ကျွဲနွားများ တင်ဆောင်လာသည့်ကား ကျောက်မဲမြို့နယ်တွင် ပစ်ခတ်ခံရ
DVB
·
February 25, 2018
ရှမ်းပြည်နယ်၊ ကျောက်မဲမြို့နယ်မှာ ကျွဲနွားတွေ တင်ဆောင်လာတဲ့ ကားတစီးဟာ မနေ့က လက်နက်ကိုင်အဖွဲ့တခုရဲ့ ပစ်ခတ်တာကို ခံရပြီး ပါလာသူတချို့ ဒဏ်ရာရခဲ့တယ်လို့ ပြည်ထဲရေးက ထုတ်ပြန်ပါတယ်။
ဖေဖော်ဝါရီ ၂၄ ရက် မနက် ၁ နာရီကျော်အချိန်က ကျောက်မဲမြို့နယ် ကျောင်းကုန်းရွာနဲ့ နောင်ပြစ်ရွာ လမ်းခွဲအနီး၊ ပြည်ထောင်စုလမ်းမကြီး မိုင်တိုင် ၈၉ မှာ မောင်းနှင်လာတဲ့ ၁၂ ဘီးယာဉ်ကို ပစ်ခတ်ခဲ့တာပါ။
အဲဒီကားဟာ တရားဝင်သယ်ဆောင်လာတဲ့ ကျွဲနွားတွေနဲ့ နောင်ချိုက ကျောက်မဲကို မောင်းနှင်လာတာ ဖြစ်ပြီး ယာဉ်မောင်းအပါအဝင် ၄ ယောက် လိုက်ပါလာပါတယ်။
ပေါက်ကွဲသံကြားလို့ ကားရဲ့ လေအိတ်ပေါက်တယ်ထင်ပြီး ရပ်တန့်လိုက်ရာမှာ လမ်းဘေး တောင်ကုန်းပေါ်က လက်နက်ကိုင် ၈ ယောက်လောက်က ဝိုင်းဝန်းပစ်ခတ်လို့ ပါလာသူတွေဟာ ကားကိုထားပြီး ထွက်ပြေးခဲ့ရတယ်လို့ ဆိုပါတယ်။
ဒါကြောင့် ကားပေါ်ပါလာသူ ၃ ယောက်မှာ ပါး၊ ကျောနဲ့ လက်တွေမှာ ကျည်ဆန်ထိမှန်ပြီး ကျောက်မဲဆေးရုံမှာ ဆေးကုနေရပါတယ်။ နောက်တယောက်မှာတော့ ချိုစောင်း၊ နောက်စေ့ အောက်နဲ့ တင်ပါးအထက်တွေမှာ စိုးရိမ်ရတဲ့ ဒဏ်ရာတွေ ရထားလို့ မန္တလေးဆေးရုံကြီးကို လွှဲပြောင်းကုသနေတယ်လို့ ဆိုပါတယ်။
ဘယ်အဖွဲ့က ပစ်ခတ်ခဲ့တယ်ဆိုတာကိုတော့ မသိရသေးပါဘူး။
