နိုင်ငံရေးသမားများနှင့် တပ်မတော်အကြားနားလည်မှုရှိရန် ဒေါ်အောင်ဆန်းစုကြည်တိုက်တွန်း
DVB
·
March 28, 2018
နိုင်ငံရေးသမားတွေနဲ့ တပ်မတော်အကြားမှာ နားလည်မှုအများကြီးရှိဖို့လိုတယ်လို့ ဒေါ်အောင်ဆန်းစုကြည်က ပြောကြားလိုက်ပါတယ်။
မတ်လ ၂၇ ရက်က အမျိုးသားဒီမိုကရေစီအဖွဲ့ချုပ်ရဲ့ ဖက်ဆစ်တော်လှန်ရေးနေ့ ကြေညာချက်မှာ ဒေါ်အောင်ဆန်းစုကြည်ရဲ့ ပြောဆိုချက်ကို ဖော်ပြခဲ့တာဖြစ်ပါတယ်။
“ခုချိန်မှာ ဒီမိုကရေစီအရေးအတွက် ပြည်သူလူထုနဲ့တပ်မတော် လက်တွဲဖို့ လိုပါတယ်။ နိုင်ငံတနိုင်ငံမှာ နိုင်ငံရေးသမားများ ရှိမှသာလျင် နိုင်ငံရေးဘက်က ပီပီပြင်ပြင် လုပ်နိုင်မှာပါ။ ဒါကြောင့်မို့လို့ နိုင်ငံရဲ့ အစိုးရကို ပီပီပြင်ပြင်ဖြစ်အောင်လုပ်နိုင်မယ့် နိုင်ငံရေးသမားများနဲ့ နိုင်ငံရဲ့ လုံခြုံရေးကို တာဝန်ယူရတဲ့ တပ်မတော်ကြားထဲမှာ နားလည်မှုအများကြီးရှိဖို့ လိုပါတယ်။ ဒီလို နားလည်မှုရှိဖို့ ကျမတို့ အစဉ်တစိုက် ကြိုးပမ်းနေပါတယ်”
အပြောင်းအလဲ တခုဖြစ်အောင်လုပ်တာကို တော်လှန်ရေးလို့ခေါ်ပြီး ပြောင်းလဲသင့်တဲ့ ကိစ္စကို ပြောင်းလဲဖို့ဆိုတာ လူတိုင်းရဲ့ သမိုင်းပေးတာဝန်ဖြစ်တယ်လို့လည်း ဒေါ်အောင်ဆန်းစုကြည်က ပြောပါတယ်။
(၇၃)နှစ်မြောက် ဖက်ဆစ်တော်လှန်ရေးနေ့အခမ်းအနားကို ရန်ကုန် ရွှေဂုံတိုင်ရှိ အမျိုးသား ဒီမိုကရေစီအဖွဲ့ချုပ် ဗဟိုဌာနချုပ်ရုံးမှာ ပြုလုပ်ခဲ့ပြီး အခမ်းအနားမှာ သဘာပတိ ဗဟိုအလုပ်အမှုဆောင်အဖွဲ့ဝင် ဦးဟံသာမြင့်က အဖွင့်မိန်းခွန်းပြောပါတယ်။
ဒေါ်အောင်ဆန်းစုကြည်ရဲ့ ပြောကြားချက်တွေပါဝင်တဲ့ ဖက်ဆစ်တော်လှန်ရေးနေ့ ကြေညာစာတမ်းကိုတော့ ဗဟိုအလုပ်အမှုဆောင်အဖွဲ့ဝင် ဒေါက်တာမျိုးညွန့်က ဖတ်ကြားခဲ့တာ ဖြစ်ပါတယ်။
အခမ်းအနားကို အဖွဲ့ချုပ်နာယက ဦးတင်ဦး၊ ဗဟိုအလုပ်အမှုဆောင်အဖွဲ့ဝင် ဦးဉာဏ်ဝင်း၊ ရန်ကုန်တိုင်းဝန်ကြီးချုပ် ဦးဖြိုးမင်းသိန်း၊ ဗဟိုကော်မတီဝင်တွေ၊ ရန်ကုန်တိုင်းလွှတ်တော် ဥက္ကဋ္ဌ၊ ဒုတိယဥက္ကဋ္ဌနဲ့ လွှတ်တော်ကိုယ်စားလှယ်တွေ၊ အဖွဲ့ချုပ်အဖွဲ့ဝင်တွေနဲ့ သံတမန်တွေ တက်ရောက်ခဲ့ပါတယ်။