A d v e r t i s e m e n t With Us

သမီးရင်းကို အဓမ္မပြုကျင့်သည့်ဖခင် ထောင်ဒဏ်အနှစ် ၈၀ ပြစ်ဒဏ်ချမှတ်ခံရ

မလေးရှားနိုင်ငံမှာ သမီးရင်းကို အဓမ္မပြုကျင့်ခဲ့တဲ့ ဖခင်အမျိုးသားကို ပြစ်မှုဆိုင်ရာ ဗဟိုတရားရုံးက ဒီကနေ့မှာ ထောင်ဒဏ်အနှစ် ၈၀ နဲ့ ကြိမ်ဒဏ် ၂၄ ချက် ပြစ်ဒဏ်ချမှတ်လိုက်ပါတယ်။ ဆာရာဝပ်ခ်ပြည်နယ် တရားရုံးက ဒီပြစ်ဒဏ်ချမှတ်မှု မတိုင်ခင်မှာ တရားခံက တရားရုံး ၄ ခုမှာ အသနားခံစာတင်သွင်း အယူခံဝင်ခဲ့ပြီးနောက်မှာမှ ခုလို အပြီးသတ်အမိန့် ချမှတ်နိုင်ခဲ့တာပါ။ ဒီအဖြစ်အပျက်ဟာ ပြည်နယ်မြို့တော် ကူချင်းမြို့နဲ့ ၆၅ ကီလိုမီတာအကွာ ပါဒဝမ်ဒေသတွင်း နေအိမ်မှာ ဖြစ်ခဲ့တာလို့ မလေးရှားအခြေစိုက် ဘနားမားသတင်းမှာ ဖော်ပြပါတယ်။ အသက် ၄၀ အရွယ် တရားခံအမျိုးသားဟာ သမီးဖြစ်သူကို လွန်ခဲ့တဲ့ ၃ နှစ်တာကာလ ၂၀၁၅ ခုနှစ်၊ မတ်လကတည်းက အဓမ္မပြုကျင့်ခဲ့တာဖြစ်ပြီး အဲဒီအချိန်မှာ သမီးငယ်ဟာ အသက် ၁၄ နှစ်အရွယ်ရှိနေပြီလို့ ဆိုပါတယ်။ ဒီကာလတွေအတွင်းမှာ သူဟာ သမီးဖြစ်သူကို ၄ ကြိမ် လိင်ဆက်ဆံမှုလုပ်ခဲ့ကြောင်း ဝန်ခံထွက်ဆိုခဲ့ကာ အကြိမ်တိုင်းမှာ ပဋိသန္ဓေတားဆေးတွေ သောက်ခိုင်းခဲ့တယ်လို့ ဆိုပါတယ်။ အချိန်ကာလ ကြာရှည်မသိနိုင်ခဲ့တဲ့ ဒီပြဿနာကို သမီးဖြစ်သူက မိခင်ဖြစ်သူဆီ WechatApp အသုံးပြုပြီး ပြောပြခဲ့ရာကနေ ကွင်းဆက်ရခဲ့ပြီး တိုင်ကြားခံခဲ့ရတာပါ။ အဲဒီနောက်မှာတော့ တရားခံအမျိုးသားကို ဖမ်းဆီးစစ်ဆေးခဲ့ကြပြီး ခုလို အမိန့်ချမှတ်နိုင်ခဲ့တာ ဖြစ်ပါတယ်။ တရားခံဟာ အထွေထွေလုပ်သားတဦးဖြစ်ကာ သူ့မှာ အခုသမီးဖြစ်သူ အပါအဝင် ကျွေးမွေးစောင့်ရှောက်ရမယ့် သမီးသုံးယောက်နဲ့ သားတယောက်ရှိတာမို့ ပြစ်ဒဏ်ကို လျှော့ပေါ့ပေးဖို့ လျှောက်လဲခဲ့ပေမယ့် မအောင်မြင်ခဲ့ပါဘူး။ အစိုးရ ဒုတိယရှေ့နေ ဟာရက်ရ်ှပရာကက်ရ်ှက တရားခံအမျိုးသားဟာ စိတ်အခြေအနေ မူမမှန်ဘဲ ခုလိုကျူးလွန်ခဲ့တဲ့အပေါ် သင့်တော်တဲ့ပြစ်ဒဏ် ကျခံစေဖို့လိုတယ်လို့ တရားရုံးမှာ ပြောလိုက်တာပါ။ “သူ့ကို သော့ပိတ်ပြီး သော့တွေကို ဝေးဝေးသာ လွှတ်ပစ်လိုက်တော့” လို့ အစိုးရ ဒုတိယရှေ့နေ ဟာရက်ရ်ှပရာကက်ရ်ှက ပြောပါတယ်။

A d v e r t i s e m e n t With Us

More News
Up