အက်ဖ်အေဖလား ချဲလ်ဆီးဗိုလ်စွဲမှုနှင့် ထူခြားချက်အချို့ (ရုပ်သံဟိုက်လိုက်)

မနေ့ညက ယှဉ်ပြိုင်ကစားခဲ့တဲ့ အက်ဖ်အေဖလားဗိုလ်လုပွဲမှာ ချဲလ်ဆီးအသင်းက မန်ချက်စတာယူနိုက်တက်အသင်းကို ၁ ဂိုး ဂိုးမရှိနဲ့ အနိုင်ရ ဗိုလ်စွဲသွားခဲ့ပါတယ်။ ပွဲချိန် ၂၂ မိနစ်မှာ မန်ယူနောက်ခံလူ ဖီးလ်ဂျုံး ဂိုးဧရိယာအတွင်း ချဲလ်ဆီးကစားသမား ဟာဇက်ကို ဖျက်ထုတ်တာ ကြမ်းလို့ ဒိုင်က အ၀ါကတ်ပြပြီး ပင်နယ်တီပေးခဲ့တာပါ။ ပင်နယ်တီကို ဟာဇက်ကပဲ သွင်းယူခဲ့ပါတယ်။ ချဲလ်ဆီးအသင်းဟာ ၂ နှစ်ဆက် အက်ဖ်အေဖလား ဗိုလ်လုပွဲ တက်ရောက်နိုင်ခဲ့ပြီး ပြီးခဲ့တဲ့နှစ်က အာဆင်နယ်ကို ၂ ဂိုး ၁ ဂိုးနဲ့ ရှုံးနိမ့်ခဲ့တာကြောင့် ဒုတိယပဲရရှိခဲ့ပါတယ်။ အနိုင်ဂိုးသွင်းယူခဲ့တဲ့ ဟာဇက်ဟာ ချဲလ်ဆီးအသင်းအတွက် ကစားပေးခဲ့တဲ့ ပွဲပေါင်း ၃၀၀ ပြည့်ခဲ့တာ ဖြစ်ပါတယ်။ ဟာဇက်ဟာ ၂၀၁၂ ခုနှစ်က လိုင်လီအသင်းကနေ ပေါင် ၃၂သန်းနဲ့ ချဲလ်ဆီးအသင်းကို ရောက်ရှိခဲ့တာဖြစ်ပါတယ်။ အက်ဖ်အေဖလားဟာ အင်္ဂလန်မှာတင်မကပဲ ကမ္ဘာမှာပါ သက်တမ်းအရင့်ဆုံးဖလား ဖြစ်ပြီး အခုနှစ်ဗိုလ်လုပွဲမှာ ထူးခြားချက်အချို့လည်း ရှိခဲ့ပါတယ်။ ဗိုလ်လုပွဲဟာ ဗြိတိန်အိမ်ရှေ့စံ ဟယ်ရီနဲ့ မင်ဂန်မာကယ်တို့ရဲ့ တော်ဝင်လက်ထပ်ပွဲနဲ့လည်း တရက်တည်း ဖြစ်ခဲ့ပါတယ်။ ဒါ့ကြောင့် ပရိသတ်အချို့က ဝင်ဘာလေကွင်းထဲမှာ  အိမ်ရှေ့စံ ဇနီးမောင်နှံနှစ်ဦးရဲ့ မျက်နှာဖုံးတွေ တပ်ဆင်အားပေးခဲ့ကြပါတယ်။ နောက်တချက်က နှစ်ဖက်အသင်းရဲ့ ကစားသမားဟောင်းတွေက သူတို့ရဲ့ သက်ဆိုင်ရာအသင်းဟောင်းတွေ ဆုဖလားရရှိဖို့ ဆုတောင်းပေးခဲ့ကြတာပဲ ဖြစ်ပါတယ်။ ရှဝိန်းစတိုင်ဂါ၊ ဘတ်ရှူဝါရီ၊ ဒရော့ဘာတို့က သူတို့အကောင့်တွေကနေတဆင့် ဆုတောင်းပေးခဲ့ကြပါတယ်။ နောက်ဆုံးတချက်ကတော့ မန်ချက်စတာယူနိုက်တက်အသင်းနည်းပြ မော်ရင်ဟိုဟာ ဖလားဖိုင်နယ်ပွဲစဉ်တွေမှာ နိုင်ပွဲအများအပြားရထားပြီး ဒုတိယရခဲ့တဲ့ ဖိုင်နယ်ပွဲစဉ်က နည်းပါတယ်။ မော်ရင်ဟိုဟာ ၂၀၀၃ ခုနှစ်နောက်ပိုင်း သူကိုင်တွယ်ခဲ့တဲ့ အသင်းတွေအတွက် ဗိုလ်လုပွဲ ၁၄ ကြိမ်ရောက်ရှိအောင် ပို့ဆောင်ပေးထားနိုင်ခဲ့ပြီး ၁၁ ကြိမ် ဖလားရရှိအောင် စွမ်းဆောင် နိုင်ခဲ့ပါတယ်။ ပေါ်တို၊ ချဲလ်ဆီး၊ အင်တာ၊ ရီးရဲလ်မက်ဒရစ်နဲ့ အခု မန်ချက်စတာယူနိုက်တက်အသင်းကို ကိုင်တွယ်ရာမှာ ရှုံးနိမ့်ခဲ့တာဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up