A d v e r t i s e m e n t With Us

လေယာဉ်ပေါ် ကိုယ်လုံးတီးချွတ် အပြာရုပ်ရှင်ကြည့်ခဲ့သည့် တက္ကသိုလ်ကျောင်းသားအား ဖမ်းဆီး

ဓာတ်ပုံ - ဘန်ကောက်ပို့စ်
လေယာဉ်ပေါ်မှာ ကိုယ်လုံးတီးချွတ်ပြီး အပြာရုပ်ရှင်ကြည့်ခဲ့တဲ့အပြင် လေယာဉ်မယ်တဦးကို နှောင့်ယှက်ခဲ့တဲ့ တက္ကသိုလ်ကျောင်းသားတဦး ဖမ်းဆီးခံခဲ့ရတယ်လို့ ဘန်ကောက်ပို့စ်သတင်းမှာ ဒီကနေ့ ဖော်ပြပါတယ်။ ဒီအဖြစ်အပျက်ဟာ မလေးရှားနိုင်ငံက ထွက်ခွာလာတဲ့ မယ်လင်ဒိုလေကြောင်းလိုင်း လေယာဉ်တစင်းပေါ်မှာ မတ်လ ၃ ရက်နေ့က ဖြစ်ခဲ့ပြီး လိုက်ပါလာတဲ့ ဘင်္ဂလားဒေ့ရှ် ခရီးသည်အမျိုးသားဟာ လက်ပ်တော့ပ်ထဲက အပြာရုပ်ရှင်ကားကို ကိုယ်လုံးတီးချွတ် အခြေအနေနဲ့ ကြည့်နေခဲ့တာပါ။ အသက် ၂၀ အရွယ် အဲဒီအမျိုးသားဟာ မလေးရှားတက္ကသိုလ်တခုက ကျောင်းသားတဦးဖြစ်တယ်လို့ ဒေသတွင်း သတင်းမီဒီယာတွေမှာ ဖော်ပြပါတယ်။ အစပိုင်းမှာတော့ လေယာဉ်အမှုထမ်းတွေက အဲဒီလိုကြည့်ရှုနေတာ မသင့်တော်လို့ အဝတ်အစားတွေ ပြန်ဝတ်ထားဖို့ တောင်းဆိုခဲ့တယ်လို့ ဆိုပါတယ်။ ဒါပေမယ့် နောက်ပိုင်းမှာတော့ သူဟာ လေယာဉ်မယ်တွေကိုပါ ဖက်ယမ်းကိုင်တွယ်ဖို့ ကြိုးစားလာတာမို့ ခရီးသည်တွေရော လေယာဉ်အမှုထမ်းတွေကပါ သူ့ကို ခုံမှာ ချုပ်နှောင်ထားဖို့ ကြိုးစားခဲ့ကြရတာပါ။ ဘာကြောင့် ခုလိုဖြစ်ရတယ်ဆိုတဲ့ အကြောင်းရင်းကိုတော့ ရှင်းရှင်းလင်းလင်း မသိနိုင်သေးဘူးလို့ သတင်းက ဆိုပါတယ်။ အဲဒီ မလေးရှားလေကြောင်းလိုင်းဟာ အင်ဒိုနီးရှားအခြေစိုက် ကုမ္ပဏီတခုရဲ့ လက်အောက်ခံ လုပ်ငန်းတခုဖြစ်ကာ ဒီအဖြစ်အပျက် အသေးစိတ်ကိုတော့ အတည်ပြုဖို့ ငြင်းဆန်ထားပါတယ်။ သူတို့ရဲ့ ထုတ်ပြန်ချက်ထဲမှာတော့ မလေးရှားနိုင်ငံ၊ ကွာလာလမ်ပူလေဆိပ်ကနေ ဘင်္ဂလားဒေ့ရ်ှနိုင်ငံ၊ ဒါကာမြို့ကို ထွက်ခွာတဲ့ လေယာဉ်တစင်းပေါ်မှာ နှောင့်ယှက်တဲ့ ခရီးသည် အမျိုးသားတဦးကို ဆိုက်ရောက်ချိန်မှာ ဖမ်းဆီးခဲ့တယ်လို့ ဖော်ပြထားပါတယ်။

A d v e r t i s e m e n t With Us

More News
Up