မိခင်ပျောက်ဆုံး ဝံသားပေါက် ၂ ကောင်ကို သစ်တောဦးစီးဌာနထံ ပေးအပ်
DVB
·
March 13, 2018
မိခင်ပျောက်ဆုံးနေတဲ့ ဝံသားပေါက် အမ ၂ ကောင်ကို ဝန်းသိုမြို့နယ်သစ်တောဦးစီးဌာနဆီ ဒီနေ့ လွှဲပြောင်း ပေးအပ်ခဲ့ပါတယ်။
စစ်ကိုင်းတိုင်းဒေသကြီး၊ ကသာခရိုင်၊ ဝန်းသိုမြို့၊ ဒေါင်းမြူးခန်းမမှာ ဒီနေ့ မနက်ပိုင်းက ပေးအပ်ခဲ့တာလို့ ပြန်ကြားရေးသတင်းမှာ ဖော်ပြပါတယ်။
အဆိုပါ မိခင်ပျောက်ဆုံးနေတဲ့ ၄၅ ရက်သားအရွယ် ဝံသားပေါက်နှစ်ကောင်အား ဝန်းသိုမြို့နယ် မိုင်းသုန်ကျေးရွာနေ ဦးအောင်ငြိမ်းက မိုင်းသုန်ကျေးရွာ အရှေ့ဘက် ၄ မိုင်ခန့်အကွာမှာ တွေ့ရှိခဲ့တာပါ။
လွှဲပြောင်းပေးအပ်ပွဲအခမ်းအနားကို မြို့နယ်စီမံခန့်ခွဲမှုကော်မတီဥက္ကဋ္ဌ ဦးနေမျိုးထွန်းနဲ့ ဌာနဆိုင်ရာ တာဝန်ရှိသူတွေ၊ မြို့နယ်သစ်တောဦးစီးမှူး ဦးမြင့်အေးနဲ့ တာဝန်ရှိသူတွေနဲ့ မိုင်းသုန်ကျေးရွာ ပြည်သူတွေ တက်ရောက်ခဲ့ကြတယ်လို့ ဆိုပါတယ်။
သတင်းနှင့်ဓာတ်ပုံ - ကျော်မြိုင် (ပြန်/ဆက်)