အဖြေရှာနေဆဲ လွှတ်တော်နဲ့ တိုးလာတဲ့ သက်ငယ်မုဒိမ်းမှုများ
DVB
·
August 23, 2018
ဗုဒ္ဓဘာသာထုံးစံအရ ဘုန်းကြီးတွေ ဆွမ်းခံကြွလာရင်၊ လမ်းမှာတွေ့ရင် လှူဒါန်းမှုတွေ၊ ကြည်ညိုမှုတွေ ပြုလုပ်ကြပေမယ့် အသက် ၆ နှစ်အရွယ် သမီးလေးကတော့ ဘုန်းကြီးတွေကို တွေ့မြင်ရင် ကြောက်စိတ်တွေသာ ကြီးစိုးနေပါတယ်။
ဒီသမီးငယ်လေးကတော့ လွန်ခဲ့တဲ့ ၂ နှစ်ကျော်က မန္တလေးမြို့၊ အောင်မြေသာဇံမြို့နယ်၊ စိန်တလုံးဘုန်းကြီးကျောင်းမှာ ဘုန်းကြီးတပါးရဲ့ အတင်းအဓမ္မ ပြုကျင့်ခံခဲ့ရသူ ဖြစ်ပါတယ်။
“အခုထိ သမီးလေးကတော့ စိတ်ထဲမှာ ခံစားနေရတုန်းပါ။ ဘုန်းကြီးတွေတွေ့ရင် အလိုလို ကြောက်နေတယ်” လို့ မထွေးရီက အသက် ၆ နှစ်အရွယ် သမီးလေးရဲ့ စိတ်ခံစားချက်ကို တုန်ရီတဲ့ အသံဖြင့် ရင်ဖွင့်ပြနေပါတယ်။
သက်ငယ်မုဒိမ်း ကျူးလွန်ခံရတဲ့ ကလေးငယ်အတွက် ရုပ်ပိုင်းဆိုင်ရာ ထိခိုက်မှုကို သက်သာအောင် ကုသနိုင်ခဲ့ပေမယ့် ၂ နှစ်ကျော် အချိန်အထိ စိတ်ပိုင်းဆိုင်ရာ ထိခိုက်မှုအတွက် ဆက်လက်ကုသနေရဆဲပါလို့ မထွေးရီက ပြောပြပါတယ်။
“သမီးလေးရဲ့ အားငယ်တဲ့စိတ်တွေ၊ ကြောက်တဲ့စိတ်တွေကို ကျမတို့ ကုသပေးနေရတုန်းပါ။။ ဘုန်းကြီးတွေကို အလှူငွေထည့်တာ၊ ဆွမ်းလောင်းတာမျိုးတောင် သူတွေ့ရင် သောင်းကျန်းတယ်။ အလှူငွေထည့်စရာ မလိုဘူး။ ကန်တော့စရာ မလိုဘူးဆိုပြီး ထသောင်းကျန်း၊ ပစ္စည်းတွေလည်း ကိုင်ပေါက်တဲ့ အဆင့်ပါပဲ” လို့ မထွေးရီက စိတ်အားငယ်စွာဖြင့် ပြောပြနေပါတယ်။
“သက်ငယ်မုဒိမ်း ကျူးလွန်ခဲ့တဲ့ ဘုန်းကြီးကို ပုဒ်မ ၃၇၆ နဲ့ ပုဒ်မ ၃၇၇ တပေါင်းတည်း ၁၀ နှစ်သာ တရားသူကြီးက ချမှတ်ခဲ့တယ်။ ကျမက မကျေနပ်လို့ အထက်ကို ပြန်တင်ထားတယ်။ အမှုက မပြီးသေးဘူး။ ဘုန်းကြီးဘက်ကလည်း ထောင်ဒဏ်လျော့အောင် လုပ်နေတယ်” လို့ မထွေးရီက လက်ရှိကြုံတွေ့နေတဲ့ အခြေအနေကို ပြောပြပါတယ်။
လက်ရှိမှာလည်း သက်ငယ်မုဒိမ်းမှုနဲ့ ပတ်သက်ပြီး ပြည်သူ့လွှတ်တော်၊ ရန်ကုန်တိုင်းဒေသကြီးတွေမှာ အပြိုင်အဆိုင် ဆွေးနွေးပြီး ကြီးလေးတဲ့ ပြစ်ဒဏ်ချမှတ်ဖို့ တောင်းဆိုနေကြပါတယ်။
