၆ တန်းကျောင်းသူကို မလှုပ်ရှားနိုင်အောင် ကျင်စက်အသုံးပြုပြီး အဓမ္မပြုကျင့်ခဲ့မှု သံသယနဲ့ ထိုင်းနိုင်ငံ စုန်ခလမြို့က အဆောင်ပိုင်ရှင်ကို ဧပြီ ၂၀ ရက်နေ့က ဖမ်းဆီးလိုက်တယ်လို့ ဘန်ကောက်ပို့စ်သတင်းမှာ ဖော်ပြထားပါတယ်။
ဖမ်းခံရသူက အသက် ၄၆ နှစ်အရွယ် လန်းမာ့ခ်အိမ်ယာပိုင်ရှင် ကရစ်စာဒါယန်ဝိဆက်ပက်ဒီဖြစ်ပါတယ်။
လက်တလောနိုင်ငံတဝှမ်း အဆောင်တွေမှာဖြစ်ခဲ့တဲ့ အမှုတွေပြီးနောက် နိုင်ငံတော် ဆုန်ခလခရိုင်ဒုရဲချုပ်က ဒီအမှုကို စစ်ဆေးခိုင်းခဲ့တာပါ။
ခံရသူမိန်းကလေးရဲ့ မိဘတွေက ဧပြီလ ၁၁ ရက်နေ့မှာ အဆောင်ပိုင်ရှင်က သူတို့ သမီးကို အဆောင်မှာ အဓမ္မပြုကျင့်တယ်လို့ စွပ်စွဲပြီး အမှုဖွင့်ခဲ့တာကြောင့် ဖမ်းဆီးခဲ့ပြီး အဓမ္မပြုကျင့်မှု၊ မိန်းကလေးကို ရုပ်ပိုင်းဆိုင်ရာ စော်ကားညှဉ်းပန်းမှုနဲ့ တရားစွဲဆိုထားပါတယ်။
အဆောင်ရဲ့လိုင်စင်နဲ့ အခွန်ငွေဆောင်ထားတဲ့ မှတ်တမ်းတွေကိုလည်း ရဲတွေက စစ်ဆေးခဲ့တယ်လို့ ဆုန်ခလခရိုင်ဒုရဲချုပ်က ပြောလိုက်ပါတယ်။
အဓမ္မပြုကျင့်ခံရသူ ဆယ်ကျော်သက် မိန်းကလေးက ခရိုင်ရှိကျောင်းတကျောင်းမှာ ပညာသင်ကြားနေချိန် မိဘတွေဟာ နယ်ကဖြစ်လို့ အဆောင်မှာ အခြားသူငယ်ချင်းတဦးနဲ့ ယာယီနေထိုင်ခဲ့တာလို့ ရဲကပြောပါတယ်။
သူငယ်ချင်းအပြင်ထွက်သွားချိန် သူမတဦးတည်းကျန်ခဲ့ပြီး ရေချိုးခန်းထဲက ဘုံဘိုင်ခေါင်းပြတ်လို့ အဆောင်ပိုင်ရှင်ကို ပြင်ပေးဖို့ ပြောခဲ့တယ်လို့ ရဲကို ပြောပါတယ်။
အဓမ္မပြုကျင့်သူ အဆောင်ပိုင်ရှင်က သူမကို ရေပိုက်ကိုင်ခိုင်းပြီး ကျင်စက်နဲ့ ၂ ကြိမ်တို့ကာ အဲဒီနောက် အဓမ္မပြုကျင့်ခဲ့တယ်လို့လည်း သူမက ပြောပါတယ်။
အဓမ္မပြုကျင့်ခံရသူမိန်းကလေးရဲ့ မိဘတွေက လွန်ခဲ့တဲ့တပတ်က ဖွင့်ထားတဲ့အမှုကို အရေးယူပေးဖို့ ရဲတွေကို ဖိအားပေးရန် သူတို့သမီးရဲ့ ခန္ဓာကိုယ်ပေါ်က ကုတ်ခြစ်ရာတွေနဲ့ ဒဏ်ရာတွေရိုက်ထားတဲ့ ဓာတ်ပုံတွေကို လူမှုကွန်ရက်ပေါ် တင်ခဲ့တယ်လို့လည်း သိရပါတယ်။
