ပဲခူးတိုင်းနှင့် ကရင်ပြည်နယ်တွင် မိုးကြိုးထိမှန်၍ လူ ၃ ဦး ဒဏ်ရာရ၊ ၃ ဦး သေဆုံး
DVB
·
April 4, 2018
ပဲခူးတိုင်းနဲ့ ကရင်ပြည်နယ်မှာ မိုးကြိုးထိမှန်လို့ လူ ၃ ယောက် ဒဏ်ရာရပြီး ၃ ယောက် သေဆုံးခဲ့တယ်လို့ ပြည်ထဲရေးက ထုတ်ပြန်ပါတယ်။
ဧပြီလ ၃ ရက်နေ့ ညနေ ၆ နာရီလောက်မှာ ပဲခူးတိုင်း၊ ဖြူးမြို့နယ်၊ ရွာမရပ်ကွက်နားက အုတ်ဖိုမှာ အုတ်လုပ်နေတဲ့ ဦးအောင်ဌေးကို မိုးကြိုးပစ်ခံရပြီး နားနှစ်ဖက်က သွေးထွက်၊ ရင်ဘတ်မှာ အရေခွံစုတ်ပြဲဒဏ်ရာတွေရပြီး နေရာမှာပဲ သေဆုံးခဲ့ပါတယ်။
ညနေ ၆ နာရီခွဲအချိန်မှာ ဖြူးမြို့နယ်၊ ဂုံမင်းကွင်းကျေးရွာနားမှာ မခိုင်ဇာလင်းဟာ ညောင်ပင်သာ ကျေးရွာကနေ ဂုံမင်းကွင်းရွာကို ဆိုင်ကယ်နဲ့ တယောက်တည်း ပြန်လာနေတုန်းမှာ မိုးကြိုးပစ်ခံရပြီး ကျောကုန်းအရေပြားလန်ဒဏ်ရာတွေနဲ့ နေရာမှာပဲ သေဆုံးခဲ့ပါတယ်။
အဲဒီနေ့ ညနေပိုင်းမှာပဲ ပဲခူးမြို့နယ်၊ အင်းတကော်မြို့၊ ကျောက်တန်းစံပြရွာက ဦးမြင့်စိုးနဲ့ အတူ တခြား ၂ ယောက်တို့ အိမ်မှာ ရှိနေတုန်း မိုးချုန်းလို့ ဆိုလာပြားက တဆင့်လျှပ်စီးဝင်ပြီး ဘက္ထရီအိုး ၂ လုံးရဲ့ အဖုံးတွေ ပွင့်ထွက်ခဲ့ပါတယ်။ ဦးမြင့်စိုးတို့ ၃ ယောက်မှာ မိုးကြိုးလျှပ်စီး ထိမှန်ဒဏ်ရာတွေ ရခဲ့တာကြောင့် ပဲခူးဆေးရုံမှာ ကုသနေရပါတယ်။
ဧပြီလ ၂ ရက်နေ့ကလည်း ကော့ကရိတ်မြို့နယ်၊ ကျုံဒိုးမြို့၊ ငါးတိုင်ရွာနားမှာ ဦးတင်တင်အောင်ဟာ ကိုင်းတောကို မီးရှို့ ရှင်းလင်းနေတုန်း မိုးကြိုးပစ်ခံရလို့ ဦးခေါင်းချိုစောင်းနဲ့ ကျောပြင်မှာ မီးလောင်ဒဏ်ရာ၊ ညာဘက်နားမှာ သွေးထွက်ပြီး လည်ပင်းညာဘက်နဲ့ လည်ဂုတ်ညိုမဲဒဏ်ရာတွေ ရရှိ သေဆုံးခဲ့တယ်လို့ ဆိုပါတယ်။