နှစ်ပေါင်း ၁၀၀ ကျော်ကြာပြီဖြစ်သည့် ပဲနွယ်ကုန်းမြို့ ၀ါဆိုထမင်းစားပွဲတော် (ဓာတ်ပုံ)
DVB
·
July 29, 2018
နှစ်ပေါင်း ၁၀၀ ကျော်တိုင် ကြာပြီဖြစ်တဲ့ ဝါဆိုထမင်းစားပွဲတော်ကို ပဲခူးတိုင်းဒေသကြီး ပဲနွယ်ကုန်းမြို့ ဘုန်းကြီးကျောင်း ၂၅ ကျောင်းမှာ ဇူလိုင် ၂၈ ရက်နေ့က ကျင်းပခဲ့ပါတယ်။
ဝါဆိုထမင်းစားပွဲတော်က နှစ်စဉ် ဝါဆိုလပြည့်ကျော် ၁ ရက်နေ့တိုင်း ကျင်းပပါတယ်။ ဝါဆိုထမင်းဆိုတာ အချဉ်ဟင်းနဲ့ ငါးပိထောင်းကို အဓိက ကျွေးတာပါ။
လာရောက်စားသောက်သူတွေ အားလုံးကလည်း နေ့လယ် ၁၂ နာရီကနေ ညနေ ၄ နာရီအထိ တစ်ကျောင်းထဲမှာ အဝမစားဘဲ စားနိုင်သလောက် ဘုန်းကြီးကျောင်းတွေ ပြောင်းပြီး စားကြပါတယ်။ ဒါ့အပြင် ရပ်ဝေးရောက်နေကြသူတွေပါ ပြန်လာစားကြပါတယ်။
ဝါဆိုထမင်းစားပွဲတော်ဟာ ပဲနွယ်ကုန်းဒေသမှာ လွန်ခဲ့သော နှစ် ၁၀၀ ကျော်ကတည်းက ကျင်းပခဲ့တာဖြစ်ပြီး တနိုင်ငံလုံးမှာ တနေရာတည်းမှာသာကျင်းပတဲ့ ဒေသပွဲတော်တခုလည်း ဖြစ်ပါတယ်။