A d v e r t i s e m e n t With Us

ဘာဘီရုပ်နှင့်တူအောင် လစဉ် ပေါင် ၁၀၀၀ သုံးပြီး ခွဲစိတ်နေသည့် ဆယ်ကျော်သက်

တကယ့်ဘဝထဲက ဘာဘီအရုပ်မလေးနဲ့ တူလာအောင် ပြောင်းလဲချင်တဲ့ ဆယ်ကျော်သက် တဦးက မိဘတွေရဲ့ ပိုက်ဆံကို လစဉ် ပေါင် ၁ ထောင်သုံးပြီး ခွဲစိတ်ပြုပြင်နေပါတယ်။ ချက်နိုင်ငံ ပရက်ဂ်မြို့က အသက် ၁၈ နှစ်အရွယ် ဂါဘရီလာဂျီရက်ကိုဗာက အမေရိကန်လုပ် အရုပ်လေးတွေ ၃၀၀ ပိုင်ဆိုင်ပြီး လက်တလော သူမရဲ့ သဘာဝ စီအရွယ်အစား ရင်သားတွေကို အရွယ်အစား ဂျီအထိဖြစ်အောင် ခွဲစိတ်ပြုပြင်ထားတယ်လို့ ဆိုပါတယ်။ ဂါဘရီလာက သူမရဲ့ သဘာဝအတိုင်းဖြစ်နေတဲ့ အလှကို ရွှေရောင်ဆံပင် မျက်တောင်အထူကြီးတွေ၊ မိတ်ကပ်နဲ့နှုတ်ခမ်းနီတွေနဲ့ပြုပြင်ပြီး ဘာဘီအရုပ်တရုပ်လို တုပ ပြင်ဆင်ခဲ့တာပါ။ တင်ပါးအစားထိုးတာ၊ နံရိုး ခွဲစိတ်ဖယ်ရှားတာတွေအပါအဝင် ပိုမိုခွဲစိတ်ပြုပြင်မှုတွေ လုပ်ဖို့ လက်တလော စီစဉ်ခဲ့ပြီး ရင်သားပိုမိုကြီးအောင် ခွဲစိတ်ပြုပြင်ခဲ့တာက သူမကို တကယ့်အရုပ် တရုပ်လိုဖြစ်အောင် ပြီးပြည့်စုံစွာ အထောက်အကူ ပြုခဲ့ပါတယ်။ “ကျမကို အခြားတကယ့်သက်ရှိဘဝမှာ ရှိနေတဲ့ ဘာဘီပုံစံအမျိုးသမီးတွေနဲ့ ကျမရဲ့ ဘာဘီအရုပ်တွေက ဒီလိုပြောင်းလဲအောင် လှုံ့ဆော်ပေးတယ်။ ကလေးတယောက်အနေနဲ့ ကျမမှာ ဒီလို ဘာဘီအရုပ်တွေလည်း အများကြီး ရှိခဲ့တယ်” လို့ သူမက ပြောပါတယ်။ “နေ့တိုင်း ဒီလိုပုံအသင့်ဖြစ်ဖို့ ကျမ အချိန် ၃ နာရီခွဲကြာတယ်။ ဒီလူနေမှုပုံစံက လုံးဝတော့ မလွယ်ဘူး။ ကျမရဲ့ဒီပုံစံဖြစ်အောင် ထိန်းသိမ်းရတာက စိတ်ပိုင်း၊ ရုပ်ပိုင်းနဲ့ ငွေကြေးပိုင်းဆိုင်ရာ အားလုံးမှာ ခက်ခဲတယ်။ လူတိုင်း၊ ကျမကို မုန်းသူ၊ ကျမရဲ့ပရိသတ်နဲ့ သတင်းဌာနတွေကနေလည်း ကျမအပေါ် ဖိအားတွေ အများကြီး ဖြစ်စေတယ်” လို့ သူမက ပြောပါတယ်။ သူမရဲ့ မိခင်ဖြစ်သူက “ခွဲစိတ်မှုတွေအတွက် သူ့ရဲ့ကျန်းမာရေးကိုတော့ စိတ်ပူတယ်၊ ဒါပေမယ့် ဒါကို ဘယ်လောက်ကြာကြာ လုပ်နိုင်မလဲ၊ ဒါက သူ့ရဲ့ ရွေးချယ်မှုဖြစ်လို့ ကျမကတော့ အလေးထားပါတယ်။ ဘယ်လိုပဲဖြစ်ဖြစ် သမီးက လှပြီးသားပါ၊ သူ ပျော်နေဖို့နဲ့ သူ့အိမ်မက်တွေကို ဖြည့်ဆည်းဖို့က အရေးအကြီးဆုံးပါ” လို့ ပြောပါတယ်။ ဂါဘရီလာကတော့ အမေရိကန်နိုင်ငံမှာ နေဖို့ စိတ်ကူးနေပြီး သူမက လုံးဝကို ဘာဘီရုပ် တရုပ်နဲ့တူအောင် ပြုပြင်နေထိုင်ဖို့ စိတ်အားထက်သန်နေတာလို့ မေရာသတင်းတပုဒ်မှာ ဖေဖော်ဝါရီ ၂၁ ရက်နေ့က ဖော်ပြထားပါတယ်။

A d v e r t i s e m e n t With Us

More News
Up