လှည်းကူးတွင် အုတ်တင်ကား ချောင်းထဲထိုးကျ လူ ၃ ဦးသေဆုံး၊ ၁ ဦး ဒဏ်ရာရ
DVB
·
April 3, 2018
ရန်ကုန်တိုင်း လှည်းကူးမြို့နယ်မှာ အုတ်တင်ကားတစီး ချောင်းထဲထိုးကျတိမ်းမှောက်ပြီး လူ ၃ ဦးသေဆုံးကာ ၁ ဦး ဒဏ်ရာရတယ်လို့ ပြည်ထဲရေးသတင်းမှာ ဖော်ပြပါတယ်။
ဧပြီ ၂ ရက်ညနေပိုင်းမှာ မောင်နိုင်(ခ)ကိုကို(စိစစ်ဆဲ)ဆိုသူ မောင်းနှင်လာတဲ့ ဟီးနိုးထရပ် အုတ်တင်ယာဉ်ဟာ ရန်ကုန်-ပဲခူးလမ်းဆုံအနီးအရောက် ယာဘက် ချောင်းထဲကို ထိုးကျတိမ်းမှောက်ခဲ့တာလို့ သတင်းမှာ ဖော်ပြပါတယ်။
ယာဉ်ပေါ်ပါ မအိအိခိုင် (၂၂)နှစ်အပါအ၀င် ကျား ၂ ဦးမ၁ဦး စုစုပေါငး ၃ ဦးတို့ ရေနစ်သေဆုံးသွားခဲ့ပြီး ကျော်သက် (၂၂)နှစ်ကတော့ ဦးခေါင်းထိပ်ပေါက်ပြဲဒဏ်ရာ ရရှိခဲ့လို့ လှည်းကူးဆေးရုံကို ပို့ဆောင်ခဲ့ရပါတယ်။
ကားမောင်းတဲ့ မောင်နိုင်(ခ)ကိုကိုနိုင်ကတော့ ထွက်ပြေးနေပြီး သူ့ကို လှည်းကူးမြို့မ ရဲစခန်းမှ ရာဇသတ်ကြီးပုဒ်မ ၃၀၄-က/၃၃၇/၂၇၉/၂၀၂ (ပေါ့လျော့မှုကြောင့် လူသေမှု/သာမန်နာကျင်စေမှု/ ယာဉ်မဆင်မခြင် မောင်းနှင်မှု/ သတင်းပေးရန်ပျက်ကွက်မှု)တို့နဲ့ အမှုဖွင့်ထားပါတယ်။