လူမှုကွန်ရက်တွင် နာမည်ကြီးနေသည့် အသက် ၁၀ နှစ်အရွယ် မိတ်ကပ်ဆရာမ (ရုပ်သံ)

ထိုင်းနိုင်ငံက နက်ထနန်ဆိုတဲ့ ကလေးဟာ အသက် ၅ နှစ်အရွယ်ကတည်းက လူမှုကွန်ရက်ပေါ်မှာ နာမည်ကြီးခဲ့ပါတယ်။ သူမရဲ့မိခင်က သူမ မိတ်ကပ်ပြင်နေတဲ့ ဗွီဒီယိုရုပ်သံကို ယူကျုပေါ်မှာ တင်လိုက်ချိန် လူမှုကွန်ရက်သုံးစွဲသူ တချို့က သူမရဲ့စွမ်းရည်ကို အံ့သြကြပြီး ထုံးစံအတိုင်း တချို့ကတော့ အဆိုးမြင်တဲ့ မှတ်ချက်တွေ ပေးခဲ့ကြတာပါ။ နက်ထနန်က “ကျမ အသက် ၅ နှစ်အရွယ်မှာ ကျမအကြောင်း သူတို့ ပြောတာတွေကို နားမလည်ဘူး။ ကျမ အသက် ၇ နှစ်အရွယ် အဲဒါတွေကို ပြန်ဖတ်ပြီးချိန်မှာ ကျမ ငိုပြီး အိပ်ယာထဲ ဝင်ခဲ့ရတယ်။ မကောင်းတဲ့ မှတ်ချက်တွေကို ဂရုမထားဖို့ ကိုယ့်ဘာသာပဲ ပြန်ပြောရတယ်။ အဲလိုမှ မဟုတ်ရင် ကျမ တိုးတက်မှာမဟုတ်ဘူး” လို့ ပြောပါတယ်။ သူမက တကယ့်အသက်မွေးဝမ်းကျောင်း မိတ်ကပ်ပညာသင်တန်းကို အသက် ၇ နှစ်အရွယ်မှာ တက်ရောက်ခဲ့ပြီး ထိုင်းနိုင်ငံ သူမအိမ်ကနေ ဖေ့စ်ဘွတ်ခ်ပေါ်မှာ သူမရဲ့ မိတ်ကပ်လိမ်းခြယ်နည်း သင်ခန်းစာတွေကို တိုက်ရိုက်လွှင့်ခဲ့ပါတယ်။ နက်ထနန်ရဲ့ မိခင်ဖြစ်သူက “ကျမကိုယ်တိုင် မိတ်ကပ်သိပ်မလိမ်းတော့ အလှပြင်ပစ္စည်းတွေကို သူ လက်လှမ်းမမှီတဲ့ နေရာတွေမှာ ကျမ ဝှက်ထားခဲ့ဖူးတယ်။ သူက ဒီမိတ်ကပ်လိမ်းတာကို တချိန်လုံး သင်နေပြီး ပိုကောင်းလာအောင် ကြိုးစားတယ်။ နောက် ကျမအထင် ဒါက သူ တကယ်ပဲ စိတ်ဝင်စားတဲ့ဟာ ဖြစ်မယ်။ မိတ်ကပ်ဆိုတာ ကလေးတွေအတွက် မဟုတ်ဘူးဆိုတာလည်း သူသိပါတယ်။ ဒါပေမယ့် ဒါကို သူ ကြိုက်ပြီး ဒါကိုပဲ ဆက်လုပ်ချင်နေတယ်။ မိသားစုက ပံ့ပိုးလို့ ဆိုပေမယ့် ဒါက သူမရဲ့ ပြင်းပြတဲ့ဆန္ဒလေ။ ဒါကြောင့် သူမ ဒီလောက်ထိရောက်လာတာ” လို့ ပြောပါတယ်။ နက်ထနန်ရဲ့ ဖေ့စ်ဘွတ်ခ်မှာ သူမကို နှစ်သက်ပြီး Follow လုပ်ထားသူ ၇ သိန်း ၅ သောင်း ရှိပြီး သူမက ၂၀၁၈ ခုနှစ် လန်ဒန် ဖက်ရှင်ဝိခ်မှာ မိတ်ကပ်ပညာရှင်တွေနဲ့အတူ သွားရောက် ပူးပေါင်း လိမ်းခြယ်ပေးခဲ့ရပါတယ်။ “လန်ဒန်ဖက်ရှင်ဝိခ်ကတော့ ကျမရဲ့ ဂုဏ်အယူဆုံး အချိန်တွေပဲ။ ကျမ လုပ်ဖူးသမျှတွေထဲမှာ အကြီးဆုံး အခမ်းအနားပါပဲ။ အရင်က နိုင်ငံခြားသား မော်ဒယ်တွေနဲ့ တွဲမလုပ်ဘူးတော့ ပွဲမစခင် နည်းနည်းတော့ ကြောက်နေတယ်။ ပွဲပြီးသွားတော့ စိတ်အေးသွားတယ်။ ကျမလုပ်နိုင်ခဲ့တယ်။ ကျမ ကိုယ့်ကိုယ်ကိုယ် သိပ်ဂုဏ်ယူတာပဲ။ လန်ဒန်ဖက်ရှင်ဝိခ်ကို ရောက်လာနိုင်တာက ကျမရဲ့ အောင်မြင်မှုတော့ မဟုတ်ပါဘူး။ ဒါပေမယ့် အိမ်ထဲကနေ ဖေ့စ်ဘွတ်ခ်ပေါ်လွှင့်ရင်း ဒီနေရာ ရောက်လာတယ်။ တခုခုကိုလုပ်ရတာ နှစ်သက်ရင် ပန်းတိုင်ချမှတ်ပြီး အောင်မြင်ဖို့ ဆုံးဖြတ်ချက်ချ လုပ်ဆောင်ပါ။ ကိုယ်အရမ်းနှစ်သက်ဖို့ပဲ လိုတယ်။ ရှင်တို့လုပ်နိုင်ပါတယ်။ ကိုယ်ကြိုက်တဲ့အလုပ်ကို လုပ်ပါ။ ကိုယ်လုပ်တာကို ကြိုက်နှစ်သက်ပါ” လို့ နက်ထနန်က ဖြေသွားကြောင်း ဘီဘီစီသတင်းတပုဒ်မှာ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up