နိုင်ဂျီးရီးယားစစ်တပ်က အဓမ္မပြုကျင့် သတ်ဖြတ်မှု လုပ်ဆောင်ခဲ့ဟု အေအိုင်အဖွဲ့ ထုတ်ပြန်

နိုင်ဂျီးရီးယားစစ်တပ်ဟာ အစ္စလာမ္မစ် စစ်သွေးကြွ ဘိုကိုဟာရမ်တွေကို တိုက်ထုတ်စဉ်အတွင်း အရပ်သားတွေအပေါ် ညှဉ်းပန်းနှိပ်စက်တာတွေ၊ အဓမ္မပြုကျင့်တာတွေနဲ့ သတ်ဖြတ်တာတွေ လုပ်ဆောင်ခဲ့တယ်လို့ အပြည်ပြည်ဆိုင်ရာ လူ့အခွင့်အရေးအဖွဲ့ (အေအိုင်) က မေ ၂၄ ရက်နေ့မှာ သတင်းထုတ်ပြန်ခဲ့ပါတယ်။ စာမျက်နှာ ၈၉ မျက်နှာပါတဲ့ အစီရင်ခံစာဟာ အင်တာဗျူး ရာပေါင်းများစွာကို အခြေခံထားပြီး အဲဒီအစီရင်ခံစာဟာ လိင်ပိုင်းဆိုင်ရာ အကြမ်းဖက်မှုတွေ၊ ရွာမီးရှို့မှုတွေနဲ့ တခြား ညှဉ်းပန်းနှိပ်စက်မှု အကြောင်းအရာတွေကို ဖော်ပြထားပါတယ်။ “စစ်သားတယောက်က လက်ထဲမှာ စားစရာယူလာပြီး မင်း ငါ့ကိုကြိုက်ရင် ဒါကျွေးမယ်။ ငါတို့နဲ့ လိုက်ခဲ့လို့ ပြောတယ်။ ကျမတို့က ငတ်ပြတ်နေတဲ့ ကိုယ့်ကလေးတွေအတွက် ထည့်စဉ်းစားရတယ်။ သူတို့ပေးတာကို ယူမိရင် ကိုယ့်ဆီပြန်လာပြီး လိင်ဆက်ဆံတယ်။ ကိုယ်က လက်မခံဘူးဆိုရင်လည်း အတင်းအကျပ် လိင်ဆက်ဆံတယ်” လို့ အမည်မဖော်လိုသူ လိင်ပိုင်းဆိုင်ရာ စော်ကားခံရသူ အမျိုးသမီးတဦးက ပြောပြခဲ့ပါတယ်။ ဒါပေမယ့် နိုင်ဂျီးရီးယားစစ်တပ် ထုတ်ပြန်ကြေညာချက်မှာတော့ လူ့အခွင့်ရေးအဖွဲ့ ရှာဖွေတွေ့ရှိချက်တွေဟာ နေရပ်စွန့်ခွာစခန်းတွေက ရုပ်ရှင်ဆန်ဆန် အဓမ္မပြုကျင့်မှု ဇာတ်လမ်းတွေအပေါ် အခြေခံထားတယ်ဆိုပြီး ဖော်ပြခဲ့ပါတယ်။ နိုင်ဂျီးရီးယားနိုင်ငံဟာ အနောက်အာဖရိက အစ္စလာမ္မစ် စစ်သွေးကြွအဖွဲ့ ဘိုကိုဟာရမ်တွေကို ၉ နှစ်ကြာ တိုက်ထုတ်နေတာ ဖြစ်ပါတယ်။ အဲဒီပဋိပက္ခကြောင့် လူပေါင်း ၃၀,၀၀၀ ကျော် သေဆုံးခဲ့ပြီး ကမ္ဘာ့အဆိုးရွားဆုံး လူသားချင်းစာနာမှုဆိုင်ရာ ဘေးဒုက္ခအဖြစ် ရောက်ရှိခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up