ပြည်ကြီးတံခွန်မြို့နယ်တွင် ဒုတရားသူကြီးကို မကျေနပ်၍ ဆန္ဒပြ
Aung Aung Naing
·
July 12, 2018
အတိုင်ပင်ခံနဲ့သမ္မတကို ဆဲဆိုတဲ့အမှုမှာ မန္တလေးတိုင်းဒေသကြီး ပြည်ကြီးတံခွန်မြို့နယ် ဒုတရားသူကြီးက ဒဏ်ငွေ ၅ သောင်းရိုက်ပြီး တယောက်ကို အပြီးအပြတ် လွှတ်လိုက်တဲ့ အပေါ် မကျေနပ်လို့ ဒီနေ့ ဆန္ဒထုတ်ဖော်ခဲ့ကြပါတယ်။
“အဲဒီတရားသူကြီးကို မကျေနပ်လို့ ဆန္ဒပြတာဖြစ်ပါတယ်။ ဒဏ်ငွေ ၅ သောင်းလောက်နဲ့ အပြီးအပြတ် လွှတ်ပေးနိုင်တယ်ဆိုရင် နောက်နောင်လည်း ဒီလိုပဲ စော်ကားလာကြမှာ ဖြစ်တဲ့အတွက် အဲဒီတရားသူကြီးက ဒီလို နိုင်ငံတော်အတိုင်ပင်ခံပုဂ္ဂိုလ်နဲ့ နိုင်ငံတော်သမ္မတကို ဆဲဆိုတဲ့သူတွေကို လွှတ်ပေးတယ်ဆိုတာ သူကိုယ်တိုင်က ကျေနပ်ပြီးတော့ သဘောတူ ပြီးတော့ လွှတ်ပေးလိုက်တယ်လို့ မေးခွန်းထုတ်ပေးရပါမယ်။ သူကိုယ်တိုင်ဆဲချင်တာကို ကိုယ်စားဆဲပေးတယ်ဆိုပြီး ကျေးဇူးတင်တဲ့အနေနဲ့ လွှတ်ပေးလိုက်တာလာဆိုပြီး မေးခွန်း ထုတ်ရပါမယ်။ ကျနော်တို့က ခုလိုလွှတ်ပေးတာကို မကျေနပ်လို့ ဥပဒေအရာရှိကို ဒုတိယ မြို့နယ်တရားသူကြီး အထက်ကို အဆင့်ဆင့်တင်ပြပေးပါ” ဦးဆောင်ဆန္ဒပြသူ ဦးဇော်လင်းက ပြောပါတယ်။
မန္တလေးတိုင်းဒေသကြီး ပြည်ကြီးတံခွန်မြို့နယ် ၅၆ လမ်၊း မင်းကြီး ရန်နောင်လမ်းက စတင်ပြီး ၆၂ လမ်းအတိုင်း လမ်းလျောက်ဆန္ဒထုတ်ဖော်ခဲ့ကြတာဖြစ်ပြီး ပြည်ကြီးတံခွန်မြို့နယ် တရားရုံးရှေ့အထိ ဘက်လိုက်တရားစီရင်မှု ချက်ချင်းရပ်၊ ဒုတိယမြို့နယ်တရားသူကြီး အလိုမရှိ၊ တရားဥပဒေစိုးမိုးရေး အကျင့်ပျက်ဝန်ထမ်းများ အလိုမရှိ၊ စတဲ့ ကြွေးကျော်သံတွေနဲ့ လူအင်အား ၂ဝ လောက် ဆန္ဒထုတ်ဖော်ခဲ့ကြပါတယ်။
ပြည်ကြီးတံခွန်မြို့နယ် ညည ၃၆ ကွင်းအတွင်း ဘိုးဘွားပိုင်မူလ ပိုင်ရှင် မိသားစုတွေ နေထိုင်နေတဲ့ အဆောက်အဦ၊ အိမ်တွေကို သင်ပန်းကုန်းဈေးတာဝန်ခံ ဦးလက်ယျာနဲ့ ဒေါ်မြမိုးနွယ် (ခ) ဒေါ်မိုးတိုက ပြီးခဲ့တဲ့ ၂ဝ၁၆ ခုနှစ် မေ ၁၁ ရက်က လာရောက်ဖျက်ခိုင်းရာ ဘိုးဘွားပိုင်မြေဖြစ်ကြောင်း နိုင်ငံတော်အတိုင်ပင်ခံပုဂ္ဂိုလ်နဲ့ နိုင်ငံတော်သမ္မတဆီ တင်ပြထားတယ်လို့ ပြောခဲ့ရာ ဦးလက်ယျာတို့နှစ်ဦးက နိုင်ငံတော်အတိုင်ပင်ခံနဲ့ သမ္မတကို ညစ်ညမ်းစွာ ဆဲဆိုခဲ့တာကြောင့် ၂ဝ၁၆ ခုနှစ် သြဂုတ် ၁၁ ရက်က စတင်တရားစွဲဆိုခဲ့တာပါ။
မေ ၇ ရက်နေ့မှာ ဒုမြို့နယ်တရားသူကြီးက ဒဏ်ငွေ ၅ သောင်းရိုက်ပြီး တယောက်ကို အပြီးအပြတ် လွှတ်တိုက်တာကို ကျေနပ်မှုမရှိတာကြောင့် အခုလို ဆန္ဒထုတ်ဖော်ခဲ့တာလို့ တရားလိုဖြစ်သူ ဦးစိုးဦးက ပြောပါတယ်။
ပြည်ကြီးတံခွန် မြို့နယ်မြို့မရဲစခန်းက ရာဇသတ်ကြီးပုဒ်မ ၂၉၄/၅ဝ၆ တို့နဲ့ အမူဖွင့်အရေးယူခဲ့တာပါ။