ဗိုလ်ချုပ်ကြေးရုပ်သယ်ဆောင်လာပါက ကရင်နီလူငယ်များ ပိတ်ဆို့တားဆီးမည်
DVB
·
July 9, 2018
ကယားပြည်နယ်၊ လွိုင်ကော်မြို့ကို ဗိုလ်ချုပ်ကြေးရုပ် သယ်ယူလာမယ့် သတင်းကြောင့် ကရင်နီလူငယ်ထုတွေဟာ လွိုင်ကော်မြို့အဝင် လမ်းမတွေပေါ်မှာ ဒီကနေ့ ပိတ်ဆို့တားဆီးဖို့ စောင့်ဆိုင်းနေကြပါတယ်။
အခုလို ပိတ်ဆို့ တားဆီးမယ့်အပေါ် ကယန်းမျိုးဆက်သစ်လူငယ် တွဲဖက်အတွင်းရေးမှူး (၂) ခွန်းသောမတ်စ်က "နဂိုကတည်းက ကျနော်တို့ ဗိုလ်ချုပ်ကြေးရုပ်ကို လက်မခံတဲ့ လူငယ် အုပ်စုတွေလေ။ ဆိုတော့ ဒီနေ့က ပြောပုံအရဆိုတော့ ဒီနေ့သယ်လာဖို့ရှိတာပေါ့။ ကျနော်တို့ လက်မခံထားတဲ့အတွက် ကရင်နီပြည်ကို ကျနော်တို့ အဝင်မခံဘူးပေါ့" လို့ ပြောပါတယ်။
ကရင်နီလူငယ်ထုတွေက ပိတ်ဆို့ တားဆီးသွားမှာဖြစ်ပေမယ့် အကြမ်းဖက်မှာမဟုတ်ပဲ ညှိနှိုင်းဆောင်ရွက်သွားမယ်လို့ ခွန်းသောမတ်စ်က ဆိုပါတယ်။
ဒီတားဆီးပိတ်ဆို့တာကို တောင်ကြီး-လွိုင်လင်-လွိုင်ကော်လမ်း၊ ဖယ်ခုံ-မိုးဗြဲ-လွိုင်ကော် လမ်းနဲ့ မိုးဗြဲ-ဒီးမော့ဆို-လွိုင်ကော်လမ်းမတွေပေါ်မှာ ကရင်နီလူငယ်ထုတွေက ဗိုလ်ချုပ် ကြေးရုပ်ကို ကရင်နီပြည်ထဲ အဝင်မခံပဲ ပိတ်ဆို့တားဆီးဖို့ လုပ်ဆောင်နေကြတာ ဖြစ်ပါတယ်။
ကယားပြည်နယ်ဝန်ကြီးချုပ် ဦးအယ်လ်ဖောင်းရှိုဦးဆောင်ပြီး ဗိုလ်ချုပ်အောင်ဆန်း မြင်းစီး ကြေးရုပ်ကို လွိုင်ကော်မြို့မှာ ထားရှိမှာကို ကရင်နီလက်နက်ကိုင် အဖွဲ့တွေအပါအဝင် အခြား ကရင်နီအဖွဲ့အစည်း ၂၀ လောက်က ရက်အကန့်အသတ်မရှိ ရွှေ့ဆိုင်းထားဖို့ ဇူလိုင်လ ၇ ရက်က ဝန်ကြီးချုပ်နဲ့ တွေ့ဆုံတဲ့အစည်းအဝေးမှာ တောင်းဆိုထားပေမယ့် ခုလို သယ်ယူလာဖို့ လုပ်ဆောင်နေတယ်လို့ သိရှိရတာကြောင့်ကရင်နီလူငယ်ထုတွေက လမ်းမတွေပေါ်မှာ ပိတ်ဆို့တားဆီးထားဖို့ စောင့်ဆိုင်းနေကြတာပါ။
ပြီးခဲ့တဲ့ ဇူလိုင်လ ၃ ရက်ကလည်း လွိုင်ကော်မြို့ပေါ်မှာ ဗိုလ်ချုပ်ကြေးရုပ်ထားရှိမှာကို ကန့်ကွက်ဆန္ဒထုတ်ဖော်ခဲ့တဲ့ ကရင်နီလူထုတွေနဲ့ ပြည်နယ်ရဲတပ်ဖွဲ့တို့ ရုန်းရင်းဆန်ခတ်ဖြစ်ခဲ့ ပါတယ်။
ကရင်နီပြည်သမိုင်းကြောင်း၊ ဗိုလ်ချုပ်ကြေးရုပ်ထားမယ့်အပေါ် စိုးရိမ်ချက်၊ သုံးသပ်ချက်နဲ့ အကြံပြုတိုက်တွန်းချက်တွေပါတဲ့ လက်ကမ်းစောင်တွေ ဖြန့်ဝေခဲ့တဲ့ ကရင်နီလူငယ် ၁၁ ဦးဟာလည်း နိုင်ငံတော်အကြည်ညိုပျက်စေမှု ပုဒ်မ ၅၀၅ (ခ) (ဂ) နဲ့ တရားစွဲဆိုခံထားရပါတယ်။
သတင်း၊ ဓာတ်ပုံ- ခွန်းတူးတူးလေး