သက်ငယ်မုဒိမ်းမှု ဖြစ်ပွားမှုနှုန်းမှာ နှစ်စဉ် မြင့်တက်လျက်ရှိပြီး ၂၀၁၆ ခုနှစ် မှ ၂၀၁၈ ခုနှစ်၊ ဧပြီလအထိ တနိုင်ငံလုံး အတိုင်းအတာနဲ့ သက်ငယ်မုဒိမ်းမှုပေါင်း ၁၉၂၈ ကြိမ် ဖြစ်ပွားခဲ့တယ်လို့ သိရပါတယ်။
တနေ့တခြား များပြားလာပြီး ထိတ်လန့်ဖွယ်အဆင့်ကို ရောက်ရှိလာတဲ့ သက်ငယ်မုဒိမ်းမှုမှာ ကျူးလွန်သူတွေကို ထိထိရောက်ရောက် ဟန့်တားနိုင်ရေး အထူးဥပဒေတရပ် အမြန်ရေးဆွဲကာ ပြစ်မှု ပြစ်ဒဏ်အပိုင်းကို သေဒဏ်ချမှတ်တဲ့အထိ တိတိကျကျ ရေးဆွဲပြဋ္ဌာန်းပေးဖို့ ပြည်သူ့လွှတ်တော်ကိုယ်စားလှယ် ဒေါ်ခင်စောဝေက ဇွန် ၁ ရက်နေ့တွင် တင်သွင်းတဲ့အဆိုမှာ ဖော်ပြထားပါတယ်။
သက်ငယ်မုဒိမ်းမှုတွေမှာ ကလေးငယ်တွေကို မုဒိမ်းကျင့်တဲ့အပြင် အသက်ပါ သတ်တဲ့အဆင့်အထိ ရောက်လာတာကို တွေ့ရတယ်လို့ ဒေါ်ခင်စောဝေက ဆိုပါတယ်။
“သက်ငယ်မုဒိမ်းမှုတွေကို အမြင့်ဆုံး ထောင်ဒဏ် ၂၀ အထိ ချမှတ်ပြီး နောက်ပိုင်းမှာလည်း သက်ငယ်မုဒိမ်းမှုတွေက လျော့သွားတာ မရှိဘူး။ ထပ်တိုးလာတာ တွေ့ရတယ်။ ဒါကြောင့် မြန်မာနိုင်ငံမှာမရှိတဲ့ သေဒဏ်တခု ရှိရင်တော့ ပြစ်မှုတွေ လျော့ကျသွားမယ်လို့ ကျမအနေနဲ့ ယုံကြည်တယ်။ ကျမအနေနဲ့ ဒါကို အထူးဥပဒေတရပ်အဖြစ် သေဒဏ်ပေးဖို့ တောင်းဆိုခဲ့ပါတယ်” လို့ ဒေါ်ခင်စောဝေက ပြောပါတယ်။
သက်ငယ်မုဒိမ်း ကျူးလွန်တဲ့သူတွေက အလွန်ယုတ်မာကြပြီး ဘာမှမသိရှိ နားမလည်တဲ့ ကလေးတယောက်ရဲ့ဘဝကို စိတ်ပိုင်း ရုပ်ပိုင်းဆိုင်ရာတွေ ပျက်စီးနစ်မွန်းအောင် ပြုလုပ်တယ်လို့ ဒေါ်ခင်စောဝေက ဆိုပါတယ်။
ဒါတွေအပြင် ယခုနောက်ပိုင်းမှာ သတင်းမီဒီယာတွေ လူမှုကွန်ရက်တွေ တော်တော်သုံးစွဲလာကြတဲ့အတွက် ဖခင်အရင်းမှ သမီးအရင်းကို ကျူးလွန်တဲ့အမှုတွေလည်း အများကြီး တွေ့မြင်လာရတယ်လို့ သူမက ဆိုပါတယ်။
သက်ငယ်မုဒိမ်းမှုနဲ့ ပတ်သက်လာရင်တော့ ထိရောက်တဲ့ ပြစ်ဒဏ်ရှိသင့်ပြီလို့ သူ ယုံကြည်ထားကြောင်း ဒေါ်ခင်စောဝေက ပြောပါတယ်။
