ရှာဖွေပုံစံမပြဘဲ ရိုက်တာသတင်းထောက်အိမ်က ပစ္စည်း ၅ မျိုး သိမ်းဆည်းခံရ
DVB
·
March 8, 2018
မြန်မာနိုင်ငံအစိုးရ လျှို့ဝှက်ချက်များ အက်ဥပဒေနဲ့ တရားစွဲဆိုခံထားရတဲ့ ရိုက်တာသတင်းထောက် ကိုဝလုံးနဲ့ ကိုကျော်စိုးဦးတို့ အမှုကို ရန်ကုန်မြောက်ပိုင်းခရိုင် ရဲတပ်ဖွဲ့မှူး ဒုရဲမှူးကြီးယုနိုင်က တရားလိုပြုလုပ်ပြီး မတ်လ ၇ ရက်က ရန်ကုန်မြောက်ပိုင်းခရိုင် တရားရုံးမှာ ၈ ကြိမ်မြောက် ရုံးထုတ်ပါတယ်။
မရမ်းကုန်းမြို့နယ်ရှိ ကိုဝလုံးရဲ့ နေအိမ်ကို မရမ်းကုန်းမြို့နယ်၊ ရဲမှူးစိုးအောင်နဲ့အဖွဲ့က သွားရောက်ရှာဖွေစစ်ဆေးခဲ့စဉ်က ရှာဖွေပုံစံနဲ့ စစ်ဆေးခဲ့တယ်လို့ မနေ့က ရုံးထုတ်မှာ ထွက်ဆိုခဲ့ကြောင်း ရိုက်တာသတင်းထောက်တွေရဲ့ရှေ့နေ ဦးသန်းဇော်အောင်က ပြောပါတယ်။
ဒါပေမယ့် ကိုဝလုံးရဲ့ ဖခင်ဖြစ်သူကတော့ ရဲတွေဟာ ရှာဖွေပုံစံကိုမပြဘဲ အိမ်က ကွန်ပျူတာနဲ့ဆက်စပ်ပစ္စည်းတွေနဲ့ စာအုပ်အပါအဝင် ၅ မျိုးကို သိမ်းဆည်းသွားတယ်လို့ ပြောပါတယ်။
ရိုက်တာသတင်းထောက် နှစ်ယောက်ကို မင်္ဂလာဒုံရဲတပ်ဖွဲ့က ဖမ်းဆီးပြီး နောက်တရက်မှာ ကိုဝလုံးတို့ နေထိုင်တဲ့ မရမ်းကုန်းမြို့နယ်ထဲက အိမ်ကို သက်ဆိုင်ရာတာဝန်ရှိသူတွေနဲ့ အခုရုံးချိန်းမှာ တရားလိုပြသက်သေအဖြစ် လာရောက်ထွက်ဆို စစ်ဆေးခံခဲ့ရတဲ့ မရမ်းကုန်းမြို့နယ် ရဲမှူးစိုးအောင်တို့အဖွဲ့ဟာ အိမ်မှာ လာရောက်စစ်ဆေးပြီး ကွန်ပျူတာနဲ့ ဆက်စပ်ပစ္စည်း ၅ မျိုးကို သိမ်းဆည်းသွားတယ်လို့ ကိုဝလုံးရဲ့ဖခင် ဦးတင်မြင့်က ပြောပါတယ်။
အခု ရုံးထုတ်မှာ ရိုက်တာသတင်းထောက်တွေ ဖမ်းဆီးမခံရခင်က ထောက်ကြန့်မြို့နယ်ရှိ ဆောင်းရိပ်မွန် စားသောက်ဆိုင်က စားပွဲထိုး ကိုကျော်မင်းနဲ့ မရမ်းကုန်းမြို့နယ် ရဲမှူးစိုးအောင်တို့ကို တရားလိုပြသက်သေ ၂၅ ဦးထဲက ၁၀ ယောက်မြောက် တရားလိုပြသက်သေအဖြစ် စစ်ဆေးခဲ့ပါတယ်။
နောက်တကြိမ် ရုံးချိန်းကိုတော့ လာမယ့် မတ်လ ၁၄ ရက်နေ့ကို သတ်မှတ်ထားပါတယ်။
