A d v e r t i s e m e n t With Us

ဘောလုံးဖွံ့ဖြိုးရေး ပူးပေါင်းလုပ်ဆောင်ရန် ကာတာနှင့် အင်္ဂလန်ဘောလုံးအဖွဲ့ချုပ် စာချုပ်

အင်္ဂလန်ဘောလုံးအဖွဲ့ချုပ်ဟာ ၂၀၂၂ ကမ္ဘာ့ဖလား အိမ်ရှင် ကာတာနဲ့ ဘောလုံးဖွံ့ဖြိုးရေး လုပ်ငန်းတွေ ပူးပေါင်းလုပ်ဆောင်ဖို့ သဘောတူညီမှုစာချုပ် ချုပ်ဆိုလိုက်ပါတယ်။ သဘောတူညီချက်အရ နှစ်နိုင်ငံ ဘောလုံးအဖွဲ့ချုပ်တွေအနေနဲ့ နိုင်ငံတကာခြေစမ်းပွဲတွေ ကစားမှာ ဖြစ်သလို အောက်ခြေအဆင့် လူငယ်စီမံကိန်းတွေ၊ အမျိုးသမီး ဘောလုံးဖွံ့ဖြိုးရေး လုပ်ငန်းတွေ၊ ကစားသမားတွေရဲ့ စွမ်းဆောင်ရည်နဲ့ စီမံအုပ်ချုပ်မှု စတဲ့ နယ်ပယ်တွေမှာ ပူးပေါင်းဆောင်ရွက်သွားမယ်လို့ သိရပါတယ်။ ကာတာနိုင်ငံကို ကမ္ဘာ့ဖလား အိမ်ရှင် ကျင်းပခွင့်ပေးလိုက်တာဟာ ကမ္ဘာ့ဘောလုံးသမိုင်းရဲ့ အဆိုးရွားဆုံး ဆုံးဖြတ်ချက်ဖြစ်တယ်လို့ ၂၀၁၅ ခုနှစ်တုန်းက အင်္ဂလန်ဘောလုံးအဖွဲ့ချုပ် ဥက္ကဋ္ဌဟောင်း ဂရတ်ဒိုက်က ဝေဖန်ခဲ့ဖူးပါတယ်။ ရှည်လျားတဲ့ သမိုင်းကြောင်းရှိတဲ့ ကမ္ဘာ့နိုင်ငံတွေက ဘောလုံးအဖွဲ့ချုပ်တွေနဲ့အတူ ပူးပေါင်းဆောင်ရွက်ဖို့ လိုပြီး ကာတာနိုင်ငံဟာဆိုရင် ကမ္ဘာ့ဖလား အိမ်ရှင် ဖြစ်သလို ဘောလုံးတိုးတက်ဖို့ အဓိက ရည်မှန်းချက်ထားတဲ့နိုင်ငံ ဖြစ်လို့ ပူးပေါင်းလုပ်ဆောင်ဖို့ ဆုံးဖြတ်ခဲ့တာလို့ အင်္ဂလန်အက်ဖ်အေဥက္ကဋ္ဌ ဂရတ်ကလက်ခ်က ပြောပါတယ်။

A d v e r t i s e m e n t With Us

More News
Up