ပြည်နယ်တိုင်း ကျန်းမာရေးစကားဝိုင်းများပြုလုပ်ရန် ညွှန်ကြား
DVB
·
April 11, 2018
တိုင်းဒေသကြီး/ပြည်နယ်အလိုက် ပြည်သူတွေနဲ့ ကျန်းမာရေးစကားဝိုင်းတွေ ပြုလုပ်ဖို့ ကျန်းမာရေးနဲ့ အားကစားဝန်ကြီးဌာနက ညွှန်ကြားချက်ထုတ်ပြန်လိုက်ပါတယ်။
ဧပြီ ၁၀ ရက်နေ့ ရက်စွဲနဲ့ ကျန်းမာရေးနဲ့ အားကစားဝန်ကြီးဌာန၀န်ကြီး ဒေါက်တာမြင့်ထွေး က လက်မှတ်ထိုးထုတ်ပြန်လိုက်တာ ဖြစ်ပါတယ်။
ကျန်းမာရေးစောင့်ရှောက်မှု လုပ်ငန်းတွေနဲ့ပတ်သက်ပြီး ပြည်သူတွေရဲ့ လိုအပ်ချက်တွေ လိုလားချက်တွေ အကြံပြုချက်တွေ တွေ့ကြုံနေရတဲ့ ကျန်းမာရေးပြဿနာတွေ သဘောထား ထင်မြင်ချက်တွေကို သိရှိဖို့ ပြည်သူနဲ့ ကျန်းမာရေးဌာနတို့ ကျန်းမာရေးစကားဝိုင်း လုပ်ကြရမယ်လို့ ၀န်ကြီးက ပြည်နယ်တိုင်းကျန်းမာရေးဦးစီးဌာနမှူးတွေကို ညွှန်ကြားတာ ဖြစ်ပါတယ်။
ကျန်းမာရေးစကားဝိုင်းတွေမှာ ပြည်နယ်တိုင်းလူမှုရေးဝန်ကြီးတွေကို ဦးဆောင်စေပြီး ပြည်နယ်တိုင်းကျန်းမာရေးဦးစီးဌာနမှူးတွေ တိုင်းနဲ့ပြည်နယ် လွှတ်တော်ကိုယ်စားလှယ်တွေ မြို့နဲ့ ကျေးလက်က ပြည်သူတွေ ကျန်းမာရေးကဏ္ဍနဲ့ နှီးနွယ်ဆက်စပ်နေတဲ့ လူမှုရေးအဖွဲ့အစည်းတွေ တိုင်းရင်းသားကျန်းမာရေးကိုယ်စားလှယ်တွေ ပါဝင်စေချင်တယ်လို့လည်း ၀န်ကြီးရဲ့ ညွှန်ကြားချက်မှာ ဖော်ပြပါတယ်။
ကျန်းမာရေးစကားဝိုင်းတွေပြုလုပ်ဖို့အတွက် ပြည်နယ်တိုင်းအစိုးရတွေနဲ့ ညှိနှိုင်းပြီး စကားဝိုင်းလုပ်ဖို့ ကုန်ကျစရိတ်ကို ကျန်းမာရေးဝန်ကြီးဌာနက ပံ့ပိုးပေးမှာဖြစ်သလို ဗဟိုအစိုးရ တာဝန်ရှိသူတွေကလည်း ပူးပေါင်းပံ့ပိုးပေးမှာ ဖြစ်ပါတယ်။