ကာဂျစ္စတန်နှင့် ကစားမည့် မြန်မာအသင်း အပြီးသတ်စာရင်း ထုတ်ပြန်

ဓာတ်ပုံ - အမ်အက်ဖ်အက်ဖ်
အာရှဖလားခြေစစ်ပွဲအဖြစ် ကာဂျစ္စတန်အသင်းနဲ့ ယှဉ်ပြိုင်ကစားမယ့် မြန်မာအသင်းရဲ့ အပြီးသတ်စာရင်းကို နည်းပြဂတ်ဆီဇီက ဒီနေ့ထုတ်ပြန်လိုက်ပါတယ်။ တောင်ကိုရီးယားနိုင်ငံ အင်ချွန်းမြို့မှာ အာရှဖလား ၂၀၁၉ ခြေစစ်ပွဲ အဆုံးအဖြတ်ပွဲစဉ်အဖြစ် မတ်လ ၂၂ ရက်နေ့ ယှဉ်ပြိုင်ကစားရမှာ ဖြစ်ပါတယ်။ လူစာရင်းမှာ အီစိုး၊ ကျော်ဇင်ဦး (ရန်ကုန်ယူနိုက်တက်)၊ လွင်မိုးအောင် (အားကာ)၊ ကျော်စွာလင်း (မကွေး) အစရှိတဲ့ လူငယ်သွေးသစ်တွေ ပထမဆုံးအကြိမ် ပါဝင်လာပြီး ထိုင်းပရီးမီးယားလိဂ်မှာ သွားရောက်ကစားနေတဲ့ ကျော်ကိုကို (ချင်းရိုင်) နဲ့ အောင်သူ (Police Tero) တို့လည်း ပါဝင်လာတယ်လို့ ဘောလုံးအဖွဲ့ချုပ်က သတင်းထုတ်ပြန်ပါတယ်။ မြန်မာ့လက်ရွေးစင်အသင်းဟာ မတ်လ ၁၄ ရက်နေ့ အသင်းစတင်စုဖွဲ့ပြီး မတ်လ ၁၅ ရက်နေ့ အင်ချွန်းမြို့ကို ထွက်ခွာမှာ ဖြစ်ပါတယ်။ ထိုင်းလိဂ်မှ ကျော်ကိုကိုနဲ့ အောင်သူတို့လည်း မတ်လ ၁၉ ရက်နေ့မှာ အသင်းနဲ့ လာရောက်ပူးပေါင်းကြမယ်လို့ ဆိုပါတယ်။ မြန်မာအသင်းလူစာရင်းမှာ ဂိုးသမားတွေအဖြစ် သီဟစည်သူ၊ ကျော်ဇင်ထက်၊ ဆန်းဆက်နိုင်၊ နောက်ခံကစားသမားတွေအဖြစ် ကျော်ဇင်လွင်၊ ကျော်စွာလင်း၊ ဇော်မင်းထွန်း၊ ဒေးဗစ်ထန်၊ ထိုက်ထိုက်အောင်၊ ဝင်းမင်းထွဋ်၊ အလယ်တန်း ကစားသမားများအဖြစ် သိန်းသန်းဝင်း၊ လှိုင်းဘိုဘို၊ စည်သူအောင်၊ ရန်နိုင်ဦး၊ တင်ဝင်းအောင်၊ ကျော်ဇင်ဦး၊ ရန်အောင်ကျော်၊ ကြည်လင်း၊ မောင်မောင်လွင်၊ လွင်မိုးအောင်၊ တိုက်စစ်မှူးများအဖြစ် ကျော်ကိုကို၊ အောင်သူ၊ ဇင်မင်းထွန်း၊ အီစိုးတို့ ဖြစ်ပါတယ်။ မတ်လ ၂၂ ရက်နေ့၊ မြန်မာစံတော်ချိန် မွန်းလွဲ ၁၂း၃၀ နာရီ အင်ချွန်စီးတီးကွင်းမှာ ယှဉ်ပြိုင်မယ့် အဲဒီပွဲစဉ်ကို MRTV နဲ့ For Sport ရုပ်သံတွေက ပြသပေးသွားမှာ ဖြစ်ပါတယ်။ မြန်မာအသင်းဟာ ကာဂျစ္စတန်နဲ့ အဝေးကွင်းပွဲ ကစားပြီးပါက ရန်ကုန်မြို့မှာ မကာအို အသင်းနဲ့ အုပ်စုနောက်ဆုံးပွဲစဉ် ယှဉ်ပြိုင်ကစားမှာ ဖြစ်ပါတယ်။ မြန်မာနှင့်မကာအို ပွဲစဉ်ကို မတ် ၂၇ ရက်နေ့၊ ညနေ ၆း၀၀ နာရီ၊ သုဝဏ္ဏကွင်းမှာ ကျင်းပသွားမှာဖြစ်ပြီး ရိုးရိုးတန်း ၁၀၀၀ ကျပ် (တောင်/မြောက် ပွဲကြည့်စင်)၊ အရှေ့ဘက်တန်း - ၂၀၀၀ ကျပ်၊ အထူးတန်း - ၃၀၀၀ ကျပ် သတ်မှတ်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up