ဆေးပေါ့လိပ်တလိပ်ကို ၂၅ ပြားနှုန်းသာအခွန် ကောက်ရန်အကြံပြု

အထူးကုန်စည်ခွန် ကောက်ခံရာမှာ ဆေးပေါ့လိပ် တလိပ်ကို ၂၅ ပြားနှုန်းနဲ့ပဲ ကောက်ဖို့ ပြည်ထောင်စုလွှတ်တော် ဥပဒေကြမ်းပူးပေါင်းကော်မတီက သဘောထား မှတ်ချက်ပေးလိုက်ပါတယ်။ ဖေဖော်ဝါရီ ၂၈ ရက် ပြည်ထောင်စုလွှတ်တော် အစည်းအဝေးမှာ ၂၀၁၈ ခုနှစ်၊ ပြည်ထောင်စုရဲ့ အခွန်အကောက်ဥပဒေကြမ်းနဲ့ ပတ်သက်ပြီး အစီရင်ခံစာ တင်သွင်းရာမှာ အကြံပြုထားတာပါ။ မူလရေးဆွဲထားတဲ့ ဥပဒေကြမ်းမှာ တလိပ်ရောင်းဈေး ၁၀ ကျပ်အထိ ရှိတဲ့ ဆေးပေါ့လိပ်တွေကို တလိပ် ပြား ၅၀ နှုန်း၊ တလိပ်ဈေး ၁၁ ကျပ်နဲ့ အထက်ဆိုရင် ၁ ကျပ်နှုန်း သတ်မှတ်ထားတာပါ။ ဆေးပေါ့လိပ်လုပ်ငန်းဟာ အိမ်တွင်းလက်မှုလုပ်ငန်းဖြစ်တာ၊ တိုင်းရင်းသားလူမျိုးတွေရဲ့ ရိုးရာအမွေအနှစ်ဆိုင်ရာ မိရိုးဖလာလုပ်ငန်းဖြစ်တာနဲ့ ကျေးလက်နေအမျိုးသမီးတွေရဲ့ လက်ငုတ်လက်ရင်းလုပ်ငန်းဖြစ်တာကြောင့် အခုလို အခွန်ကျော့ကောက်ဖို့ ကော်မတီက မှတ်ချက်ပေးထားပါတယ်။ ဒါကြောင့် မူလရောင်းဈေး ဘယ်လောက်ပဲ ဖြစ်နေပါစေ ဆေ့ပေါ့လိပ် တလိပ်ကို ၂၅ ပြားနှုန်းကောက်ခံဖို့ အစီရင်ခံစာမှာ ဖော်ပြထားပါတယ်။ မြန်မာတနိုင်ငံလုံးမှာ ဆေးလိပ်ခုံပေါင်း ၂၅၀၀ လောက်ရှိပြီး အခွန်ဆောင်ပြီး လုပ်ငန်းလည်ပတ်နိုင်တဲ့ ဆေးလိပ်ခုံက ၃၀၀ လောက်ပဲ ရှိမယ်လို့ မြင်းခြံမြို့က ဆေးလိပ်ခုံ လုပ်ငန်းရှင်တွေရဲ့ စာရင်းတွေအရ သိရပါတယ်။ တခြားအထူးကုန်စည်ဖြစ်တဲ့ စီးကရက်ကိုတော့ အခွန်နှုန်းထားမပြောင်းလဲဘဲ တဘူးချင်းရဲ့ တန်ဖိုးအဆင့်သတ်မှတ်တာကိုပဲပြောင်းလဲထားပါတယ်။ ဒါကြောင့် အလိပ် ၂၀ ပါ စီးကရက် တဘူးရောင်းဈေးဟာ ၅၀၀ ကျပ်အထိ ဖြစ်မယ်ဆိုရင် တလိပ်အတွက် အခွန် ၄ ကျပ်၊ တဘူးရောင်းဈေး ၇၀၀ ကျပ်အထိကို တလိပ် ၉ ကျပ်၊ တဘူးရောင်းဈေး ၉၀၀ ကျပ်အထိကို တလိပ် ၁၃ ကျပ်နဲ့ တဘူးရောင်းဈေး ၉၀၁ ကျပ်နဲ့ အထက်ကိုတော့ တလိပ်အတွက် အခွန် ၁၆ ကျပ်အထိ အကြံပြုထားပါတယ်။ နောက်ထပ်အထူးကုန်စည်တွေဖြစ်တဲ့ ဆေးပြင်းလိပ်၊ ဆေးတံသောက်ဆေးနဲ့ ကွမ်းစားဆေး အမျိုးမျိုး၊ အရက်၊ ဘီယာ၊ ဝိုင်တွေကိုတော့ အခွန်နှုန်းပြင်ဆင်ဖို့ ကော်မတီက အကြံပြုတာ မရှိပါဘူး။ ဆေးပြင်းလိပ်၊ ဆေးတံသောက်ဆေးနဲ့ ကွမ်းစားဆေး အမျိုးမျိုးအတွက် ဈေးနှုန်းသတ်မှတ်ချက်မရှိဘဲ အခွန်နှုန်းကို ၈၀ ရာခိုင်နှုန်း သတ်မှတ်ထားပါတယ်။ အရက်တွေကတော့ တလီတာကို ၇၅၀ ကျပ်တန်ဖိုးရှိရင် အခွန်က ၉၁ ကျပ်ကစပြီး တလီတာကို ၂၆၀၀၀ ကျပ်အထိကို အခွန် ၅၉၁၁ ကျပ်အထိ သတ်မှတ်ထားပါတယ်။ ဘီယာတွေနဲ့ တလီတာကို ၂၆၀၀၁ ကျပ်ထက် ပိုပြီး ဈေးနှုန်းမြင့်တဲ့ အရက်တွေကိုတော့ အခွန်နှုန်း ၆၀ ရာခိုင်နှုန်း သတ်မှတ်ထားပါတယ်။ တခြားအထူးကုန်စည်တွေနဲ့ ပတ်သက်ပြီးတော့လည်း ပြောင်းလဲဖို့ ဥပဒေကြမ်းပူးပေါင်းကော်မတီက သုံးသပ်တင်ပြထားတာ မရှိပါဘူး။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up