မအူပင်မြို့တွင် ၉ တန်းကျောင်းသား ၃ ဦး ရေဆင်းကူးရာမှ ရေနစ်ပြီး ၂ ဦးသေဆုံး
DVB
·
April 24, 2018
ဧရာဝတီတိုင်းဒေသကြီး မအူပင်မြို့ အမှတ် (၁) ရပ်ကွက် ရွှေမာလာကူးတို့ဆိပ်အနီးမှာ ဧပြီ ၂၃ ရက်နေ့ ညနေ ၅ နာရီလောက်က ၉ တန်းကျောင်းသား သုံးဦးရေဆင်းကူးတာမှာ ရေနစ်ပြီး နှစ်ဦးသေဆုံးခဲ့တယ်လို့ သိရပါတယ်။
မအူပင်မြို့ အမှတ် ၄ ရပ်ကွက်နဲ့ အမှတ် ၇ ရပ်ကွက်တွေမှာ နေထိုင်တဲ့ အသက် ၁၃ နှစ်အရွယ် မောင်ကောင်းကင်ကျော် မောင်ဟိန်းစိုး မောင်အောင်မြင့်မြတ်တို့ သူငယ်ချင်း ၃ ဦး ရေဆင်းကူးတာမှာ ဟိန်းစိုးနဲ့ အောင်မြင့်မြတ်တို့ ရေနစ်သေဆုံးခဲ့တာဖြစ်တယ်လို့ ဧရာဝတီတိုင်း ဒေသကြီးရဲတပ်ဖွဲ့မှူးရုံးကနေ သိပါတယ်။
ဧရာဝတီတိုင်းဒေသကြီး ရဲတပ်ဖွဲ့မှူးရုံးမှ ဒုရဲမှူးကြီးခင်မောင်လတ်က “သုံးယောက်စလုံး ရေဆင်းကူးတာ။ ကျန်တဲ့ နှစ်ယောက်က ကူးနေရင်း ပေါ်မလာတော့လို့ ကောင်းကင်ကျော်က အပေါ်ပြန်တက်ပြီး အော်ပြီး အကူအညီတောင်းတော့မှ ရေနစ်တာသိရတာ။ အောင်မြင့်မြတ်ရဲ့ အလောင်းတော့ ပြန်တွေ့ပါပြီ။ ဟိန်းစိုးကိုတော့ ရှာဖွေနေတုန်းပါပဲ”လို့ ပြောပါတယ်။
ရေနစ်သေဆုံးခဲ့တဲ့ ရွှေမာလာကူးတို့ဆိပ်ဟာ ကားလမ်းမပေါက်ခင်က ကူးတို့ဆိပ်အဖြစ် အသုံးပြုခဲ့တဲ့ ကူးတို့ဆိပ်ဟောင်းကြီးတခုဖြစ်ပြီး မကြာခဏ လာရောက်ရေကူးတဲ့ ကလေးတွေ ရေနစ်လေ့ရှိတဲ့နေရာ ဖြစ်ပြီး မကြာသေးခင်ကပဲ မောင်နှစ်မသုံးယောက် ရေဆင်းချိုးတာမှာ တယောက် သေဆုံးခဲ့ဖူးပါတယ်။
ရေနစ်သေဆုံးတဲ့ ဖြစ်စဉ်ကိုတော့ မအူပင်မြို့မရဲစခန်းကနေ သေမှုသေခင်း အမှတ်စဉ် ၇/၂၀၁၈ နဲ့ အရေးယူဆောင်ရွက်နေတယ်လို့ ဧရာဝတီတိုင်းဒေသကြီး ရဲတပ်ဖွဲ့မှူးရုံးကနေ သိရပါတယ်။
သတင်း - မြမင်းဦး(ပုသိမ်)
