ကျားသစ် လာဆော့ကစားတာကို မကြောက်လန့်ဘဲ ငြိမ်ခံသည့် ခရီးသွား (ရုပ်သံ)

  တောင်အာဖရိကမှာရှိတဲ့ ဘော့စဝါးနားနိုင်ငံမြောက်ပိုင်းရဲ့ ဆာဖာရီထဲမှာ ကျားသစ်တကောင်က ကားပေါ်က ခရီးသွားဧည့်သည်ကို လာဆော့နေတဲ့ ရုပ်သံ ထွက်ပေါ်လာပါတယ်။ အကြောက်အလန့်မရှိတဲ့ ခရီးသွားက ငြိမ်ငြိမ်လေးနေပေးနေပြီး ကျားသစ်က သူ့ကို အနံ့ခံကာ ခြေထောက်ကို လှမ်းကုတ်ခြစ်သွားလို့ သွေးထွက်သွားတာလည်း ရုပ်သံထဲ တွေ့ရပါတယ်။ ဦးဆုံး ဧည့်သည်ရဲ့ဂျစ်ကားနဲ့ ၁၅ ပေအကွာလောက်မှာ ကျားသစ်က ထိုင်ပြီး သူ ဖမ်းမိထားတဲ့ အာဖရိက ဒရယ်တကောင်ကို စားကာ နားနေတာပါ။ အားလပ်ရက်ခရီးထွက်သူ ဧည့်သည်နဲ့ ဧည့်လမ်းညွှန်တို့ သူ့ကို ကြည့်နေတာ မြင်ပြီး ကျားသစ်က ကားနား လျှောက်လာခဲ့တာပါ။ “လမ်းပြက လုံးဝမလှုပ်နဲ့၊ ငြိမ်ငြိမ်လေးနေလို့ ပြောလို့ ကျနော်လည်း မလှုပ်ရှားဘဲ နေလိုက်တယ်” လို့ ဧည့်သည်က ပြောပြီး ကျားသစ်ပေါက်လေးရဲ့ တချိန်လုံး လှုပ်ရှားမှုတွေကို ရုပ်သံရိုက်နေလိုက်တယ်လို့ ဆိုပါတယ်။ “သူ ကျနော့်ကို မကုတ်ပါဘူး။ အရေပြားကို စမ်းကြည့်တာဖြစ်မယ်။ ခြေသည်းနဲ့ပဲ နည်းနည်းခြစ်မိသွားတယ်။ ကျနော့်အနေနဲ့ကတော့ သူ့ကို ကြောင်ကြီးတကောင်လိုပဲ မြင်တယ်။ ကျနော်လုံးဝ ကြောက်မနေတာ အံ့သြစရာပဲ” လို့ ဧည့်သည်က ပြောပါတယ်။ ကျားသစ်က ဧည့်သည်ရဲ့ ဖိနပ်ကို နမ်းကြည့်ပြီး ခြေထောက်ကို သူ့ရှေ့လက်နဲ့ပွတ်ချလို့ သွေးထွက်သွားချိန်မှာ ဧည့်လမ်းညွှန်က ကားစက်သံပေးပြီး ခြောက်လှန့်လွှတ်လိုက်ရတာလို့ မေရာသတင်းမှာ မေလ ၁၆ ရက်နေ့က ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up