ဆရာမလေးအသွင် ဆယ်တန်းဖြေကလေးများကို ဆုတောင်းပေးခဲ့သည့် ဆုအိမ့်စံ(ဓာတ်ပုံ)
DVB
·
March 12, 2018
ချစ်စရာကောင်းတဲ့ သွင်ပြင်နဲ့ သရုပ်ဆောင်တတ်တဲ့ မင်းသမီးချော ဆုအိမ့်စံက ဒီကနေ့ စာမေးပွဲဖြေဆိုကြမယ့် ၁၀ တန်းကျောင်းသားတွေကို ရှုတင်ပေါ်ကနေ ဆုတောင်းပေးခဲ့ပါတယ်။
သူ့ရဲ့ ဖေ့စ်ဘွတ်ခ် အင်တာနက်လူမှုကွန်ရက်စာမျက်နှာပေါ်မှာ “၁၀ တန်းစာမေးပွဲ ဖြေနေတဲ့ ညီမလေးတွေ၊ မောင်လေးတွေအားလုံး ဂုဏ်ထူး ၆ ဘာသာနဲ့ အကောင်းဆုံး ဖြေနိုင်ပါစေလို့ ဆုတောင်းပေးပါတယ် 😇 ဆရာမ ကလေးတွေကို စာသင်ပေးပြီး အပြန်ပေါ့နော်”လို့ ရေးတင်ထားခဲ့တာပါ။
အဖြူ အစိမ်းဝတ် ကျောင်းဆရာမလေးအသွင်နဲ့ ဆုအိမ့်စံရဲ့ ဒီစတေးတပ်စ်နဲ့ ချစ်စရာ ဓာတ်ပုံတွေကို လက်ရှိအချိန်ထိ ကြိုက်နှစ်သက်တဲ့ ပရိသတ် ၃ သောင်း ၆ ထောင်ကျော်ရှိနေခဲ့ပြီး မကြာခင်ကတော့ ဒီပုံလေးတွေထဲက တပုံကို သူ့ရဲ့ ဖေ့စ်ဘွတ်ခ် ကိုယ်ရေးမှတ်တမ်းဓာတ်ပုံအဖြစ် တင်ခဲ့တာကို တွေ့ရပါတယ်။
၂၀၁၈ ခုနှစ် တက္ကသိုလ်ဝင်တန်းစာမေးပွဲကို ပြီးခဲ့တဲ့ မတ်လ ၇ ရက်နေ့ကနေ စတင်ကျင်းပ နေတာဖြစ်ပြီး ဒီကနေ့မှာတော့ ၄ ရက်မြောက်စာမေးပွဲအဖြစ် ဓာတုဗေဒနဲ့ စိတ်ကြိုက်မြန်မာစာ ဘာသာရပ်တွေကို ဖြေဆိုနေကြတာ ဖြစ်ပါတယ်။
ဓာတ်ပုံ - ဆုအိမ့်စံ ဖေ့စ်ဘွတ်ခ်မှ