ဓာတ်အားလိုင်းကြိုးအသစ်များ လဲလှယ်ရန် ရန်ကုန် ၂၂ မြို့နယ် မီးပြတ်မည်
DVB
·
May 7, 2018
ဓာတ်အားလိုင်းကြိုးအသစ်တွေ လဲလှယ်ဖို့ရှိတဲ့အတွက် ရန်ကုန်တိုင်းအတွင်းရှိ မြို့နယ် ၂၂ မြို့နယ်မှာ ဓာတ်အားပြတ်တောက်မယ်လို့ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက ကြေညာထားပါတယ်။
မေလ ၈ ရက်နဲ့ ၁၀ ရက်တို့မှာ အချိန်ပိုင်း ဓာတ်အားပြတ်တောက်မှာဖြစ်ပြီး ရန်ကုန်တိုင်းဒေသကြီး အင်းစိန်၊ မင်္ဂလာဒုံ၊ လှိုင်သာယာ၊ ရွှေပြည်သာ၊ လှည်းကူး၊ မှော်ဘီ၊ တိုက်ကြီး၊ ထောက်ကြန့်၊ ဥက္ကံ၊ ဒါးပိန်၊ ဖောင်ကြီး၊ အင်းတိုင်၊ မြောင်းတကာ၊ ရွှေလင်ပန်း၊ ထန်းတပင်၊ မြောက်ဥက္ကလာ၊ ရွှေပေါက္ကံ၊ တွံတေး၊ ဒလ၊ ကော့မှူး၊ ကွမ်းခြံကုန်း၊ သန်လျင် စတဲ့ မြို့နယ်တွေမှာ မီးပြတ်မှာ ဖြစ်ပါတယ်။
ရန်ကုန်တိုင်းအတွင်းရှိ ခရိုင်နဲ့ မြို့နယ်တွေမှာ ၆၆)ကေဗွီ ၊ (၃၃)ကေဗွီ ဓာတ်အားခွဲရုံတွေ၊ Distribution Transformer တွေ ထိန်းသိမ်းပြုပြင်လုပ်ငန်းတွေ လုပ်ဆောင်မယ်၊ မိုးဦးကာလ လျှပ်စစ်အန္တရာယ် ကင်းရှင်းရေးအတွက် ဓာတ်အားလိုင်းနဲ့ မလွတ်ကင်းတဲ့ သစ်ပင်၊ သစ်ကိုင်း ခုတ်ထွင်ရှင်းလင်းတာနဲ့ ရေရှည်ဓာတ်အား တည်ငြိမ်ပြည့်ဝစွာပေးနိုင်ရေးအတွက် ဟောင်းနွမ်းပြီး ဝန်အားမနိုင်တော့တဲ့ ၁၁ ကေဗွီဓာတ်အားလိုင်းကြိုးတွေကို လျှပ်ကာပါတဲ့ ဓာတ်အားလိုင်းကြိုး အသစ်တွေနဲ့ လဲလှယ်တာတွေ လုပ်ဆောင်မယ်လို့ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းရဲ့ ကြေညာချက်မှာ ဖော်ပြပါတယ်။
မေလ ၈ ရက်နဲ့ ၁၀ ရက်တို့မှာ မနက် ၉ နာရီကနေ ၁၂ နာရီအထိ လုပ်ဆောင်သွားမှာဖြစ်ပြီး လုပ်ငန်းဆောင်ရွက်နေစဉ် အချိန်အတွင်း အချိန်ပိုင်း မီးပြတ်မယ်လို့ ဖော်ပြထားပါတယ်။
