နာဂဒေသတွင် ပြောင်းဖူးခင်းများ ပိုးကျသဖြင့် ဧက ၃၀၀ နီးပါးပျက်စီး
Aung Ko Latt
·
August 2, 2018
စစ်ကိုင်းတိုင်း နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့နယ်ရှိ ကျေးရွာတွေရှိ ပြောင်းဖူးခင်းတွေမှာ ငမြောင်တောင်ခေါ်တဲ့ ပိုးတမျိုး ကျရောက်ခဲ့လို့ ဒေသရဲ့ အခြေခံစား စရာဖြစ်တဲ့ ပြောင်းဖူးစိုက်ခင်းဧက ၃၀၀ နီးပါး ထိခိုက်ပျက်ဆီးခဲ့ပါတယ်။
ငမြှောင်တောင်ပိုးကြောင့် လဟယ်မြို့နယ်အတွင်းက အံ့ပေါ်ကျေးရွာမှာ ၄၅ ဧက၊ မော်ဖွန်အုပ်စု ၃ရွာမှာ ၆၃ ဧက၊ လကျန်းကျေးရွာမှာ ၉၀ ဧက၊ တွေးထွေနောက်ကုန်း ကျေးရွာအုပ်စု ၃ ရွာမှာ ၉၆ ဧက စုစုပေါင်း ကျေးရွာ ၈ ရွာ စိုက်ဧက ၅၅၃ ဧကမှာ ၂၉၅ ဧက ပျက်စီးခဲ့တာပါ။
လဟယ်မြို့နယ် မဲဆန္ဒနယ်အမှတ် ၂က လွှတ်တော်ကိုယ်စားလှယ် ဦးကယ်က "ဇွန်လထဲကဖြစ်တာ။ အကြောင်းကြားတာက ဇူလိုင်လမှ အကြောင်းကြား တာဖြစ်လို့ မတတ်နိုင်လိုက်ဘူး။ ကျနော်တို့ဒေသမှာက ပြောင်း၊ လူး၊ ဆန်ကိုပဲ အဓိက စိုက်ပျိုးစားသောက်ရ တာ။ ပြောင်းက ၁ နှစ်မှာ ၈ လလောက်စားရတယ်။ စပါးက နည်းတော့ ၄လလောက်ပဲစားရတယ်။ အရင်က မဖြစ်ဖူးဘူး။ ဒီနှစ်က မိုးများလို့ထင်တာပဲ။ အခုဖြစ်တဲ့ ရွာတွေက မြို့နဲ့သိပ်မဝေးပေမယ့် လမ်းပန်းဆက်သွယ်ရေးမကောင်းလို့ မြို့ကို ဆန်သွားဝယ်ဖို့ ကလည်း မလွယ်ဘူး။ ဆန်၁အိတ်ကို ဆန်ကြမ်းပေါ့။ ၃သောင်းလောက်ရှိတယ်။ ဒါပေမယ့် လမ်းစရိတ်က ၂သောင်းလောက်ကုန်တယ်။ မတတ်နိုင်ကြဘူး။”လို့ ပြောပါတယ်။
လောလောဆယ် နိုင်ငံတော်က ထောက်ပံ့ပေးထားတဲ့ ဆန်တွေကို ပျက်စီးမှုပေါ်မူတည်ပြီး ခွဲဝေပေးဖို့ရှိပေမယ့် ဒေသမှာ ရိက္ခာဖူလုံမှုမရှိဘူးလို့လည်း ဒေသခံ လွှတ်တော်ကိုယ်စားလှယ်က ပြောပါတယ်။
စိုက်ပျိုးရေးဦးစီးဌာနကတော့ စပါးစိုက်ချိန်ဖြစ်လို့ တောင်သူတွေကို စံပြကွက်၊ စမ်းသပ်ကွက်တွေ ကွင်းဆင်းဆောင်ရွက်နေချိန်ဖြစ်တဲ့အပြင် တောင်သူတွေအနေနဲ့လည်း မကြုံဖူးလို့ သတင်းပို့နောက်ကျကြောင်း၊ ကွင်းဆင်းဆောင်ရွက်မယ့် ဝန်ထမ်းနည်းပါးတဲ့ အတွက်ကြောင့်လည်းကောင်း ပျက်စီးဆုံးရှုံးမှုဖြစ်ခဲ့ရတယ်လို့ ဆိုပါတယ်။
လတ်တလောမှာတော့ ကျန်ရှိနေသေးတဲ့ ပြောင်းခင်းတွေကို ဒေသနည်းလမ်းနဲ့ နှိမ်နင်းဖို့ ပညာပေးနေပြီး သက်ဆိုင်ရာအဆင့်ဆင့်ကို လိုအပ်တဲ့ အကူအညီတွေရရှိနိုင်ဖို့ တင်ပြထားတယ်လို့ သိရပါတယ်။
စစ်ကိုင်းတိုင်းမှာ အသားတင်စိုက်ပျိုးမြေ ၄၆.၁၁ ဧကသိန်းရှိပြီး အဲဒီထဲက မိုးသီးနှံနဲ့ ဆောင်းသီးနှံဧက ၉၃.၈၇၄ သိန်းစိုက်ပျိုးနိုင်ခဲ့လို့ ဆန်ဖူလုံမှု အနေနဲ့ ၂၀၁၇-၁၈ ဘဏ္ဍာနှစ်မှာ မိုးစပါး၊ နွေစပါးအထွက်တင်းပေါင်း ၁၉၅၅.၇ သိန်းထွက်ရှိကာ တင်းပေါင်း ၁၀၈၉.၇ သိန်းပိုလျှံခဲ့တဲ့အတွက် ၂၂၆ ရာခိုင်နှုန်း ဝမ်းစာဖူလုံခဲ့တယ်လို့ စစ်ကိုင်းတိုင်းဒေသကြီးအစိုးရရဲ့ ၂၀၁၇-၁၈ ဘဏ္ဍာနှစ် လုပ်ငန်းဆောင်ရွက်ချက် အစီရင်ခံစာ အရသိရပါတယ်။
ဆီထွက်သီးနှံမှာလည်း တိုးတက်ခဲ့တဲ့အတွက် ဆီဖူလုံမှုမှာလည်း ၅၄၈ ရာခိုင်နှုန်း ရှိခဲ့တယ်လို့သိရပါတယ်။