ရှစ်လေးလုံးပါတီကို ပြည်သူ့ပါတီအဖြစ် အမည်ပြောင်းလဲ
Aung Aung Naing
·
July 8, 2018
ကန့်ကွက်မှုတွေရှိနေတဲ့ ရှစ်လေးလုံးပါတီကို ပြည်သူ့ပါတီအဖြစ် အမည်ပြောင်းလဲ သတ်မှတ်လိုက်ပါတယ်။
ဇူလိုင် ၈ ရက်နေ့က မန္တလေးမြို့မှာကျင်းပခဲ့တဲ့ နိုင်ငံရေးပါတီဖြစ်မြောက်ရေးကော်မတီရဲ့ တတိယအကြိမ် အစည်းအဝေးက အချက် ၃ ချက် ချမှတ်ပြီး အခုလို ဆုံးဖြတ်ခဲ့ကြတာပါ။
ရှစ်လေးလုံးပြည်သူ့ပါတီအား ပြည်သူ့ပါတီအဖြစ် အမည်ပြောင်းလဲ လျောက်ထားဖို့၊ ပြည်သူပါတီရဲ့ အမှတ်တံဆိပ် အလံတို့ကိုလည်း အတည်ပြုဆုံးဖြတ်ခဲ့ပါတယ်။
“ကျွန်ုပ်တို့သည် ပြည်သူအားလုံးအတွက် ပြည်သူတို့နဲ့အတူ ကြောက်ရွံ့ခြင်း မသိ၊ နားမလည်ခြင်း ဆင်းရဲနွမ်းပါးခြင်းတည်းဟူသော အမှောင်တိုက်ကို ဖွင့်လှစ်၍ တရားမျှတခြင်း၊ လွတ်လပ်ခြင်း၊ တန်းတူညီမျှခြင်းဟူသော လောကပါလ တရားများကို အခြေခံသည့် လွတ်လပ် ငြိမ်းချမ်းသော ကြွယ်ဝချမ်းသာသော အလင်းခေတ်နိုင်ငံတော်ကို တည်ဆောက်သွားကြရန် ခိုင်မာစွာ အဓိဋ္ဌာန်ပြုပါသည်” လို့ တက်ရောက်လာတဲ့ ကိုယ်စားလှယ်အားလုံးရဲ့ သဘောတူညီချက်နဲ့အညီ ထုတ်ပြန်ခဲ့တာလို့ ဦးကိုကိုကြီးက ပြောပါတယ်။