A d v e r t i s e m e n t With Us

အီဂျစ်တွင် ရှေးဟောင်း ကျောက်သားအပိတ်ခေါင်းတလား ၄၀ တွေ့ရှိ

သမိုင်းဆိုင်ရာ ထိုးဖောက်ကျော်ဖြတ်မှုတခုအဖြစ် ကိုင်ရိုမြို့ပြင် အီဂျစ်မြို့တခုမှာ ကျောက်သားအပိတ် ခေါင်းတလား ၄၀ နဲ့အတူ ရှေးဟောင်း ဂူသင်္ချိုင်းတခုကို ရှေးဟောင်းသုတေသနပညာရှင်တွေ ရှာဖွေတွေ့ရှိခဲ့ပါတယ်။ အီဂျစ်အထက်ပိုင်း မြို့တော်မင်းယာက သင်္ချိုင်းဂူတခုမှာ ရုပ်တုအသေးလေးတွေ ၁ ထောင်အထိ ပါရှိပြီး မတူထူးခြားတဲ့အဆောင် ဆွဲကြိုးတကုံးနဲ့ ကျောက်သားခေါင်းတလား ၄၀ တွေ့ရှိတယ်လို့ သိရပါတယ်။ တွေ့ရှိတဲ့နေရာက နှစ်ပေါင်း ၂ ထောင်ကျော် သက်တမ်းရှိပြီး ရှေးဟောင်းသုတေသီတွေကလည်း ဆက်လက်တူးဖော် ရှာဖွေနေကြပါတယ်။ ဒီရှာဖွေတွေ့ရှိမှုက ရှေးဟောင်းသုတေသနပိုင်းမှာ အောင်မြင်မှုအမှတ်အသား တခုတည်းသာမကပဲ နိုင်ငံရဲ့ ခရီးသွားလာရေး လုပ်ငန်းအတွက်ပါ အကျိုးများမယ်လို့ ဆိုပါတယ်။ အခုတွေ့ရှိတဲ့ နေရာကို ရှာဖွေဖော်ထုတ်ဖို့ နောက်ထပ် ၅ နှစ်လောက်ကြာမယ်လို့ မျှော်မှန်းနေကြပြီး အီဂျစ်နိုင်ငံရဲ့ နိုင်ငံခြားခရီးသွားလာရေးလုပ်ငန်း အားကောင်းလာဖို့ အစပြုတာလို့ အီဂျစ်တာဝန်ရှိသူတွေက မျှော်မှန်းထားပါတယ်။ ဖေဖော်ဝါရီ ၂၄ ရက်နေ့မှာတော့ ရှေးဟောင်းပစ္စည်း ဝန်ကြီး ခါလက်ဒ်အယ်အီးနာနီက “ဒါက အစပြုရုံပဲ ရှိပါသေးတယ်၊ ကျနော်တို့ မကြာခင် အီဂျစ်အလယ်ပိုင်းမှာ ရှေးဟောင်းနဲ့ဆိုင်တဲ့ စွဲဆောင်မှုအသစ်တွေ ထပ်ဖြည့်သွားမှာပါ” လို့ ပြောပါတယ်။ ရှေးဟောင်းပစ္စည်းဆိုင်ရာ အကြီးဆုံးကောင်စီရဲ့ အထွေထွေ အတွင်းရေးမှူး မိုစတာဖာဝါဇီရီက “ပြီးခဲ့တဲ့ နှစ်သစ်ပွဲတော်မှာ ရှာဖွေတွေ့ရှိခဲ့တဲ့ အဆောင်ဆွဲကြိုးက နှစ်သစ်ဆုတောင်း ပါရှိနေတာကလည်း အံ့သြဖွယ်ရာ တိုက်ဆိုင်မှုဖြစ်တယ်။ သေဆုံးပြီးတဲ့နေရာကနေ ကျနော်တို့ဆီ သတင်းစကား ပါးလိုက်တာ” လို့ ပြောကြောင်း မေရာသတင်းတပုဒ်မှာ ဖော်ပြထားပါတယ်။

A d v e r t i s e m e n t With Us

More News
Up