မြန်မာ ယူ ၂၃ အသင်းနှင့် ဘာရိန်းအသင်း တဖက် ၁ ဂိုးစီ သရေကျ(ရုပ်သံ)

Alpine Cup 2018 ဒုတိယနေ့ပွဲစဉ်မှာ မြန်မာယူ ၂၃ အသင်းနဲ့ ဘာရိန်းယူ ၂၃ အသင်းတို့ ၁ ဂိုးစီ သရေကျသွားပါတယ်။ ဒီပြိုင်ပွဲကို  သြဂုတ် ၃ ရက်နေ့က မန္တလာသီရိကွင်းမှာ ယှဉ်ပြိုင်ကစားခဲ့ပြီး ဘာရိန်း၂၃ အသင်းက ပွဲကစားချိန် ၁၂ မိနစ်မှာ ဦးဆောင်ဂိုး ရခဲ့ပါတယ်။ မြန်မာယူ ၂၃ အသင်းအတွက် ချေပဂိုးကို ၁၉ မိနစ်မှာ ရန်နိုင်ဦးက သွင်းယူပါတယ်။ ပွဲအပြီးမှာတော့ မြန်မာအသင်း နည်းပြအန်တွမ်နီဟေးက “အာရှအားကစားပြိုင်ပွဲအတွက် ပြင်ဆင်တာဖြစ်တဲ့အတွက် ဘာရိန်းလို ကြံ့ခိုင်မှုကောင်းတဲ့အသင်းနဲ့ ယှဉ်ပြိုင်ခဲ့ရတာက အသင်းအတွက် အများကြီးအကျိုးရှိပြီး ကြံ့ခိုင်မှုအပိုင်းမှာတော့ လိုအပ်ချက်တွေ ရှိနေသေးတယ်” လို့ ပြောပါတယ်။ ဘာရိန်းအသင်းနည်းပြကတော့ “မြန်မာအသင်းက ပထမပွဲစဉ်က ကစားပုံနဲ့ မတူဘူး။ ဒီနေ့ပွဲကစားပုံက ပိုပြီးကောင်းသလို  မြန်မာအသင်းက အောင်သူ၊ လှိုင်းဘိုဘို၊ အီစိုးတို့ရဲ့ ကစားပုံကို သဘောကျမိပါတယ်”လို့ ဆိုပါတယ်။ Alpine Cup 2018 ပြိုင်ပွဲ ဒုတိယနေ့ ပွဲစဉ်မှာပဲ တောင်ကိုရီးယားယူ ၁၉ အသင်းက ထိုင်း ယူ ၂၃ အသင်းကို ၄ ဂိုး ၂ ဂိုးနဲ့ အနိုင်ရသွားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up