စစ်တွေမြို့ဗုံးပေါက်ကွဲမှုဖြင့် ဖမ်းဆီးစစ်ဆေးခံနေရသူ ၄ ဦးပြန်လွတ်
DVB
·
March 27, 2018
ရခိုင်ပြည်နယ်၊ စစ်တွေမြို့ဗုံးပေါက်ကွဲမှုနဲ့ပတ်သက်လို့ ဖမ်းဆီးစစ်ဆေးခံနေရတဲ့ ရခိုင်အမျိုးသားကောင်စီ (အေအန်စီ)က ကိုနိုင်စိုးအပါအဝင် ၄ ဦးကို မတ်လ ၂၆ရက် ည ၈ နာရီမှာ စစ်တွေမြို့မရဲစခန်းက အာမခံနဲ့ ပြန်လွှတ်ပေးလိုက်ပါတယ်။
စစ်တွေမြို့ရဲစခန်းအထွက်မှာ ကိုနိုင်စိုးက'ကျနော်လွတ်ပါပြီ'လို့ မီဒီယာတွေကို ပြောခဲ့ ပါတယ်။ နောက်ထပ် ၃ ဦးဖြစ်တဲ့ ဦးရွှေထွန်းအောင်၊ ဦးတင်မြင့်ရွှေ၊ ဦးမောင်မြင့်ရွှေတို့ကိုတော့ စစ်တွေ မြို့မရဲစခန်းက ည၈ နာရီ ၃၅ မိနစ်မှာ ထပ်မံလွှတ်ပေးလိုက်ပါတယ်။
ကိုနိုင်စိုးတို့ ၄ ဦးကို အာမခံနဲ့ပြန်လွှတ်ပေးလိုက်ပြီးနောက် လက်ရှိ အခြေအနေအထိတော့ စစ်တွေမြို့မရဲစခန်းမှာ ရဲတပ်ဖွဲ့ဝင်တွေက လုံခြုံရေးယူထားကြပါတယ်။
သတင်း-ဝဏ္ဏခွာညို
