ကယန်းဒေသတွင်း ဆရာလိုအပ်ချက်ဖြည့်နိုင်ရန် လူငယ်များမှ စေတနာ့ဝန်ထမ်းဆောင်ရွက်နေ
DVB
·
March 31, 2018
ကယန်းဒေသတွင်း စာသင်ကျောင်းတွေမှာ အစိုးရ ဆရာ၊ ဆရာမတွေ အလုံအလောက်မရှိတာကို နှစ်စဉ် ကြုံနေရတာကြောင့် ဒီလိုအပ်ချက်ကို ဖြည့်ဆည်းနိုင်ဖို့ ကယန်းမျိုးဆက်သစ်လူငယ် (ကေအန်ဂျီဝိုင်) အဖွဲ့က စေတနာ့ဝန်ထမ်း ဆရာဖြစ် သင်တန်းတခု ပြုလုပ်နေပါတယ်။
၂ လ ကြာမြင့်မယ့် ဒီသင်တန်းကို ကယန်းမျိုးဆက်သစ်လူငယ်အဖွဲ့ရဲ့ လေ့လာရေးစင်တာမှာ ပြုလုပ်နေတာဖြစ်ပြီး လူငယ် အယောက် ၆၀ ကို လေ့ကျင့်သင်ကြားပေးနေတာပါ။ သင်တန်းမှာ ဆရာတဦး သိထားရမယ့် တာဝန်ဝတ္တရားတွေ၊ ကျောင်းသင်ထောက်ကူ ပစ္စည်းဖန်တီးတာတွေ၊ သင်ကြားရေးနည်းလမ်း၊ ကယန်းစာပေနဲ့ အခြေခံ အင်္ဂလိပ်စာ စတဲ့ ဘာသာရပ်တွေကို သင်ကြားပေးနေပါတယ်။
စေတနာ့ထမ်းဖြစ်ဖို့ စိတ်ဝင်စားတဲ့ ကချင်ပြည်နယ်က လူငယ် ၅ ယောက်လည်း ပါဝင်တက်ရောက်နေပါတယ်။
ကယန်းဒေသဟာ လမ်းပန်းဆက်သွယ်ရေး ခက်ခဲတာနဲ့ ကရင်ပြည်နယ်၊ ကယားပြည်နယ်၊ ရှမ်းပြည်နယ်နဲ့ နေပြည်တော် ကောင်စီနယ်မြေတွေရဲ့ အစွန်အဖျားတွေမှာ ရှိနေတာကြောင့် ပညာရေးအတွက် ပိုပြီး အခက်ခဲဖြစ်နေရတာပါ။
ကယန်းဒေသမှာရှိတဲ့ ကလေးတွေရဲ့ ပညာသင်ယူနိုင်ခွင့် အခွင့်အရေးတွေ မဆုံးရှုံးစေဖို့ ရည်ရွယ် လုပ်ဆောင်နေတဲ့ ဒီအစီအစဉ်ကို ၂၀၁၂ ခုနှစ် ကတည်းက စတင်အကောင်အထည်ဖော်ခဲ့တာပါ။ ကယန်းမျိုးဆက်သစ်လူငယ်အဖွဲ့ဟာ ၂၀၁၂- ၁၃ ပညာသင်နှစ်ကစပြီး စေတနာ့ဝန်ထမ်း အယောက် ၁၀၀ ကို နှစ်စဉ် မွေးထုတ်ပြီး ကယန်းဒေသတွင်းက စာသင်ကျောင်းတွေကို စေလွှတ်နေပါတယ်။
လာမယ့် ၂၀၁၈- ၁၉ ပညာသင်နှစ်မှာတော့ အရင်နှစ်က တာဝန်ထမ်းဆောင်ခဲ့ပြီးတဲ့ စေတနာ့ဝန်ထမ်း အယောက် ၁၀၀ ထဲကနဲ့ အခု သင်တန်းတက်နေတဲ့ လူငယ် ၆၀ ထဲကနေ အယောက် ၁၀၀ ကို စိစစ်ရွေးချယ်ပြီး ဆရာ၊ ဆရာမ လိုအပ်နေတဲ့ ကျောင်းတွေကို စေလွှတ်သွားမှာ ဖြစ်ပါတယ်။
သတင်း-ခွန်တူးတူးလေး