ကားဝယ်မပေးသဖြင့် မိဘနှစ်ပါးကို ဓားဖြင့်ခုတ်၊ ဖခင် သေဆုံး
DVB
·
March 13, 2018
ဆီဆိုင်မြို့နယ်၊ သီရိရပ်ကွက်မှာ မတ် ၁၂ ရက်နေ့ည ၈ နာရီအချိန် သားဖြစ်သူက မိဘနှစ်ပါးကို ဓားနဲ့ခုတ်လို့ ဖခင်ဖြစ်သူ အခင်းဖြစ်နေရာမှာ သေဆုံးပြီး ဓားဒဏ်ရာရခဲ့တဲ့ မိခင်ဖြစ်သူကတော့ တောင်ကြီးမြို့ စဝ်စံထွန်းဆေးရုံကို အရေးပေါ်လူနာအဖြစ် ကုသမှု ခံယူနေရပါတယ်။
ဖြစ်စဉ်မှာ သားဖြစ်သူက မိဘနှစ်ပါးကို ကားဝယ်ပေးဖို့ တောင်းဆိုတာ ဝယ်မပေးနိုင်တဲ့အတွက် ဓားနဲ့ ခုတ်သတ်ခဲ့တာလို့ ဆီဆိုင်စခန်းမှူး ဒုရဲမှူး ဇော်မင်းခိုင်က ပြောပါတယ်။
“စိုင်းထွန်းလင်း ဆိုတဲ့သူက အရင်က ကိုယ့်ကိုယ်ကိုယ် ဆွဲကြိုးချဖို့ လုပ်ဖူးသေးတယ်၊ ရန်ကုန်ကို ပို့ထားတာ၊ ပြန်ရောက်တာ ၅ ရက်ပဲ ရှိသေးတယ်၊ ကားဝယ်ပေးဖို့ အမေကို ပူဆာတာ။ အမေက မဖြစ်နိုင်ဘူးလို့ ပြောတော့ အိုးခွက် ပန်းကန်တွေ ရိုက်ခွဲတယ်။ နယ်ထိန်းနဲ့ အုပ်ချုပ်ရေးမှူးတွေက ဝိုင်းထိန်းပေးတော့ ငြိမ်သွားတယ်၊ နယ်ထိန်းတွေ ပြန်သွားပြီးနောက်မှာ အမေကို ဓားမနဲ့ ခုတ်လိုက်ပြီဆိုတော့ ပြန်သွားကြည့်တယ်၊ နယ်ထိန်းနဲ့ရဲတွေက ဝိုင်းဖမ်းဖို့ သွားတဲ့အခါ အဖေဖြစ်သူမှာ ဓားဒဏ်ရာနဲ့ သေဆုံးနေပြီ။”
ဆီဆိုင်ဒေသခံ ဦးစံဝင်းမောင်က “မူးယစ်ဆေးဝါး အခြေခံတာပေါ့။ မိဘမှန်းမသိ၊ လူသူမသိ ဓားနဲ့ခုတ်လိုက်တာ၊ မနှစ်တုန်းကလည်း အိမ်ကို မီးပြန်ရှို့ခဲ့ဖူးသေးတယ်” လို့ပြောပါတယ်။
“ဆီဆိုင်မြို့နယ်ဘက်မှာ လူငယ်တွေ အရင် ၁ နှစ်၊ ၂ နှစ်က မူးယစ်ဆေးဝါး အလွန်အကျွံ သုံးခဲ့တဲ့ အကျိုးဆက်တွေ ဖြစ်တယ်၊ မိဘကိုယ်တိုင်က သားသမီးကို ပစ်ထားတာလည်း ပါတယ်၊ အမှန် အရက် ဘီယာ သောက်စားမူးရူးတာက အစ ရဲတွေကို အကြောင်းကြား ဝိုင်းထိန်းဖို့ လိုတာပေါ့” လို့ စခန်းမှူးက ဆက်ပြောပါတယ်။
စိုင်းထွန်းလင်း (၂၇-နှစ်)ကို ရဲတပ်ဖွဲ့တွေ ဝိုင်းဖမ်းပြီး ဆီဆိုင်မြို့နယ် ရဲစခန်းမှာ ရာဇသတ်ကြီး ပုဒ်မ ၃၀၂ လူသတ်မှု၊ ၃၂၆ အချွန်အထက်တွေနဲ့ အပြင်းအထန် နာကျင်စေမှု ပုဒ်မတွေနဲ့ အမှုဖွင့်ထားတယ်လို့ သိရပါတယ်။
ဆီဆိုင်မြို့နယ်မှာ ပြီးခဲ့တဲ့ ၂၀၁၆ ခုနှစ်က ဘုရားဖြူရွာမှာ မိဘနှစ်ပါးကို သားဖြစ်သူက ပုဆိန်နဲ့ ခုတ်သတ်မှု အလားတူ ဖြစ်ခဲ့ဖူးပါတယ်။
သတင်း - ခွန်ရာဇာ