“အထူးဥပဒေရှိရင် ထောင်ဒဏ် လုံးဝ မလွှတ်တော့ဘူး။ လွတ်ငြိမ်းချမ်းသာခွင့်လည်း မရှိတော့ဘူး။ သေဒဏ်ကို ကျမတို့အနေနဲ့ မလုပ်ချင်ကြဘူး။ ဒါပေမယ့် ကျမတို့ လူ့အခွင့်အရေးနဲ့ နိုင်ငံတကာတွေကို လေ့လာတဲ့အခါမှာ အရင်တုန်းက သေဒဏ်ကို ရုပ်သိမ်းထားတဲ့ နိုင်ငံတွေတောင်မှ မုဒိမ်းမှုတွေများလာလို သေဒဏ်ကို ပြန်ခွင့်ပေးတာကို တွေ့ရတယ်။ ကျမတို့ နိုင်ငံမှာလည်း မုဒိမ်းမှုတွေ လျော့နည်းလာရင် ဥပဒေတခုကို ပြင်လို့ရတယ်။ ဖျက်လို့ရတယ်။ ဒီလို အများကြီး ဖြစ်လာတဲ့အချိန်မှာ ဒီလိုဥပဒေကို ဆွဲခြင်းအားဖြင့် လျော့ကျအောင် လုပ်နိုင်မယ် ထင်လို့ပါ” ဟု ဒေါ်ခင်စောဝေက သူမ တင်သွင်းခဲ့တဲ့ အဆိုနဲ့ ပတ်သက်ပြီး ရှင်းပြပါတယ်။
ဒီလိုပဲ သက်ငယ်မုဒိမ်းမှု ကျူးလွန်သူတွေကို အမြင့်ဆုံးပြစ်ဒဏ်အဖြစ် သေဒဏ်ပေးနိုင်ရေးအတွက် ပြည်သူ့လွှတ်တော်မှာ အဆိုတင်သွင်းပြီး အတည်ပြုနိုင်ဖို့ ဆောင်ရွက်လျက်ရှိတယ်လို့ ရန်ကုန်တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်စိုးမိုးက ဇွန်လ ၅ ရက်နေ့မှာ ပြုလုပ်တဲ့ ဒုတိယအကြိမ် ရန်ကုန်တိုင်းဒေသကြီး လွှတ်တော် ဆဋ္ဌမအကြိမ် ပုံမှန်အစည်းအဝေးမှာ ပြောကြားခဲ့ပါတယ်။
ဗိုလ်မှူးကြီးအောင်စိုးမိုးက “အမျိုးသမီးတွေကို အကြမ်းဖက်ခြင်း၊ နှောင့်ယှက်တာတွေနဲ့ လိင်ပိုင်းဆိုင်ရာ ကျူးလွန်မှုတွေကို တည်ဆဲဥပဒေအရ ထိရောက်စွာ အရေးယူနိုင်ဖို့ လက်ရှိမှာ ပြည်သူ့လွှတ်တော်မှာ အဆိုတင်သွင်းပြီး သက်ငယ်မုဒိမ်းမှုနဲ့ ပတ်သက်လို့ သေဒဏ်ရရှိရေး တင်သွင်းဆောင်ရွက်လျက်ရှိပါတယ်” လို့ ဆိုပါတယ်။
ဒါပေမယ့်လည်း ဒေါ်ခင်စောဝေ တင်သွင်းတဲ့ သက်ငယ်မုဒိမ်းမှုအတွက် အထူးဥပဒေတရပ် အမြန်ရေးဆွဲပေးရန် အဆိုကို ဇွန်လ ၁၈ ရက်နေ့မှာ ကျင်းပတဲ့ ပြည်သူ့လွှတ်တော် အစည်းအဝေးမှာ မဲခွဲဆုံးဖြတ်ခဲ့ရာမှာ အဆိုပါဥပဒေကို ကန့်ကွက်သူများတဲ့အတွက် လွှတ်တော်က မှတ်တမ်းအဖြစ်သာ ထားရှိခဲ့ပါတယ်။
