ကျုံထော်ရေတံခွန်အနီး မိုင်းရှင်းလင်းရန် တိုင်းမှူးခွင့်ပြုမိန့် စောင့်ဆိုင်းနေရ
DVB
·
July 5, 2018
ကရင်ပြည်နယ်၊ မြိုင်ကြီးငူဒေသရှိ ကျုံထော်ရေတံခွန်အနီးမှာ မိုင်းရှင်းလင်းဖို့ အရှေ့တောင်တိုင်း စစ်ဌာနချုပ် (ရတခ) တိုင်းမှူးရဲ့ ခွင့်ပြုမိန့် စောင့်ဆိုင်းနေရတာကြောင့် မိုင်းရှင်းလင်းရေးလုပ်ငန်းတွေကို ဆိုင်းငံ့ထားရတယ်လို့ ကရင်ပြည်နယ်အစိုးရအဖွဲ့ ဗမာတိုင်း ရင်းသားလူမျိုးရေးရာ ဝန်ကြီးက ပြောပါတယ်။
ဇူလိုင် ၄ ရက်က ဘားအံမြို့၊ GABANNA ဟိုတယ်မှာ ပြုလုပ်တဲ့ မိုင်းအန္တရာယ် အသိပညာပေးရေးလုပ်ငန်းအဖွဲ့ရဲ့ သတ္တမအကြိမ် လုပ်ငန်းညှိနှိုင်းအစည်းအဝေးမှာ ပြောသွား တာဖြစ်ပါတယ်။
ဗမာတိုင်းရင်းသားလူမျိုးရေးရာဝန်ကြီး ဦးတေဇထွဋ်လှိုင်ထွေးက“မိုင်းအသိပညာပေး လုပ်ငန်းနဲ့ မိုင်းရှင်းလင်းရေးလုပ်ငန်းတွေကို ဆောင်ရွက်ချင်လို့ ကြိုးစားလာတာ သုံးလလောက်ရှိပြီ။ ဒါပေမယ့် ကျနော်တို့ရဲ့ ဒေသအခြေအနေအရ ရတခတိုင်းမှူးက ခဏလေး ဆိုင်းငံထားပါလို့ ပြောတဲ့အတွက်ကြောင့် ကျနော်တို့ ဆိုင်းငံ့နေရတယ်။ ဒါပေမယ့်လည်း ဝန်ကြီးချုပ်ကနေတဆင့် တိုင်းမှူးကို မေတ္တာရပ်ခံပြီးတော့ ကျုံထော် ရေတံခွန်မှာ မိုင်းရှင်းလင်းရေး လုပ်ငန်းကို လုပ်နိုင်ဖို့ ကြိုးစားဆောင်ရွက်ပေးမယ်”လို့ ပြောပါတယ်။
KNU၊ KNLA(PC) စစ်ဗျူဟာ (၂)စစ်စည်းကမ်းထိန်းသိမ်းရေးအဖွဲ့၊ ဗိုလ်မှူး စောအောင်ကျော်က “ကြန့်ကြာမှုတွေက တယောက်နဲ့ တယောက် အမြင်မရှင်းလင်းသေးတဲ့ အခါကျတော့ တပ်မတော်ဘက်ကလည်း ဒါလေးတွေကို ခွင့်ပြုဖိ်ု့အတွက်မှာ အခက်အခဲလေး တွေ ရှိတယ်။ တခါတလေ အန်စီအေ လက်မှတ်ရေးထိုးထားတဲ့ အချက်အလက်တွေကို အပေါ်ကသိပြီးတော့ အောက်လက်ငယ်သားတွေ မသိတာတွေလဲရှိတယ်။ အောက်နဲ့ အပေါ်နဲ့ ညှိသွားရင်တော့ ကျနော်တို့ မိုင်းရှင်းလင်းရေးတို့ ဒေသဖွံ့ဖြိုးရေးအတွက်ကတော့ အများကြီး ကောင်းဖို့ရှိပါတယ်”လို့ ပြောပါတယ်။
