ပြင်ဦးလွင်မြို့နယ်က  ​ကော်​ဖီမစိုက်​ဘဲ ပစ်​ထားတဲ့ စီမံကိန်း​မြေ​တွေကို ပြန်​လည်​စိစစ်​ပြီး တကယ်​ ​ကော်​ဖီစိုက်​မယ့် ​တောင်​သူ​တွေကို ပြန်​ပေးသွားဖို့ စီစဉ်​ထားတယ်​လို့ ပြင်​ဦးလွင်​မြို့နယ်ပြည်သူ့ လွှတ်​​တော်​ကိုယ်​စားလှယ် ​ဦး​အောင်​ခင်​က ​ပြောပါတယ်။ မန္တလေးတိုင်းဒေသကြီး ပြင်​ဦးလွင်​မြို့ မြို့​တော်​ခန်းမမှာ ဇူလိုင်​ ၂၁ ရက်​​နေ့ ပြုလုပ်​တဲ့ ​၄ ကြိမ်​​မြောက်​ နိုင်​ငံတကာအဆင့် အ​ကောင်းဆုံး​ကော်​ဖီအရည်​အ​သွေးဆုရရှိသူ သုံးဦးကို မြန်​မာနိုင်​ငံ ​ကော်​ဖီအသင်းက ဆုချီးမြှင့်တဲ့ပွဲမှာ အခုလို ပြောကြားခဲ့တာပါ။ “အခုလို ကမ္ဘာနဲ့ယှဉ်​ပြီး ​ကောင်းမွန်​တဲ့ အရည်​အ​သွေးရှိတဲ့ ​ကော်​ဖီ​တွေ ထုတ်​လုပ်​လာနိုင်​တဲ့အတွက်​ ​ကော်​ဖီစိုက်​​တောင်​သူ​တွေကို ဂုဏ်​ပြုကြိုဆိုတယ်​။ ​ကော်​ဖီစိုက်​စီမံကိန်း ဧရိယာအတွင်းက မစိုက်​ဘဲ ပစ်​ထားတဲ့​မြေ​တွေကို ပြန်​လည်​စိစစ်​ပြီး တကယ့်ကို​ ကော်​ဖီစိုက်​စားမယ့် တောင်​သူ​တွေကို ပြန်​လည်​​ပေးဖို့ စီစဉ်​ထားတယ်​” လို့ ပြည်​သူ့လွှတ်​​တော်​ကိုယ်​စားလှယ်​ ဦး​အောင်​ခင်က​ပြောပါတယ်​။ ပြင်​ဦးလွင်​မြို့နယ်​အတွင်း ​မြေလွတ်​​မြေရိုင်း​မြေ​တွေ​ပေါ်မှာ ဧက ၁၆၀၀၀ ​ကျော်​နဲ့ သစ်​​တော​မြေ​ပေါ်မှာ ဧက ၁၂၀၀၀ ​ကျော်​ကို ​ကော်​ဖီစိုက်​ခင်းအဖြစ်​ချထား​ပေးတာပါ။ ၂၀၁၆ ခုကတည်းကစပြီး မစိုက်​ဘဲထားတဲ့​မြေ​တွေကို လိုက်​လံစိစစ်နေတာဖြစ်ပြီး လုံးဝမစိုက်​ပျိုး​သေးတဲ့​ မြေဧက ၇၅ ရာခိုင်းနှုန်းကို အမှန်​တကယ်​စိုက်​ပျိုးမယ့် တောင်​သူ​တွေလက်​ထဲကို လာမယ့် ဒီဇင်ဘာလထဲ ပြန်​လည်​​ပေးအပ်​သွားမယ်လို့ ဆိုပါတယ်။ မြန်​မာနိုင်​ငံ ​ကော်​ဖီအသင်း ဥက္ကဋ္ဌ ဦးရဲမြင့်က​ “ကျ​နော်​တို့​ကော်​ဖီ​တွေ ကမ္ဘာမှာ ဒီထက်​မက ​ရှေ့​ရောက်​ပြီးတိုးတက်​ဖို့ နည်းပညာပိုင်းဆိုင်​အ​ထောက်​အကူ​တွေ၊ ကုန်​ထုတ်​လုပ်​မှုအပိုင်း​တွေကို အစိုးရဘက်​က ကူညီ​ပေးဖို့လိုအပ်​တယ်။ ဒါမှသာ ဒီထက်​မက ကမ္ဘာကိုထိုး​ဖောက်​နိုင်​မှာဖြစ်​တယ်​။ အခုဆို ကမ္ဘာကို ရင်​​ပေါင်​တန်းနိုင်​တဲ့ အရည်​အ​သွေးပြည့်မီတဲ့ ကော်​ဖီလုပ်​ငန်းရှင်​​တွေ အခုဆို​ပေါ်လာပြီ။ ဒီထက်​မက​ပေါ်​ပေါက်​လာဖို့ အစိုးအ​နေနဲ့ ကူညီ​ပေးပါ” လို့ ပြောပါတယ်။ ဆုချီးမြှင့်ပွဲကို  ကော်​ဖီစိုက်​​တောင်​သူ​ ၅၀ ​ကျော်​၊ နန်းမြိုင်​​ကော်​ဖီ၊ စည်​သာ​ကော်​ဖီ ဉာဏ်​ကြီးရှင်​ကော်​ဖီ စတဲ့​ကော်​ဖီခြံ​တွေက​ တာဝန်​ရှိသူ​တွေ၊ ​ကော်​ဖီပညာရှင်​တွေ၊ စည်​ပင်​သာ​ရေး​ကော်​မတီ တာဝန်ရှိတို့ တက်ရောက်ခဲ့ကြပါတယ်။