ဒီလို သက်ငယ်မုဒိမ်းမှုတွေဟာ ပြင်းထန်တဲ့ပြစ်ဒဏ်၊ ကြီးလေးတဲ့ပြစ်ဒဏ် ချမှတ်ဖို့ လိုအပ်ပြီး ကြီးလေးတဲ့ပြစ်ဒဏ်ဆိုတာက မြန်မာနိုင်ငံ အနေအထားအရ မသေမချင်း ထောင်ထဲမှာထားရှိရန်၊ ကျူးလွန်သူတွေကို ဘယ်လိုနည်းနဲ့မှ လွတ်ငြိမ်းချမ်းသာခွင့်၊ လျော့ရက်ခံစားခွင့်တွေ မပေးရန် ဆိုလိုခြင်းဖြစ်တယ်လို့ လူ့အခွင့်အရေး ပညာပေးနေတဲ့ ညီမျှခြင်း (မြန်မာ) မှ ဒါရိုက်တာ ဦးအောင်မျိုးမင်းက ပြောပါတယ်။
“သက်ငယ်မုဒိမ်းမှာ အသက်ကို သေသေချာချာ သတ်မှတ်ဖို့ လိုပါတယ်။ တခြားနိုင်ငံတွေမှာ ကျင့်သုံးသလို အသက်ဘယ်လောက်ဆို ပိုမိုပြင်းထန်သော ပြစ်ဒဏ်ပေးနိုင်ဖို့၊ ကျူးလွန်မှုက အဲဒီကလေးကို ဘယ်လို ဘယ်လောက်ထိခိုက်လဲ၊ ဘယ်လောက်နာစေလဲဆိုတဲ့ ပြင်းထန်မှုကို ကြည့်ပြီး အမြင့်ဆုံးပြစ်ဒဏ်ကို ကျနော်တို့ တောင်းဆိုပါတယ်” လို့လည်း ဦးအောင်မျိုးမင်းက ဆက်လက်ပြောပါတယ်။
လွှတ်တော်မှာ လက်ရှိတင်သွင်းနေတဲ့ အဆိုနဲ့ လူ့အခွင့်အရေး ဆောင်ရွက်နေသူကြားမှာ ကြီးလေးတဲ့ ပြစ်ဒဏ်ပေးရန် ဆိုတဲ့နေရာမှာ တူညီကြပြီး အထူးဥပဒေတရပ် အမြန်ဆုံးရေးဆွဲဖို့မှာ ကွဲလွဲနေတယ်လို့လည်း ဦးအောင်မျိုးမင်းက ရှင်းပြပါတယ်။
မြန်မာနိုင်ငံမှာ ၁၉၉၃ ခုနှစ်၊ ကလေးသူငယ် အခွင့်အရေးဆိုင်ရာ ဥပဒေကို ပြန်လည်ပြင်ဆင်တဲ့ ဥပဒေက ပြည်သူ့လွှတ်တော်ထဲကို ရောက်နေပြီဖြစ်ပေမယ့် ဥပဒေကို အမြန်ဆုံး အကောင်ထည်ဖော်ဆောင်ဖို့ လိုအပ်နေတယ်လို့လည်း လူ့အခွင့်အရေး၊ ကလေးအခွင့်အရေးတွေကို တက်ကြွစွာ ဆောင်ရွက်နေတဲ့ ဦးအောင်မျိုးမင်းက ထပ်လောင်းပြောပါတယ်။
ဆက်လက်ပြီး ကလေးသူငယ်အခွင့်အရေးနဲ့ ပတ်သက်လို့ ဦးအောင်မျိုးမင်းက “အဲဒီထဲမှာ အဓိက သက်ငယ်မုဒိမ်းမှု အချက်တွေက ပါပြီးသားပါ။ ကလေးတွေနဲ့ ပတ်သက်တဲ့ အမှုတွေကို ကျူးလွန်တဲ့သူတွေကို ပြင်းပြင်းထန်ထန် အရေးယူနိုင်တဲ့ ဥပဒေရေးရာကလည်း ရှိနေပြီးသား။ ခက်တာက ဥပဒေကို အတည်မပြုနိုင်သေးတဲ့အတွက် သက်ရောက်မှု