အမ်းမြို့နယ်တွင် ကားလမ်းမ ရေကျော်၍ ယာဉ်အစီးရေ ၁၀၀ ကျော် ပိတ်မိနေ
DVB
·
July 25, 2018
ရခိုင်ပြည်နယ်မြို့နယ်၊ အမ်းမြို့နယ်မှာ မိုးအဆက်မပြတ်ရွာလို့ တောင်ကျရေတွေကြောင့် ရန်ကုန်-စစ်တွေ လမ်းမကြီးနဲ့ အမ်း- တပ်တောင်လမ်းမ ရေကျော်နေပြီး ခရီးသည်တင်ကားနဲ့ ကုန်တင်ကားတွေ ပိတ်မိနေပါတယ်။
လက်ရှိအချိန်ထိတော့ အမ်း-တပ်တောင် ကားလမ်းမမှာ ရေကျော်နေတာကြောင့် ယာဉ်အစီးရေ ၁၀၀ ကျော် ပိတ်မိနေတယ်လို့ အမ်းမြို့နယ် ယာဉ်ကြီးကြပ်ရေးက အတွင်းရေးမှူး ကိုသန်းချိုကဒီကနေ့ မွန်းလွဲပိုင်းက ဒီဗွီဘီကို ပြောပါတယ်။
“မယ်လက်မောင်းရွာကြားနဲ့ ကံ့ကော်မြိုင်ရွာကြားမှာ မနေ့က ၂ နာရီကနေ့ အခုအချိန် ကားလမ်းမ ၇ ပေ ရေကျော်နေတယ်။ ကားတစီးမှ ဖြတ်မရဘူး။ နောက်ပြီးတော့ အမ်း- တပ်တောင် လမ်းဆိုရင် ကားသေး၊ ကားကြီး၊ ခရီးသည်တင်ကားတွေရော၊ ကုန်တင်ကားကြီးတွေ ဆိုရင် အစီး ၂၀၀ ကျော် မနေ့က ပိတ်မိခဲ့တယ်။ ဒီကနေ့မနက်မှာ ဆိုရင်တော့ ကားအစီးအရေ ၁၀၀ ကျော်လောက် ရှိသေးတယ်။ လက်ရှိအချိန်အထိတော့ ရေ ၆ ပေကျော် လောက် ကျန်နေသေးတယ်”လို့ပြောပါတယ်။
ရန်ကုန်-စစ်တွေ ကားလမ်းမ အပါအဝင် အမ်း-တပ်တောင် ကားလမ်းတွေ စတဲ့နေရာ လေးနေရာလောက်မှာ ရေကျော်နေတယ်လို့ အမ်းမြို့နယ်ဒေသခံတွေက ပြောပါတယ်။
အမ်းမြို့နယ် ရန်ကုန်စစ်တွေကားလမ်းမနဲ့ မယ်လက်မောင်းအုပ်စု ၁၃ မိုင် ကားလမ်းမ တွေမှာတော့ လက်ရှိအချိန်အထိ ရေ ၃ပေလောက်သာ ကျန်ရှိနေပြီး မိုးတွေ ဆက်လက်ရွာရင်တွေ ရေတက်နိုင်တယ်လို့ အမ်းဒု-မြို့နယ် အုပ်ရေးမှူး ဦးကျော်ညိမ်းထွန်းက ပြောပါတယ်။
“မနေ့က အခြေအနေအထိဆိုရင် မယ်လက်မောင်း ၁၃ မိုင်နေရာမှာတော့ ၇ပေ ၈ ပေလောက်အထိ တက်တယ်။ ကားလမ်းပေါ်မှာပေ့ါလေ။ ဒီကနေ့ကတော့ ၃ ပေ ပတ်ချာလည်လောက် ရှိတယ်။ မိုးအပေါ်မှာ မူတည်တယ်။ မိုးများပြီးတော့ တောင်ကျရေတွေ များလာရင်တော့ ထပ်တက်ဖို့ အလားအလာတွေ ရှိနိုင်တယ်”
အမ်း-တပ်တောင်ကားလမ်းမမှာတော့ လက်ရှိအချိန်မှာတော့ ရေအနည်းငယ် ကျဆင်းသွားတာကြောင့် ကုန်ကားတချို့နဲ့ ခရီးသည်တင်ကားတချို့ သွားလာလို့ ရပေမယ့် ကားအသေးလေးတွေကတော့ ပိတ်မိနေဆဲ ဖြစ်ပါတယ်။
ဝဏ္ဏခွာညို
