A d v e r t i s e m e n t With Us

နိုင်ငံအလံ သုံးခွင့်မရသည့် ရုရှား ဟော်ကီအသင်း ဂျာမနီကို အနိုင်ယူဗိုလ်စွဲ

နိုင်ငံအလံ အသုံးမပြုရတဲ့ ရုရှားရေခဲပြင် ဟော်ကီကစားသမားတွေဟာ နောက်ဆုံးဖိုင်နယ်ပွဲမှာ ဂျာမနီနဲ့ အကြိတ်အနယ် ယှဉ်ပြိုင်ပြီး ရွှေတံဆိပ်ဆုကို ဆွတ်ခူးခဲ့ပါတယ်။ ဖေဖော်ဝါရီ ၂၅ ရက်နေ့က ပြုလုပ်တဲ့ ပြုံချန်းအိုလံပစ် နောက်ဆုံးနေ့ ရေခဲပြင်ဟော်ကီ ဖိုင်နယ်ပွဲမှာ ရုရှားအသင်းဟာ ဂျာမနီအသင်းကို ၄-၃ နဲ့ အနိုင်ရရှိခဲ့တာပါ။ အမှတ်ချင်းတူနေတဲ့ ရုရှားနဲ့ ဂျာမနီတို့ဟာ အချိန်ပို ဆက်လက်ယှဉ်ပြိုင်ရာမှ ရုရှား ကစားသမား ကီရီရို-ကာပီဇော့ရဲ့ အနိုင်ရမှတ်နဲ့ ရွှေတံဆိပ်ဆု ဆွတ်ခူးခဲ့တာပါ။ အခုပွဲဟာ အိုလံပစ် အမျိုးသားရေခဲပြင်ဟော်ကီ တံခွန်စိုက်ပြိုင်ပွဲ သမိုင်းမှာ အံ့သြစရာ အကောင်းဆုံး ဖိုင်နယ်ပွဲစဉ်တွေထဲက တခု ဖြစ်ပါတယ်။ အခု အိုလံပစ်ပြိုင်ပွဲမှာ ရုရှားနိုင်ငံ အလံနဲ့ နိုင်ငံတော်သီချင်း သီဆိုမှုကို တားမြစ်ထားပေမယ့် အောင်ပွဲခံ ရုရှားအားကစားသမားတွေဟာ အိုလံပစ်သီချင်း သီဆိုချိန်မှာပဲ ရုရှား နိုင်ငံတော်သီချင်းကို ထပ်ပြီးသီဆိုခဲ့တယ်လို့ ရိုက်တာသတင်းမှာ ဖော်ပြထားပါတယ်။ ပြုံချန်းအိုလံပစ်ပိတ်ပွဲ အခမ်းအနားမှာ ရုရှားအလံလွှင့်ခြင်းကို နိုင်ငံတကာ အိုလံပစ်ကော်မတီက ဖေဖော်ဝါရီ ၂၅ ရက်နေ့က တားမြစ်ခဲ့တာပါ။ ပြုံချန်း အိုလံပစ်ပြိုင်ပွဲအတွင်း ရုရှားအားကစားသမားနှစ်ဦးဟာ တားမြစ်ဆေး စည်းကမ်း ချိုးဖောက်ခဲ့တယ်လို့ အိုလံပစ်ကော်မတီက ပြောကြားခဲ့ပြီး ဒီအတွက် ရုရှားအားကစား ကိုယ်စားလှယ်အဖွဲ့ ပါဝင်ခွင့်ရဖို့ ဆုံးရှုံးခဲ့တာ ဖြစ်ပါတယ်။

A d v e r t i s e m e n t With Us

More News
Up