မရှိသေးဘူး။ အဲဒီတော့ ရာဇသတ်ကြီးပုဒ်မနဲ့ အရေးယူနေရတယ်။ တကယ်လို့ ဒီဥပဒေမှာ သက်ငယ်မုဒိမ်းနဲ့ ပတ်သက်လို့ တိတိကျကျ ဘာသာပြန်ဆိုမှုတွေ အရေးယူမှုတွေ ပြင်းထန်မှုတွေ ပါရင်တော့ ကလေးသူငယ် အခွင့်အရေးဆိုင်ရာနဲ့ လုံလောက်ပါတယ်” လို့ ဆက်လက်ပြောပါတယ်။
လက်ရှိ ကလေးသူငယ်အခွင့်အရေး ဥပဒေအသစ်မှာ ၁၈ နှစ်အောက်ကို ကလေးသူငယ်အဖြစ် သတ်မှတ်ထားပြီး ၁၈ နှစ်အောက် ကလေးတွေကြားမှာ ၁၃ နှစ်အောက် ကလေးတွေအပေါ် ကျူးလွန်တဲ့အမှုတွေ ဖြစ်နေပါက ပိုမိုကြီးလေးတဲ့ ပြစ်ဒဏ်ပေးထားကြောင်းလည်း သိရပါတယ်။
ဒါ့အပြင် ဦးအောင်မျိုးမင်းက “လွှတ်တော်မှာ ဒါနဲ့ပတ်သက်ပြီး စိတ်ဝင်စားမှုတွေ ကြီးလေးတဲ့ ပြစ်ဒဏ်အဆိုတွေ တင်သွင်းတာ ကောင်းပါတယ်။ လက်ရှိ ရှိနေတဲ့ ဥပဒေတွေ အားနည်းချက်တွေ နောက်တခါ အသစ်ရေးဆွဲနေတဲ့ ကလေးသူငယ်ဆိုင်ရာ ဥပဒေတွေရဲ့ ကြန့်ကြာမှုတွေကြောင့် ဖြစ်တာ။ အဲဒါကြောင့် ဒီဥပဒေတွေက အမြန်ထွက်လာဖို့ ပိုလိုအပ်တယ်” လို့ တိုက်တွန်း တောင်းဆိုလိုက်ပါတယ်။
သက်ငယ်မုဒိမ်းမှု၊ မုဒိမ်းမှုတွေကို တသက်တကျွန်းချဖို့ လွှတ်တော်က ကတိကဝတ်ချပြီး တနိုင်ငံလုံးမှာရှိတဲ့ တရားရုံးကိုလည်း ညွှန်ကြားစာ ထုတ်ထားကြောင်းလည်း အမျိုးသမီးနှင့် ကလေးအခွင့်အရေးဆိုင်ရာ ကော်မတီရဲ့ အတွင်းရေးမှူးဖြစ်သူ လွှတ်တော်အမတ် နော်ဆူဇန်နာလှလှစိုးက ပြောပါတယ်။
“တသက်တကျွန်းက မြန်မာပြည်မှာ အနှစ် ၂၀ ပါ။ အယူခံဝင်ခွင့်က ဘယ်သူမဆို ဝင်လို့ရပါတယ်။ အခြေခံဥပဒေက ဝင်လို့ရတယ်။ နောက်ပြီး ကလေးသူငယ် အခွင့်အရေးဆိုင်ရာ အခွင့်အရေးတခုကို ဆွေးနွေးနေတယ်။ ဆွေးနွေးတဲ့အထဲမှာ လိင်ပိုင်းဆိုင်ရာကိစ္စလည်း ပါတယ်” လို့လည်း ဒေါ်ဆူဇန်နာလှလှစိုးက ဆိုပါတယ်။
သက်ငယ်မုဒိမ်းမှု မဖြစ်ဖို့ အားလုံး ကာကွယ်စောင့်ရှောက်ဖို့ လိုအပ်ပြီး သက်ငယ်မုဒိမ်း ကျူးလွန်ခံရတဲ့ ကလေးငယ်တွေကိုလည်း ဝိုင်းဝန်းစောင့်ရှောက်ဖို့နဲ့ စိတ်ဓာတ်တွေ မြှင့်တင်ပေးဖို့ လိုအပ်ပါတယ်လို့လည်း ဒေါ်ဆူဇန်နာလှလှစိုးက ပြောပါတယ်။
