ဒုရဲမှူးမိုးရန်နိုင်ကို မယုံကြည်ထိုက်သော သက်သေအဖြစ် ကြေညာပေးရန် လျှောက်ထား
DVB
·
April 25, 2018
နိုင်ငံတော်အစိုးရ လျှို့ဝှက်ချက်အက်ဥပဒေနဲ့ တရားစွဲဆိုခံထားရတဲ့ ရိုက်တာ သတင်းထောက်နှစ်ဦးအမှုမှာ တရားလိုပြသက်သေတဦးဖြစ်တဲ့ ဒုရဲမှူးမိုးရန်နိုင်ကို မယုံကြည်ထိုက်သော သက်သေအဖြစ် ကြေညာပေးဖို့ အစိုးရရှေ့နေက လျှောက်ထား လိုက်ပါတယ်။
ဒုရဲမှူးမိုးရန်နိုင်ကို မယုံကြည်ထိုက်တဲ့သက်သေအဖြစ် ကြေညာပေးဖို့ ဒီကနေ့ ဧပြီလ ၂၅ရက်နေ့ ရန်ကုန်မြောက်ပိုင်းခရိုင်တရားရုံးမှာ ရိုက်တာသတင်းထောက်တွေကို ၁၅ ကြိမ်မြောက်ရုံးထုတ်ရာမှာ အစိုးရရှေ့နေက လျှောက်ထားခဲ့တာပါ။
ဒီလျှောက်ထားချက်ကို နှစ်ဖက်ရှေ့နေတွေက တရားရုံးထဲမှာ အပြန်အလှန် လျှောက်ထားခဲ့ကြပါတယ်။
သက်သေထွက်ဆိုတဲ့နေ့မှာ ဒုရဲမှူး မိုးရန်နိုင်ဟာ လေးလကျော်၊ ရက်ပေါင်းအနေနဲ့ ၁၂၉ ရက် အချုပ်ထဲမှာ ချုပ်နှောင်ခံခဲ့ရတာကြောင့် ရဲတပ်ဖွဲ့အပေါ် စိတ်ငြိုငြင်နေခြင်း၊ ရဲမှူးချုပ်တင်ကိုကိုအပေါ် အာဃာတရှိနေခြင်းကြောင့် ရိုက်တာသတင်းထောက်တွေကို ထောင်ဖမ်းခဲ့တာ ဖြစ်တယ်လို့ ထွက်ဆိုခဲ့တာဖြစ်ကြောင်း အစိုးရရှေ့နေဘက်က တရားသူကြီးကို လျှောက်ထားခဲ့ပါတယ်။
ဒီကနေ့ လျှောက်ထားချက်နဲ့ပတ်သက်လို့ မေလ ၂ ရက်နေ့မှာ ဆုံးဖြတ်သွားမှာ ဖြစ်တယ်လို့ ရှေ့နေတွေက ပြောပါတယ်။
ဒီအမှုမှာ တရားလိုပြ သက်သေအနေနဲ့ ၂၅ ယောက် ရှိပြီး အဒီအထဲက ဒုရဲမှူး မိုးရန်နိုင်ကို ပြီးခဲ့တဲ့အပတ်က တရားလိုပြသက်သေအဖြစ် စစ်ဆေးခဲ့ရာမှာ ဒုရဲမှူးမိုးရန်နိုင်က ရိုက်တာ သတင်းထောက်တွေဟာ ထောင်ချောက်ဆင် ဖမ်းခံရတာ ဖြစ်တယ်လို့ ထွက်ဆိုခဲ့ပါတယ်။