စပိန်တွင် ရဲစခန်းကို ဓားဖြင့်တိုက်ခိုက်ရန် ကြိုးပမ်းသူအား ပစ်သတ်

စပိန်ကနေ ခွဲထွက်ဖို့ ကြိုးစားနေတဲ့ ကာတာလိုနီးယားဒေသမှာ သြဂုတ် ၂ဝ ရက်နေ့က ဓားကိုင်ထားသူတဦးက ရဲစခန်းကို ဝင်ရောက်တိုက်ခိုက်ဖို့ ကြိုးစားခဲ့တာကြောင့် ရဲက ပစ်သတ်ခဲ့ပါတယ်။ ကာတာလိုနီးယားဒေသ ဘာစီလိုနာမြို့အနီး ကော်နီလာဒေသက ရဲစခန်းထဲကို လူတဦးက ဓားနဲ့ ဝင်ရောက်တိုက်ခိုက်ဖို့ ကြိုးစားခဲ့တာကြောင့် သေနတ်နဲ့ ပစ်သတ်ခဲ့တယ်လို့ ဒေသခံ ရဲတပ်ဖွဲ့ ပြောခွင့်ရပုဂ္ဂိုလ်က သူ့ရဲ့ တွစ်တာစာမျက်နှာမှာ ဖော်ပြထားပါတယ်။ ဓားနဲ့တိုက်ခိုက်သူဟာ အယ်လ်ဂျီးရီးယားနိုင်ငံကနေ အခြေချနေထိုင်သူတဦးဖြစ်ပြီး အသက် ၂၉ နှစ်အရွယ်ရှိသူဖြစ်တယ်လို့ စပိန်အစိုးရရုပ်သံ RTVE သတင်းမှာ ဖော်ပြထားပါတယ်။ မနှစ် သြဂုတ် ၁၇ ရက်နေ့က ဘာစီလိုနာမြို့ရှိ လူစည်ကားရာ လမ်းမတခုမှာ အစ္စလာမ္မစ် အကြမ်းဖက်သမားတဦးက ကားနဲ့တိုက်ခိုက်ခဲ့တာကြောင့် လူ ၁၄ ဦး သေဆုံးပြီး ၁ဝဝ ကျော် ဒဏ်ရာရရှိခဲ့ပါတယ်။ အဲဒီအကြမ်းဖက်တိုက်ခိုက်မှုဟာ စပိန်နိုင်ငံမှာ ၁ဝ စုနှစ်တခုအတွင်း အဆိုဝါးဆုံး အကြမ်းဖက် တိုက်ခိုက်ခံရမှုဖြစ်ပြီး အခုနှစ် သြဂုတ် ၁၇ ရက်နေ့က အဲဒီတိုက်ခိုက်မှု တနှစ်ပြည့်အခမ်းအနား ကျင်းပခဲ့တယ်လို့ ရိုက်တာသတင်းမှာ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up