ပြည်ကြီးတံခွန်မြို့နယ်တွင် သားအမိ ၂ ဦးအား သတ်ဖြတ်မီးရှို့ခဲ့သည့် တရားခံအား သေဒဏ်ချ
DVB
·
May 8, 2018
မန္တလေးမြို့ ပြည်ကြီးတံခွန်မြို့နယ် ထိန်ကုန်းရပ်ကွက်မှာ သားအမိ ၂ ဦးကို ၂၀၁၇ ခု ဇန်နဝါရီလ ၁၉ ရက်နေ့က ခုတ်ထစ်မီးရှို့တဲ့အမှုနဲ့ပတ်သက်ပြီး တရားခံ ခိုင်ဝေကို မေလ ၈ ရက်နေ့ နေ့လယ် ၂ နာရီကျော်က အပြီးသတ်အမိန့်ချခဲ့ပါတယ်။
မန္တလေးခရိုင်တရားရုံးမှာ ဒုခရိုင်တရားသူကြီး ဒေါ်တင့်တင့်ဌေး ခုံအမှတ် (၇) က ရာဇသတ်ကြီး ပုဒ်မ ၃၀၂(၁) ဂ နဲ့ သေဒဏ်၊ ရာဇသတ်ကြီး ပုဒ်မ ၄၃၆ အရ ထောင်ဒဏ် ၁၀ နှစ်တို့ကို သီးခြားကျခံစေရန်အမိန့်ချခဲ့တာပါ။
တရားခံခိုင်ဝေ အနေနဲ့ အယူခံဝင်နိုင်ပြီး အယူခံပြင်ဆင်ချိန် ၇ ရက်ပေးခဲ့ပါတယ်။ တရားလိုပြသက်သေ ၁၄ ဦးကို စစ်ဆေးခဲ့ပြီး တရားခံဘက်က တရားခံနဲ့ တရားခံပြ သက်သေ တဦးကို စစ်ဆေးခဲ့ပါတယ်။
ရုံးချိန်းပေါင်း ၅၅ ချိန်းရှိခဲ့ပြီး ၁ နှစ်နဲ့ ၃ လ အကြာ စစ်ဆေးတာတွေ ပြုလုပ်ခဲ့တာပါ။
ပြစ်ဒဏ်ချမှတ်တာနဲ့ ပတ်သက်ပြီး တရားလိုဖြစ်တဲ့ ကိုတင်ထွန်းဝင်းက “သေဆုံးသူတွေကို ပြန်လည်ရရှိနိုင်ခြင်းမရှိပေမယ့် တရားခံ ကျူးလွန်တာနဲ့ ကိုက်ညီမှုရှိတဲ့ ပြစ်ဒဏ်ကို ချမှတ်တာကြောင့် ကျေနပ်မှုရှိတယ်”လို့ ပြောပါတယ်။