ခေါ်ကြောင်း မှတ်သားခဲ့ရဖူးတယ်။ ဘူးသီးကြော်ကို အဲ့လိုရောင်းခဲ့တာပါ။ ဆရာကြီး ဒဂုဏ်ပဦးတင်က “အယ်ဒီဆင် ဘိုင်စကုပ်ရုံအကြောင်းကို ရေးလျှင် လမ်းမတော်ထိပ်ဝက မခွေးလေး ဘူးသီးငါးပေါင်းကြော်ကို သတိရပေသည်။ ရန်ကုန်မြို့တွင် ဆိုင်ခင်း၍ ပွဲဈေးတန်းမှာ ဘူးသီးကြော်ရောင်းခြင်းကို မခွေးလေးက စထွင်ခဲ့လေသည် တဲ့။ စထွင်တယ်ဆိုတော့ စွန့်ဦးတီထွင် လုပ်ငန်းရှင်ပဲပေါ့။ ဆရာကြီးက သည်လိုဆိုချင်ဟန်ပါ။ အဲ့ဒီခေတ်က လူတွေရဲ့ ပါးစပ်ဖျားမှာ “လမ်းမတော်ထိပ်ဝမှာ တံဆိပ်ရတဲ့ ဘူးသီးငါးပေါင်းကြော်” လို့တောင် စာဖွဲ့ရဆိုပဲ။ အခုတော့ ပွဲဈေးတွေမှာ ဘူးသီးကြော်တွေ ဆိုင်ဖွင့်လို့ တခမ်းတနား ရောင်းနေကြပါပြီ။ ဘာပဲဖြစ်ဖြစ် ဒါဟာ မြန်မာပြည် ရုပ်ရှင်စရောက်ခြင်းနဲ့အတူ ပြောင်းလဲသွားတဲ့ ခေတ်သရုပ်သကန်တခု ဖြစ်ခဲ့ပါတယ်။ ဒီမှာ ကျနော်တခုပြောချင်တာက သမိုင်းက ဖြစ်ရပ်တွေကို မှတ်တမ်းတင်နိုင်သလို ခေတ်ကာလရဲ့ “ဝန်းကျင်ငွေ့” (Atmosphere) ကိုတော့ Public Memoir က ပေးနိုင်တာကြောင့် မခွေးလေးအကြောင်း ပြောဖြစ်တာပါ။ နောင် ၁၀ နှစ်အကြာမှာတော့ လန်ဒန်အပ်ဦးအုံးမောင်က မြန်မာရုပ်ရှင်ကို စွန့်ဦးတီထွင် လုပ်ငန်းရှင်အဖြစ် ထွက်ပေါ်လာခဲ့ပါတော့တယ်။ ဆရာဋ္ဌေး ကိုကား - ဒဂုဏ်ပ ဦးတင် ကျွန်ုပ်နှင့် မြန်မာရုပ်ရှင်လောက
Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024