မာလ်တီမီဒီယာ အကယ်ဒမီ သတင်းပညာ သင်တန်းဆင်းလက်မှတ် ချီးမြှင့် (ဓာတ်ပုံ)

ထိုင်းနိုင်ငံ၊ ချင်းမိုင်တက္ကသိုလ်နဲ့ ဒီဗွီဘီ မာတီမီယာဂရု(ပ်)တို့ ပူးပေါင်း ဖွင့်လှစ်သင်ကြားပေးတဲ့ မာလ်တီမီဒီယာ အကယ်ဒမီ သတင်းပညာ သင်တန်းဆင်း လက်မှတ်ချီးမြှင့်ပွဲကို မေလ ၄ ရက်က ရန်ကုန်မြို့ရှိ နယူးဧရာဟိုတယ်မှာ ကျင်းပပါတယ်။ ပထမဆုံးအကြိမ်အဖြစ် ဖွင့်လှစ်တဲ့ ဒီသင်တန်းမှာ မြန်မာနိုင်ငံ ဒေသအသီးသီးက သင်တန်းသား၊ သင်တန်းသူတွေ တက်ရောက်ပြီး သတင်းပညာနဲ့ ပတ်သက်တဲ့ အတတ်ပညာတွေကို ၃ လကြာ လေ့လာသင်ကြားခဲ့ရတာပါ။ ဒီသင်တန်းမှာ သတင်းစာပညာ မိတ်ဆက်၊ စာနယ်ဇင်းသမိုင်းကြောင်း၊ လူထုဆက်သွယ်ရေးဆိုင်ရာ သီအိုရီ၊ အခြေခံရုပ်သံမီဒီယာ၊ ရုပ်သံမီဒီယာကျင့်ဝတ်နဲ့ သက်ဆိုင်တဲ့ ပညာရပ်တွေကို အဓိက သင်ကြားပေးခဲ့တာပါ။   သင်တန်းပြီးမြောက်အောင်မြင်ပါက အသက်မွေးဝမ်းကျောင်းအဖြစ် သတင်းမီဒီယာလုပ်ငန်းတွေမှာ ဝင်ရောက်လုပ်ကိုင်နိုင်မှာဖြစ်ပြီး  သင်တန်းကြေးအဖြစ် အမေရိကန်ဒေါ်လာ ၂၀၀၀ သတ်မှတ်ထားတာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up