ဂူထဲပိတ်မိ ကလေးများကို ကယ်ဆယ်ရေး စတင်၊ ၂၄ နာရီအတွင်း ကယ်ထုတ်မည်
DVB
·
July 8, 2018
ထိုင်းနိုင်ငံ မယ်ဆိုင်မြို့အနီးက ထမ်းလုံဂူထဲ ပိတ်မိနေတဲ့ တောဝက်ဘောလုံးအသင်းမှ ကလေးငယ် ၁၂ ယောက်နဲ့ နည်းပြဆရာကို ၂၄ နာရီအတွင်း ကယ်ထုတ်မယ်လို့ ချင်းဟိုင်းခရိုင်အုပ်ချုပ်ရေးမှူးက ပြောပါတယ်။
ဒီနေ့ ဇူလိုင် ၈ ရက်နေ့ မနက် ၁၀ နာရီ ပြုလုပ်တဲ့ သတင်းစာရှင်းလင်းပွဲမှာ ချင်ဟိုင်းခရိုင်ဝန်က "အခု ကျွမ်းကျင်ရေငုပ်သမားတွေက အခုမနက်ပိုင်းကို ဂူထဲဝင်သွားပါပြီ၊ ကလေးတွေကို ကယ်ထုတ်ဖို့အတွက်ပါ။ ကလေး ၁၃ ယောက်လုံး ထုတ်လာဖို့ ကြိုးစားနေပါတယ်။ ရေငုပ်သမားတွေ အဲ့နေရာကို ရောက်ဖို့ ၅ နာရီနဲ့ ၆ နာရီလောက်ကြာမှာပါ။ ဆရာဝန်ကလည်း ကလေးတွေ ကျန်းမာရေးဟာ ကယ်ထုတ်လို့ရပြီလို့ ပြောပါတယ်”
ကလေးတွေကို ဂူထဲမှာ အသက်ရှင်လျှက် တွေ့ရှိခဲ့တဲ့ အင်္ဂလန်က ရေငုပ်ပညာရှင်အဖွဲ့နဲ့ တဖွဲ့တည်းဖြစ်တဲ့ ပညာရှင်တွေလည်း အထဲကို သွားနေပြီလို့ပြောပါတယ်။
ကလေးတွေ ကယ်ထုတ်ဖို့အတွက်ကတော့ ဂူအပြန်လမ်းမှာ အနည်းဆုံး ၈ နာရီလောက် ကြာမြင့်မှာဖြစ်ပြီး ထိုင်းနိုင်ငံမြောက်ပိုင်းမှာ မိုးသည်းထန်စွာရွာသွန်မယ်လို့ မိုးလေ၀သက ထုတ်ပြန်ထားတဲ့အတွက် အခု စတင်ပြီး ကယ်ထုတ်နေတာပါ။
မနေ့ညမှာတော့ ဂူအနီးအနားက ကယ်ဆယ်ရေးသမားတွေ နေတဲ့နေရာကို အစိမ်းရောင် ပိုက်တွေနဲ့ ပတ်ပတ်လည်ကာရံထားပြီး ဒီနေ့မနက်မှာတော့ မီဒီယာသမားတွေအားလုံးကို ဂူနဲ့ ၃ ကီလောက်ဝေးတဲ့ ရပ်ကွက်အုပ်ချုပ်ရေးမှူးရုံးကို ပြောင်းရွှေ့ထားတာဖြစ်ပါတယ်။
နိုင်ငံတကာက မီဒီယာပေါင်း ၈၀၀ ကျော်ရှိတဲ့အတွက် ကလေးတွေ ကယ်ဆယ်ရေးကို အနှောင့်အယှက်မဖြစ်ဖို့အတွက် ဆိုပါတယ်။ ဂူအနီးအနားက စားသောက်ရေးမှာ ကူညီနေတဲ့ သူတွေအားလုံးကိုလည်း အပြင်ကို ပြောင်းရွှေ့ထားပြီး ဂူအနီးအနားမှာ အရေးပေါ် ကယ်ဆယ်ရေးယာဉ်နဲ့အခြား ကျွမ်းကျင်ပညာရှင်တွေပဲ ရှိတော့တယ်လို့ သိရပါတယ်။
သတင်း - ကိုဇက်