ဒီအစည်းအဝေးကို တိုင်းရင်းသားညီအကို မောင်နှမတွေအားလုံးအတွက် အန္တရာယ် ကင်းတဲ့ ပတ်ဝန်းကျင်ဖြစ်စေဖို့၊ ကရင်ပြည်နယ်မှာ ငြိမ်းချမ်းရေးဖြစ်စဉ်တွေနဲ့အတူ ခရီးသွား လုပ်ငန်းတွေ တိုးတက်ပြီးတော့ အလုပ်အကိုင်အခွင့်အလမ်းတွေနဲ့ ဝင်ငွေတွေ တိုးတက်ရရှိ စေဖို့၊ မိုင်းအန္တရာယ်ကင်းရှင်းပြီး မိမိတို့ အရပ်ဒေသတွေမှာ ပြန်လည်အခြေချနေထိုင်စဉ် အသက်မွေးဝမ်းကျောင်းလုပ်ငန်းတွေ ပြန်လည်လုပ်ဆောင်နိုင်ဖို့၊ မိုင်းအသိပညာပေးလုပ်ငန်း တွေမှာ ဒေသခံတွေ ပါဝင်လာဖို့နဲ့ ပြည်လည်ထူထောင်ရေး လုပ်ငန်းစဉ်တွေကို ပိုမို ဆောင်ရွက်နိုင်ဖို့အတွက် ရည်ရွယ်ကျင်းပတာပါ။
ကရင်ပြည်နယ် လူမှုဝန်ထမ်းဦးစီးဌာန၊ ဒုတိယညွှန်ကြားရေးမှူး ဦးဇော်မင်း က “ကရင်ပြည်နယ်မှာ ပြည်သူလူထုတွေအလုံးစုံ အန္တရာယ်ကင်းတဲ့ ပတ်ဝန်းကျင်ဖြစ်စေဖို့ အတွက်ဆိုပြီးတော့ ပြည်နယ်ဝန်ကြီးချုပ်ကြီးရဲ့ ဆန္ဒပြင်းပြမှုနဲ့ ပထမဦးဆုံး မြိုင်ကြီးငူ ကျုံထော် ဒေသတစ်ဝိုက်မှာ မိုင်းရှင်းလင်းရေး လုပ်ငန်းတွေ စတင်နိုင်ဖို့ အဆင့်ဆင့် တင်ပြခဲ့ရာမှာ ခွင့်ပြုချက်လည်း ရရှိခဲ့ပြီးဖြစ်တယ်။”လို့ ပြောပါတယ်။
၂ဝ၁၈ ခုနှစ် ပထမ ငါးလအတွင်း တစ်နိုင်ငံလုံးအတိုင်းအတာအရ မိုင်းအန္တရာယ် ဖြစ်စဉ်ပေါင်း ၁၂၇ ခုမှာ ထိခိုက်သူပေါင်း ၁၅၉ ဦး၊ သေဆုံးသူ ၂၃ ဦး၊ ဒဏ်ရာရသူ ၁၃၆ ဦးထိ ရှိခဲ့ပြီး ထိခိုက်ဒဏ်ရာရရှိသူ ၃ ဦးမှာ ၁ ဦးက ကလေးသူငယ်တွေဖြစ်တယ်လို့ နောက်ဆုံး ရရှိထားတဲ့ စစ်တမ်းတွေအရ သိရပါတယ်။
မိုင်းအန္တရာယ်အသိပညာပေး လုပ်ငန်းကော်မတီအစည်းအဝေးကို သုံးလတကြိမ် ကျင်းပသွားမှာဖြစ်သလို အဆင်ပြေတဲ့အချိန် မိုင်းရှင်းလင်းရေးလုပ်ငန်းကို ဆောင်ရွက်သွား မှာဖြစ်ပြီး မိုင်းကြောင့် ထိခိုက်ဒဏ်ရာရရှိသူနဲ့ မသန်စွမ်းသူအပါအဝင် တစ်ဦးကို ကျပ် ၁ သိန်းနှုန်းနဲ့ သိန်းပေါင်း ၄၆ဝဝ ကျော်ကို အစိုးရက ထောက်ပံ့ပေးထားပါတယ်။
သတင်း - ရဲမင်းခေါင်