A d v e r t i s e m e n t With Us

ဆုပေးပွဲအပြီး အော်စကာဆု အခိုးခံခဲ့ရသည့် ဟောလီးဝုဒ်မင်းသမီး

ဓာတ်ပုံ - အေအက်ဖ်ပီ
ပြီးခဲ့တဲ့ အော်စကာရုပ်ရှင်ထူးချွန်ဆု ချီးမြှင့်ပွဲ အခမ်းအနားအပြီးမှာ မင်းသမီး ဖရန့်စ် မက်က်ဒေါမန်ဒ်စ်ရဲ့ အော်စကာရုပ်တု အခိုးခံခဲ့ရတယ်လို့ ဘီဘီစီသတင်းတပုဒ်မှာ ဒီကနေ့ ဖော်ပြပါတယ်။ ဒါပေမယ့် သံသယရှိသူ အမျိုးသားကို လော့စ်အိန်ဂျလိစ်ရဲတွေက ဖမ်းဆီးနိုင်ခဲ့ပြီး ဒါဟာ ပြီးခဲ့တဲ့ တနင်္ဂနွေနေ့က ထူးချွန်ဆုချီးမြှင့်ပွဲအပြီးမှာ ဖြစ်ခဲ့တာလို့ ဆိုပါတယ်။ ခိုးယူတယ်လို့ သံသယရှိတဲ့ အသက် ၄၇ နှစ်အရွယ် အမျိုးသားရဲ့ အမည်ကိုတော့ တယ်ရီ ဘရိုင်ယန့်လို့ သိရပြီး လက်ရှိမှာတော့ ရဲတွေက ပေါင် ၂ သောင်းနဲ့ အာမခံပေးထားကာ နောက်ပိုင်းမှာ အမှုရင်ဆိုင်ရဖို့ ရှိနေပါတယ်။ လက်ရှိမှာတော့ မင်းသမီးကို  အော်စကာရုပ်တု ပြန်ပေးခဲ့ပြီးဖြစ်တယ်လို့ သူ့ရဲ့ ပြောရေးဆိုခွင့်ရသူက ဆိုပါတယ်။ “အော်စကာနဲ့ ဖရန် (မင်းသမီး) ဟာ ပျော်ရွှင်စွာပဲ ပြန်ပေါင်းစည်းနိုင်ခဲ့ပြီ။ In-N-Out ဘာဂါလိုမျိုးပေါ့။” မင်းသမီး ဖရန့်စ် မက်က်ဒေါမန်ဒ်စ်ဟာ Three Billboards Outside Ebbing, Missouri ရုပ်ရှင်ကားနဲ့ အကောင်းဆုံး အမျိုးသမီးသရုပ်ဆောင်ဆု ရရှိခဲ့တာဖြစ်ကာ ဒါဟာ သူ့အတွက် ဒုတိယမြောက်ရရှိတဲ့ဆု ဖြစ်တယ်လို့ သတင်းမှာ ဖော်ပြပါတယ်။

A d v e r t i s e m e n t With Us

More News
Up