ချောက်မြို့နယ်တွင် နှမ်းအထွက် ကျဆင်း
DVB
·
July 23, 2018
မကွေးတိုင်းဒေသကြီး၊ ချောက်မြို့နယ်အတွင်းရှိ ကျေးရွာတွေမှာ နှမ်းအထွက်နှုန်းတစ်ဧကကို ၃ တင်းလောက် ကျဆင်းတယ်လို့ ဒေသခံတောင်သူတွေက ပြောပါတယ်။
အခုနှစ်မှာ နှမ်းဖြူ ၁ ဧကကို ၇ တင်းလောက်နဲ့ နှမ်းနက် ၁ ဧကကို ၅ တင်းလောက်သာ ထွက်ကြောင်း၊ ၂ဝ၁၇ နှစ်က နှမ်းဖြူ ၁ ဧကကို ၁ဝ တင်း၊ နှမ်းနက် ၁ ဧကကို ၇ တင်းထွက်သလို နှမ်းဖြူကိုသာ အဓိကစိုက်ကြပြီး ယာမြေဧက ၁ဝ ဧကကို ၂ ဧကလောက်သာ နှမ်းနက်စိုက်ပျိုးတယ်လို့ နှမ်းစိုက်တောင်သူတွေက ပြောဆိုပါတယ်။
သဘွတ်ကုန်းကျေးရွာနေ နှမ်းစိုက်တောင်သူ ကိုမောင်ဇော်က“နှမ်းနက်ကျတော့ အပင်က တော်တော်ဖြစ်တယ်။ နှမ်းဖြူ ၁၅ တင်းထွက်တဲ့ မြေကွက်ဆိုရင် နမ်းနက်က ၁ဝ တင်းလောက် တောင်မှ တော်တော်ထွက်ယူရတယ်ပေါ့။ သဲနှုန်းမြေဆန်တော့ မြေကြောင့် နှမ်းဖြူပဲ စိုက်ကြတယ်။ နှမ်းနက် ဈေးနှုန်းနဲ့ နမ်းဖြူ ဈေးနှုန်းက မကွာတော့ အထွက်နှုန်းများတဲ့ နှမ်းဖြူပဲ စိုက်ကြတာ''လို့ ပြောပါတယ်။
ချောက်မြို့မှာ နှမ်းဈေးနှုန်း အတက်အကျ မရှိဘဲရပ်တန့်နေပြီး နှမ်းအဝင်အထွက် ပုံမှန်ဖြစ်နေကြောင်းတရက်ကို နှမ်းနက်အိတ် ၁၅ဝ လောက်နဲ့ နှမ်းဖြူအိတ် ၇ဝ လောက် တောင်သူတွေက လာရောက်ရောင်းချပါတယ်။ ချောက်မြို့မှာ လာရောက်ရောင်းချတဲ့ နှမ်းစိုက် တောင်သူတွေဟာ ဆိပ်ဖြူမြို့နဲ့ စလင်းမြို့နယ်မှ နှမ်းစိုက်တောင်သူတွေသာ ရောင်းချကြပြီး ချောက်မြို့နယ်ရဲ့ နှမ်းစိုက်တောင်သူတွေ လာရောက်ရောင်းချတာ မရှိသေးဘူးလို့ ပဲနှမ်း အဝယ်ဒိုင်တွေထံက သိရပါတယ်။
ဇူလိုင်လ ၂၁ ရက်နေ့မှာ နှမ်းနက် တစ်တင်း (၁၅- ပိသာ)ကို ငါးသောင်းကျပ်၊ နှမ်းဖြူ တစ်တင်းလျှင် လေးသောင်းရှစ်ထောင်ကျပ် ဈေးရှိတယ်လို့ ပဲနှမ်းအဝယ်ဒိုင်တွေမှ သိရပါတယ်။
ချောက်မြို့နယ်မှာ ယခုနှစ် ၂ဝ၁၈ ခုနှစ်မှာ နှမ်းစိုက် ဧက ၃၅၇၇၂ လျာထားခဲ့ပြီး နှမ်းစိုက်ဧက ၃၈၃၇၃ စိုက်ပျိုးခဲ့တဲ့အတွက် နှမ်းစိုက်ဧက ၂၆ဝ၁ ဧက ပိုမိုစိုက်ပျိုးနိုင်ခဲ့ပါတယ်။
မကွေးတိုင်းမှာ အခုနှစ် ရေလွမ်းမိုးမှုနဲ့ ရာသီဥတုဒဏ်ကြောင့် နှမ်းစိုက်ဧက ခြောက်သောင်းခွဲကျော် ပျက်စီးဆုံးရှုံးမှုရှိတယ်လို့ ချောက်မြို့ စိုက်ပျိုးရေးဦးစီးဌာန ဦးစီးမှူး ဒေါ်အေးမြင့်မြတ်သင်းက ဆိုပါတယ်။
သတင်း - ကိုလင်း(ချောက်)