“အဓိကပြဿနာက ကျမမဲဆန္ဒနယ်မှာ သက်ငယ်မုဒိမ်းမှု ဖြစ်ပြီဆိုရင် ညဘက် လျှောက်သွားတာ၊ အင်္ကျီဘယ်လိုဝတ်တာ ဆိုတာတွေ ပါတယ်။ နောက်တခု တားနေရက်နဲ့ ကလေးကို ကျောင်းပြောင်းတာတွေ ရှိတယ်။ သူက မုဒိမ်းလည်း ကျင့်ခံရတယ်၊ ကျောင်းလည်း ပြောင်းခံရတယ်။ နောက်ပြီးတော့ မိသားစုကို ရပ်ကွက်ကနေ မောင်းထုတ်တာတွေ မဖြစ်သင့်ဘူး။ ပတ်ဝန်းကျင်က ကျူးလွန်ခံရသူတွေကို ဝိုင်းဝန်းစောင့်ရှောက်ရမယ်။ စိတ်ဓာတ်တွေ မြှင့်တင်ပေးရမယ်” လို့လည်း သူမက တိုက်တွန်းပြောဆိုလိုက်ပါတယ်။
မုဒိမ်းမှုများ၊ သက်ငယ်မုဒိမ်းမှုများ အပါအဝင် အမျိုးသမီး အကြမ်းဖက်မှုတွေ ပပျောက်ရေးအတွက် လူမှုရေးအဖွဲ့အစည်းတွေ၊ အမျိုးသမီးအရေး ဆောင်ရွက်နေသူတွေနဲ့ မြန်မာနိုင်ငံ ရဲတပ်ဖွဲ့တို့ ပူးပေါင်းပြီး အသိပညာပေးမှုတွေ ပြုလုပ်နေကြပေမယ့် လုံလောက်မှုတော့ မရှိသေးပါဘူး။
ဒီလို အသိပညာပေးမှုတွေ လုံလောက်မှု မရှိသေးတဲ့အတွက် အမျိုးသမီးတွေအတွက် လုံခြုံစိတ်ချရတဲ့ဝန်းကျင် မရှိသေးဘူးလို့လည်း အမျိုးသမီးအရေး ဆောင်ရွက်နေသူတွေက မှတ်ချက်ပြုလိုက်ပါတယ်။
“ဒီလို မုဒိမ်းကောင်တွေကို ပြင်းထန်တဲ့ပြစ်ဒဏ်၊ သေဒဏ်ပေးရင်တော့ မပပျောက်ရင်တောင် လျော့နည်းသွားမယ်လို့ ကျမ ထင်တယ်။ ကျမကတော့ သေဒဏ်ပေးဖို့ပဲ တောင်းဆိုချင်တယ်” လို့ ဒေါ်ထွေးရီကလည်း ပြောဆိုလိုက်ပါတယ်။
ဆက်လက်ပြီး ဒေါ်ထွေးရီက “ကျမတို့ဘဝက ရှင်ရက်နဲ့ သေသွားပြီ။ ကျမတို့ကို ပတ်ဝန်းကျင်မှာလည်း အပယ်ခံဘဝနဲ့ နေခဲ့ရတယ်။ လူယုတ်မာတွေကို သေဒဏ်ပေးဖို့ ကျမ တောင်းဆိုချင်ပါတယ်” လို့ ဒေါ် ထွေးရီက တောင်းဆိုလိုက်ခြင်း ဖြစ်ပါတယ်။
ဒေါ်ထွေးရီလို သက်ငယ်မုဒိမ်း ကျူးလွန်ခံရတဲ့ ကလေးငယ်တွေရဲ့ မိခင်တွေကတော့ ကျူးလွန်တဲ့သူတွေကို သေဒဏ်ပေးမှတပါး တခြားမရှိလို့ ဆိုနေကြဆဲပါ။
နန်းဆိုင်နွမ်
(hiburma.net ဝက်ဘ်ဆိုက်မှ ပြန်လည်ဖော်ပြသည်။)
